aanamdam

Friday, May 17, 2024

కొన్ని విషయములు..మార్పులుచేర్పులు...

కొందరు గొప్పవారు ఎన్నో గొప్ప విషయాలను తెలియజేస్తున్నారు.

*********

కొందరు తాము మూఢనమ్మకాలను నమ్ముతూ.. వాటిని ప్రచారం చేస్తారు. మూఢనమ్మకాలవల్ల సమాజానికి ఎంతో నష్టం జరుగుతుంది. అందువల్ల మూఢనమ్మకాలను ప్రచారం చేయకూడదు, పాటించకూడదు.

*************

ఈ రోజుల్లో కొందరు, భక్తి పేరుతో జనాలను మోసం చేస్తున్నారని వార్తల ద్వారా తెలుస్తోంది. అలాంటి వారి విషయంలో జాగ్రత్తగా ఉండాలి. అలాంటివారి మాటలను నమ్మి, వారు ఏం చెబితే అది చేయనక్కర లేదు.

ఈ మధ్య కాలంలో కొందరు .. మూఢనమ్మకాలను చెప్పి భక్తులను ఆందోళనకు గురిచేసి, వారిని కుటుంబసభ్యులకు దూరం చేసి, వారి ఆస్తులను తీసుకుని మోసం చేస్తున్నట్లు వార్తలు ద్వారా తెలిసింది.

*************

మరి కొన్ని విషయములు....

ప్రాచీనగ్రంధాలలో అనేక ప్రక్షిప్తాలు ఉన్నాయని పండితులే అంటుంటారు. ఈ రోజుల్లో గమనిస్తే .. ప్రాచీనగ్రంధాలలో ఉన్న విషయాల గురించి కొందరు ఎవరికి తోచినట్లు వారు చెబుతున్నారు. ఇక తరతరాలనుండి ఎందరు తమకు తోచినట్లు గ్రంధాలలో మార్పులుచేర్పులు చేసారో చెప్పలేము.

కొందరు తెలిసితెలియని వాళ్లు, స్వార్ధపరులు కూడా ..గ్రంధములలో మార్పులుచేర్పులు చేసే అవకాశముంది. అందువల్ల ప్రతిదీ గుడ్దిగా నమ్మటం కాకుండా విచక్షణతో ఆలోచించి నిర్ణయాలు తీసుకోవాలి.

సమాజంలో రకరకాల అభిప్రాయాల వారు ఉంటారు కాబట్టి, ప్రక్షిప్తాలను సరిదిద్దాలంటే కష్టమైనపని...ఏవి ప్రక్షిప్తాలో? తెలియదు కాబట్టి, గ్రంధాలలో ప్రక్షిప్తాలు ఉన్నాయని అంగీకరించి, వాటి విషయంలో విచక్షణతో ఉండాలి.

ప్రాచీనగ్రంధాలు ప్రామాణికమని మనకు తెలుసు. అయితే, కొన్నింటిలో కొన్ని ప్రక్షిప్తాలు చేర్చారని అంటున్నారు.

తరతరాలనుండి ఎందరో ఎన్నో రచనలు రచించారు. అందులో ఏవి ..ఏ విషయములు ప్రామాణికమయినవో ..సరిగ్గా తెలిసినవారు చెబితే అవి ప్రామాణికమని అందరికీ తెలుస్తుంది.

పురాణేతిహాసాల గురించి రచనలు చేయటం, వ్యాఖ్యానించే స్వేచ్చ.. భక్తులు అందరికీ ఎప్పుడూ ఉంటుంది. అయితే, ఆ రచనలు, వ్యాఖ్యలు.. అభ్యంతరకర పద్ధతిలో ఉండకూడదు. ప్రామాణికమైన గ్రంధాల ప్రకారం చక్కగా ఉండాలి.

ప్రాచీన గ్రంధాలలోని కొన్ని విషయాలు పైకి కనిపించేవి ఒకలా ఉంటే, అంతరార్ధాలు అనేకం ఉండవచ్చు. అందువల్ల అన్నింటిగురించి గబుక్కున ఒక నిర్ణయానికి రాకూడదు.

ఇంతకుముందు ఏం జరిగిందో తెలియదు. భవిష్యత్తులోఅయినా..ఎవరికి తోచినట్లు వారు గ్రంధాలలో మార్పులుచేర్పులు చేయకుండా కట్టుదిట్టమైన చర్యలను చేపట్టాలి.

***************

పాపాలు చేయకూడదని, ధర్మాన్ని పాటించాలని అందరికి తెలుసు. పాపాలను చేయకూడదనే విషయాన్ని చక్కగా పాటిస్తే ఎన్నో సమస్యలు ఉండవు.

దైవాన్ని..ధర్మాన్ని నమ్ముకుంటే దైవమే రక్షిస్తారు.

................

క్రింద వ్రాసిన విషయములు ఈ పోస్ట్ వేసిన కొంతకాలం తరువాత వ్రాయటం జరిగింది.

సినిమాల్లో పౌరాణిక గ్రంధాలను మార్పులుచేర్పులు చేయటం ఎవరు చేసినా ముమ్మాటికీ తప్పే. దానికి ఆ ప్రాంతం వారు.. ఈ ప్రాంతం వారు అని ఉండదు.

కొందరు కొన్ని సినిమాల్లో దేవతల మీద వాళ్ళ ఇష్టం వచ్చినట్లు పాటలు వ్రాసారు, డైలాగులు వ్రాసారు. డాన్సులు చేసారు. ఉదా..యమధర్మరాజు అంటే ఎంతో ధర్మమూర్తి. మరి వారిని కొన్ని సినిమాల్లో కామెడీగా చూపించారు.

ఆ సినిమాలను తీసినవారు, నటించినవారు, మాటలు వ్రాసినవారు, పాటలు వ్రాసినవారు, పాడినవారు, ఆ సినిమాలు చూసి గొప్పగా ఎంజాయ్ చేసిన ప్రేక్షకులు ఉన్నారు. తాము పూజించే దేవతలను వెటకారం చేస్తున్నామనే విజ్ఞత కూడా లేకపోయింది.

సినిమాల వల్ల సమాజంపై ఎంతో ప్రభావం ఉంటుంది. కొన్ని సినిమాలు మంచివి ఉన్నాయి. కొన్ని సినిమాల వల్ల సమాజంపై ఎంతో చెడు ప్రభావం కూడా పడింది.

కొన్ని సీరియల్స్ వారు కూడా మూఢనమ్మకాలను సీరియల్స్ ద్వారా ప్రచారం చేస్తూ ప్రజలలో భయాలను కలిగిస్తున్నారు. సోషల్మీడియా ద్వారా మూఢనమ్మకాలను, భయాందోళలను పెంచేవారు కూడా ఉన్నారు.

ఇక, ఎన్నో గ్రంధాలలో ప్రక్షిప్తాలు ఎప్పటి నుంచో ఉన్నాయి. ఇకమీదట అయినా ఎవరూ మూలగ్రంధాలను మార్పులుచేర్పులు చేయకుండా కాపీరైట్స్ ఉండాలి.

సంస్కృతం నుండి తమ భాషలోకి అనువదించటం వరకు తప్పులేదు కానీ, ఆ అనువాదాలు కూడా మూలగ్రంధంలో ఉన్నవి ఉండాలి. ఈ రోజుల్లో యూట్యూబులో కూడా ఎవరికి తోచినట్లు వారు గ్రంధాలను మార్పులుచేర్పులు చేయటం కూడా చేయకూడదు.

గ్రంధాలలోని ప్రక్షిప్తాలను గుర్తించి సరి చేస్తే బాగుంటుంది. అయితే, ఏవి ప్రక్షిప్తాలో ఏవి కాదో ?

ప్రక్షిప్తాలను సరిదిద్దాలంటే కష్టమైనపని...ఏవి ప్రక్షిప్తాలో? తెలియదు కాబట్టి, గ్రంధాలలో ప్రక్షిప్తాలు ఉన్నాయని అంగీకరించి, వాటి విషయంలో విచక్షణతో ఉండాలి. సమాజంలో అయోమయం, అపార్ధాలు.. కలిగే విధంగా గ్రంధాలలోని విషయాలను చెప్పకుండా ఉండవచ్చు.

మరి కొన్ని విషయములు....

Link.. ద్రౌపది...పంచపాండవులు...కర్ణుడు.

మరి కొన్ని విషయములు....

ఎండలు మండిపోతున్నాయంటూ చాలామంది గోల పెడుతున్నారు. రహదారుల ప్రక్కన ఎక్కువగా చెట్లు పెంచితే ఎంతో బాగుంటుంది. ఎక్కడ వీలుంటే అక్కడ విదేశీ మొక్కలు కాకుండా, దేశవాళీ వేప, కానుగ, బాదాం..వంటి చెట్లు విరివిగా పెంచాలి. అప్పుడు ఎంతోకొంత వేడి తగ్గుతుంది.

ప్రతి ఊరిలోనూ చాలా మొక్కలను, చెట్లను పెంచాలి. శుద్ధి చేసిన మురుగు నీటిని మొక్కలకు, చెట్లకు పోయవచ్చు. చెరువులు, కాలువలు ప్రక్కన కూడా చెట్లను పెంచితే బాగుంటుంది.

కొన్ని ఊర్లు నదీ తీరాల వద్ద ఉంటాయి.. ఆ ఊర్లలో నదుల తీరం ప్రక్కన రెండు వరసలుగా చెట్లను పెంచి, బెంచిలు వేస్తే ఎంతో అందంగా, ఆహ్లాదంగా పార్కులా ఉండి, ప్రజలకు బాగుంటుంది.

కొన్ని విదేశాలు చాలావరకు శుభ్రంగా, అందంగా ఆహ్లాదంగా ఉంటాయి. మనము కూడా మన దేశాన్ని శుభ్రంగా, అందంగా, ఆహ్లాదంగా ఉంచుకోవాలి.

ఇవన్నీ చేయటానికి బోలెడు డబ్బు ఎక్కడుంది? అనుకుంటారు కొందరు. పరిసరాలను శుభ్రంగా ఉంచుకోవటానికి, మొక్కలు, చెట్లు పెంచుకుని అందమైన ఉద్యానవనాలుగా తీర్చిదిద్దుకోవటానికి బోలెడు డబ్బు అవసరం ఉండదు.

***********
ఇంకా, పర్యావరణం బాగుండాలంటే, అభివృద్ధి పేరుతో పర్యావరణాన్ని పాడుచేయకూడదు.
************

శుభ్రత గురించి మన గ్రంధాలలో ఎంతో చెప్పారు.
ఇప్పుడు మనదేశస్తులకు శుభ్రత పాటించటం గురించి శ్రద్ధ తగ్గిపోయింది. దేశంలో అనేకచోట్ల మురికి కుప్పలు, ఎగిరే ప్లాస్టిక్ కవర్లు గుట్టలుగా ఉంటున్నాయి. ఇదంతా ఎంతో సిగ్గుపడవలసిన విషయం.

చెత్త పడేయటానికి డస్ట్ బిన్లను ఉంచినా కూడా.. కొందరు జనాలు ప్లాస్టిక్ కవర్లు, తాగిపడేసిన కప్పులను డస్ట్ బిన్లలో వేయకుండా క్రింద పడేస్తారు.

చిన్నతనం నుండి పిల్లలకు శుచి, శుభ్రత గురించి నేర్పించాలి. పౌరులందరూ విధిగా శుచి, శుభ్రతను పాటించాలి. చెత్తను ఒక దగ్గర వేయటం, పరిసరాలను శుభ్రంగా, అందంగా ఆహ్లాదంగా ఉంచుకోవటం..వంటివన్నీ చేయాలి. ఆలోచనలు, ఆచరణలు..కూడా మంచిగా ఉండాలి.
**********

దేవాలయాల్లో ప్రసాదాలను తినేటప్పుడు క్రింద పడేస్తుంటారు. దేవాలయాల్లో ప్రసాదాలను తినటానికి ఒక ప్రదేశాన్ని ఏర్పాటు చేసి, అక్కడే తినాలని చెప్పాలి. లేదా ఇంటికెళ్ళి తినాలని చెప్పాలి.

దైవచిత్రాలను అనేకచోట్ల ముద్రించి, తరువాత చించి ఎక్కడపడితే అక్కడ పడేస్తుంటారు. దైవచిత్రాలున్న పాకెట్లను చెత్తకుప్పలపైన పడేయటం మహా అపరాధం. అందువల్ల దైవచిత్రాలను ప్రచురించే విషయంలో జాగ్రత్తలు తీసుకోవాలి.

***********
ఎన్నికల గురించి కొన్ని విషయాలు..

ఎన్నికలలో..గంటలతరబడి నిలుచుని ఓట్లు వేయటం అనేది కష్టంగా ఉంటుంది. గర్భిణీ స్త్రీలు ఉంటారు. పెద్ద వయస్సు వారుంటారు. కొన్ని కారణాలతో ఎక్కువసేపు నిలబడలేని వారుంటారు.

ఈ విషయాలను గమనించినప్పుడు, నాకు కొన్ని ఆలోచనలు వచ్చాయి. తిరుమల దర్శనానికి వెళ్ళినప్పుడు రద్దీ వల్ల భక్తులను గదులలో కూర్చోబెట్టి వరుసగా పంపిస్తారు...అలా ఎన్నికల సమయంలో కూడా చేయవచ్చు కదా..అనిపించింది.

ఎన్నికలప్పుడు ఓట్లు వేసే ప్రక్రియ స్కూల్స్ లో ఏర్పాటు చేస్తారు. స్కూల్స్ లో గదులు, కుర్చీలు ఉంటాయి. అక్కడ ఓటర్లను కూర్చోబెట్టి, వరుసగా ఓట్లు వేయించవచ్చు.. అనిపించింది.

అంతా దైవం దయ. దైవానికి అనేక కృతజ్ఞతలు.

Monday, January 22, 2024

ఓం..

ఓం
శ్రీరామమందిరము ప్రారంభమవుతోంది.
సీతారాములకు వందనములు.

ఈ శుభ సందర్భముగా అందరికీ శుభాకాంక్షలు.

శ్రీరామమందిరం కొరకు ఎందరో కలలు కన్నారు. ఎందరో ఎన్నో త్యాగాలు చేసారు. కష్టాలు అనుభవించారు.

దైవం దయవల్ల కల నిజమయ్యింది.

లోకం అంతా సుఖసంతోషాలతో ఉండాలి.

........................

ఈ క్రింద విషయాలను కొంతకాలం తరువాత వేరే పోస్ట్ నుంచి తీసి, ఇక్కడ ప్రచురించటం జరిగింది.

నాకు వచ్చిన మరికొన్ని ఆలోచనలు.......

మరికొన్ని విషయాలు..

సమాజంలో, గొడవలు..నేరాలు..ఘోరాలు ఎక్కువయ్యాయి. సమాజంలో కొందరు మనుషులు విపరీతంగా ప్రవర్తిస్తున్నారు.

ఇప్పడు ప్రపంచంలో మనుషులు ఎన్నో పాపాలు చేస్తున్నారు.

మతం పేరుతో కూడా కొందరు హింస చేయటం, మూఢనమ్మకాలు ఎక్కువయ్యాయి.

కొన్ని విషయాలను, సంఘటనలను గమనిస్తే, ఏది ఎందుకు జరుగుతుందో అర్ధం కావటం లేదు.

ప్రపంచంలో జరుగుతున్న ఉపద్రవాలు, ప్రకృతి విపత్తులు తగ్గాలంటే, మనుషులు పాపాలు చేయటం.. సాటిజీవులను హింసించటం వంటివి మానాలి.

అంతా మంచిగా ఉండాలని దైవాన్ని ప్రార్ధిస్తున్నాను. దైవమే దిక్కు.

..........

దైవము జీవులకు అవసరమైనవి ఎన్నో ఇస్తున్నారు. జీవులకు అవసరమైన..గాలి, నీరు, ఆహారానికి ఎన్నో మొక్కలు..ఇలా ఎన్నో ఉన్నాయి. ఆహ్లాదకరమైన ప్రకృతి దృశ్యాలు కూడా ఉన్నాయి.

దైవ సృష్టిలో ఎన్నో అద్భుతమైనవి ఉన్నాయి. ఉదా.. ఆహారం దానికి అదే అరగటం, శ్వాస తీసుకోవటం ఎలా ఎన్నో ఉన్నాయి.
దైవానికి అనేక కృతజ్ఞతలు.

మనుషులు కొందరు తమ స్వార్ధం, అత్యాశ..వంటి గుణాలతో ప్రపంచంలో బాధలకు కారణమవుతున్నారు. మనుషులు మంచిగా ప్రవర్తిస్తే బాగుంటుంది.

********************

మన గతజన్మలలో ఉన్నవాటి గురించి ఇప్పుడు కూడా తెలిస్తే ఎంత బాగుంటుందో కదా అనిపిస్తుంది కొన్నిసార్లు. గతజన్మలలో మనకు తెలిసినవి ఏమైనా ఇప్పుడు కూడా ఉంటే బాగుండనిపిస్తుంది.

గతజన్మలలో మనతో ఉన్న వారు ఇప్పుడు మనతో ఉండవచ్చు..లేకపోవచ్చు. ఇప్పుడు ఉన్నా కూడా మనము వారిని గుర్తించలేకపోవచ్చు. అయితే, దైవము ఎప్పుడూ ఉంటారు..సూర్యుడు, చంద్రుడు, భూమి..గతజన్మలలో కూడా మనతో ఉన్నారు.

గత జన్మలలో మనతో ఉన్న అప్పటి సూర్యుడు, చంద్రుడు, భూమి..ఇప్పుడు కూడా ఉన్నారు. మనము వాటిని గుర్తించగలము. ఇది ఎంతో ఆశ్చర్యకరము, ఆనందకరమైన విషయము.

దైవము జీవులకు జన్మజన్మల బంధువు, శాశ్వతమైన వారు.