ఈ దేశం ఇలా ఎందుకు తయారయింది ?

మనది పేద దేశం కాదు ....సిరి సంపదలు గల ఎంతో గొప్ప  దేశం. కేవలం మన అలక్ష్యం వల్ల ఇలా ఉంది అంతే. మన సిటీల్లో చూశారా .......ఒక పక్కన ఆకాశాన్నంటే ఆకాశహర్మ్యాలు ,ఆ ప్రక్కనే స్లంస్ లో    మురికి గొట్టాలలో అర్ధాకలితో బ్రతుకుతున్న ప్రజలు. ఈ పరిస్తితిని మనం మార్చలేమా....


 అపారమైన   ప్రకృతిసహజ    వనరులు,  అన్ని  కాలాల్లోనూ     చక్కటి   సూర్యరశ్మి  ,  చక్కటి  వాతావరణం,.......   ఇలా  ఎన్నో  ప్రత్యేకతలున్న  దేశం   భారతదేశం.

  ఆధునిక  టెక్నాలజీ    రాకముందే   సిరిసంపదలతో ,   భోగభాగ్యాలతో    అలరారిన   దేశం     భారతదేశం.   అలాంటి  దేశం  ఇప్పుడు    ఇలా      ఎందుకు  ...  ? 

పేదరికం,  అవినీతి  ,  ఆకలితో  అల్లాడే  ఎందరో  ప్రజలు  ,  మత్తులో  ,  విలాసాలలో   జోగుతున్న  వ్యక్తులు...  . ఈ  దేశం  ఇలా  ఎందుకు  తయారయింది  ?  

ఇక్కడ  ఇప్పటికీ  ఎందరో  మేధావులు  ....  మంచి  మనసున్న  వాళ్ళు  ....  దైవభక్తులున్నారు.   వీళ్ళంతా  గట్టిగా   తలుచుకుంటే   పేదరికం  అనేది   ఉండనే  ఉండదు.  మురికవాడలు,  మురికి  వీధులు  కనిపించనే  కనిపించవు.   అధర్మము,  అవినీతి  ఆమడదూరం  పారిపోతాయి.  

 దేశంలో  కొందరు  విశిష్టవ్యక్తుల  గురించి   వింటుంటే   ఎంతో   ఆశ్చర్యంగా    ఉంటుంది.    వ్యవస్థ  చేతులెత్తేసిన  పనులను  కొందరు  వ్యక్తులు  ఒంటరిగా   చేసి  చూపిస్తున్నారు. 

*  ఉదా.....   ఒక  మధ్యతరగతి  వ్యక్తి   ప్రతి  వేసవిలో   రోజూ    కొందరికి  రాగులజావను    ఉచితంగా  అందజేస్తారట.  ఒక  వ్యక్తి   తన  గ్రామంలో   ఎన్నో  అభివృద్ధిపనులను    చేసి  ఆదర్శ  గ్రామంగా  అభివృద్ధి   చేశారట.   కొందరు   ప్రజలు  సమిష్టిగా  పనిచేసి  తమ  ఊరి    సమస్యలన్నీ     పరిష్కరించుకున్నారట. 

*  ఇలా  కొందరు  వ్యక్తులు  తమ  పరిధిలో  కష్టపడి   ఎన్నో  అద్భుతాలను   చేస్తున్నారు.  

*  అధికారం,  డబ్బు   అంతగా  లేని  వ్యక్తులే  ఇలా  చేయగలుగుతున్నప్పుడు  ......అధికారం  ఉన్న  వ్యక్తులు  ,  ప్రజలు  కలిసి   పనిచేస్తే      మరెన్నో  అద్భుతాలను  చెయ్యగలరు.  దేశాన్ని  ప్రపంచానికే  ఆదర్శంగా   మార్చివేయగలరు. 

 కొందరు    వ్యక్తులు  తాము  దైవాన్ని  నమ్ముతాము ....అంటూనే    పాపపు  పనులు  చేస్తున్నారు.     దైవాన్ని  నమ్మే  వ్యక్తులు   పాపపు పనులు    చేస్తూ  దైవాన్ని   పూజిస్తే , వాళ్ళు   దైవానుగ్రహాన్ని  ఎలా  పొందగలరు ? 

రావణాసురుడు  ఎన్నో  పూజలు  చేశాడు.     అయినా  ,  అతడు    తాను   చేసిన  పాపాల  వల్ల    దైవం    చేతిలో  సంహరించబడ్డాడు. 

 కొందరు   ఎంతో  తపస్సు  చేసి  దైవానుగ్రహంతో  వరాలను  పొంది   కూడా   ,  తరువాత   ఎన్నో    పాపాలను  చేస్తారు.     అటువంటప్పుడు  దైవం   ఎటువంటి    మొహమాటం  లేకుండా    అటువంటి  పాపాత్ములను     శిక్షించటం     జరిగింది. 

* ఈ  సంఘటనల  వల్ల  మనం  నేర్చుకోవలసింది  ఏమిటంటే  , .... దైవానుగ్రహం  పొందాలంటే  సత్ప్రవర్తనను   కలిగిఉండాలి  అని.

 మనస్సును  నిగ్రహించటం  కష్టమే  కానీ ,  దైవానుగ్రహం  పొందాలంటే    మాత్రం   పాపాలను  చేయకుండా  మనస్సును  నిగ్రహించుకోవటానికి  ప్రయత్నించాలి.

*  సత్ప్రవర్తనతో  జీవించటం  అనేది    భగవంతునికి    ఇష్టమైన    చక్కటి   పూజ.