koodali

Friday, November 17, 2017

పోలి కధ ( క్లుప్తంగా ..) నాకు కలిగిన కొన్ని ఆలోచనలు..


ఒక ఊరిలో చాకలి కుటుంబానికి చెందిన  పోలి అనే పేరుగల ఆమె ఉండేది. ఆమెకు అత్తగారు, తోటికోడళ్ళు ఉండేవారు. 


కార్తికమాసంలో పోలి అత్తగారు మరియు తోటికోడళ్ళు మాత్రం  రోజూ  నదీ స్నానానికి వెళ్ళి దీపాలు వెలిగించేవారు. 


పోలికి  మాత్రం ఆ అవకాశం ఇచ్చేవారు కాదు.  పోలి ఇంట్లో బోలెడు పని చేస్తుండేది. 


  అయితే,  పోలి  ఇంట్లో కొద్దిపాటి వెన్నతో , పత్తితో వత్తి చేసి  దీపం వెలిగించుకుని   దైవప్రార్ధన చేసుకుని,  అత్తగారు చూస్తే తిడుతుందనే భయంతో దీపాన్ని  బాన క్రింద దాచేసింది.  



ఎంతో భక్తితో దైవాన్ని  ప్రార్ధించుకుంది.  దేవతలు పోలి భక్తికి మెచ్చి , ఆమెను బొందితో స్వర్గానికి తీసుకువెళ్ళడానికి  పుష్పక విమానంలో  వచ్చారు. 


  దూరం నుంచి పుష్పకవిమానాన్ని చూసిన  పోలి అత్త,  తోటికోడళ్ళు  ఆ విమానం తమకోసమే గావన్ను ..అనుకుని పరుగెత్తుకుంటూ వచ్చారు.  


అయితే,  పుష్పక విమానం రావటం  వారి కోసం కాదని   తెలుసుకున్నారు.   


 పోలి అత్త , తోటికోడళ్లు ..పుష్పక విమానం అంచులను పట్టుకునైనా స్వర్గానికి వెళ్ళాలని ప్రయత్నించారు కానీ, వారి ప్రయత్నాలు ఫలించలేదు. 

 
 పోలి..   తన  అత్తగారినీ,  తోటికోడళ్లను కూడా స్వర్గానికి తీసుకువెళ్ళమని దేవతలను కోరగా .. దేవతలు  ఒప్పుకోలేదు .   

పోలి మాత్రం స్వర్గానికి వెళ్ళటం జరిగింది.  

 ***********

ఈ కధ  వింటే  నాకు   కలిగిన కొన్ని ఆలోచనలు  ఏమిటంటే .. 


ఎన్నో  నియమాలను పాటిస్తూ పూజ చేయటం పోలికి కుదరకపోయినా , ఆమెకు ఉన్న భక్తి  మరియు సత్ప్రవర్తన వల్ల ఆమె స్వర్గానికి అర్హురాలయ్యింది.


 మరియు ఈ కధ ద్వారా ఏం తెలుస్తుందంటే,  స్వర్గానికి వెళ్లటానికి కులంతో సంబంధం లేదు,  భక్తి మరియు సత్ప్రవర్తన ఉంటే చాలని తెలుస్తుంది. 


ఇంకా, కొందరు స్త్రీలు ..సాటి స్త్రీలను ఎలా కష్టపెడతారో  కూడా  పోలి అత్తగారు, తోటికోడళ్ళ  పాత్రల ద్వారా తెలుస్తుంది. 


 ఎంత పద్ధతిగా  పూజ చేసినా,  పూజతో పాటు  భక్తి మరియు  సత్ప్రవర్తన కూడా  ఉంటే  చక్కటి ఫలితం లభిస్తుందని  అనిపించింది.

*************


వ్రాసిన వాటిలో  తప్పులు  ఉన్నచో దయచేసి క్షమించమని దైవాన్ని ప్రార్ధిస్తున్నాను.




Wednesday, November 15, 2017

దేవుని చిత్రాలను అలా చేయటం

  పూజ చేసే విధానాల గురించి చాలామంది ఎన్నో సందేహాలను అడుగుతుంటారు.

ఉదా..దీపం వెలిగించి ఎటువైపు ఉంచాలి? పూజ చేసేటప్పుడు తీసుకోవలసిన జాగ్రత్తలు ఏమిటి ? ఇలాగ.. సందేహాలను అడగటంలో తప్పులేదు.

అయితే, మరికొన్ని విషయాల గురించి కూడా జాగ్రత్తలు తీసుకోవలసి ఉంది.

 దైవచిత్రాలకు, విగ్రహాలకు ఎంతో ప్రాధాన్యత ఉంది. దైవపటాలను దైవానికి ప్రతిరూపంగా భావించి పూజిస్తారు.


అలాంటప్పుడు దైవచిత్రాలను  ఎక్కడబడితే అక్కడ  ముద్రించి ఆనక వాటిని రోడ్డుపై పారవేసే విధంగా పరిస్థితి ఉండటం మాత్రం దోషం కాదా?


కొన్ని విషయాలలో ఎన్నో  జాగ్రత్తలు  ఉన్నప్పుడు,  దేవుని చిత్రాలను రోడ్డుప్రక్కన పారవేసే విషయంలో మాత్రం ఎందుకు పట్టించుకోవటం లేదు?

 దేవుని చిత్రాలను అలా చేయటం దైవాన్ని అవమానించినట్లు కాదా ?

 ఆధునిక యంత్రాల వల్ల ఎన్నయినా ముద్రించటం తేలికయింది.

 అలాగని,  ఎక్కడబడితే అక్కడ దైవ చిత్రాలను ముద్రించితేనే దైవభక్తి ఉన్నట్లా?


స్వీట్ ప్యాకెట్లు, వివాహ పత్రికలు, క్యాలెండర్లు, హారతి పాకెట్లు, వార్తాపత్రికలు.... ఇలా అనేక చోట్ల దైవచిత్రాలను విరివిగా ముద్రిస్తున్నారు.


 తరువాత వాటిని ఎక్కడ పడవేయాలనేది అయోమయంగా ఉంటూంది.


 పాతకాలంలో అచ్చుయంత్రాలు లేవు కాబట్టి, పెద్దమొత్తంలో తయారీ ఉండేది కాదు. 


ఈ కాలంలో ప్లాస్టిక్ పై ముద్రించిన  చిత్రాలు కూడా ఉంటున్నాయి. ఇవన్నీ నీటిలో వదలలేం. 


యంత్రాల ద్వారా పెద్దమొత్తంలో ముద్రించి తరువాత నీటిలో వదిలితే చెరువుల్లో పూడిక పెరిగిపోతుంది.
 

 చెత్తకుప్పలో  వేయాలంటే మనస్సు ఒప్పకపోయినా వేయకతప్పదు.


ఇలా చెత్తకుప్పలో వేసిన పాపం ..వాటిని ముద్రించిన వారికే వస్తుంది.

 ఈ విషయం గురించి కూడా ఆలోచించండి.


Monday, November 13, 2017

ఓం..


 త్రిమూర్తి స్వరూపమైన .. శ్రీఅనంత లక్ష్మిసత్యవతిదేవి సమేత శ్రీ వీర వేంకట సత్యనారాయణస్వామి వారికి వందనములు.

***********

కార్తిక మాసం శివకేశవులకు ప్రీతికరమైనది. 

ఏకశ్లోకి  భగవద్గీత

ఓం  యత్రయోగేశ్వరః కృష్ణో యత్ర పార్ధో ధనుర్ధరః 
తత్ర  శ్రీర్విజయో భూతిర్ధ్రువా  నీతిర్మతిర్మమ.  


పార్ధాయ ప్రతి  బోధితాం....భగవతా నారాయణేనస్వయమ్  
వ్యాసేన  గ్రధితాం  పురాణమునినా  మధ్యేమహాభారతమ్ 
అద్వైతామృత వర్షిణీం భగవతీమష్ఠాదశాధ్యాయినీ
మంబ త్వా మనుసందధామి భగవద్గీతే భవద్వేషిణీమ్ (భవద్దేషిణీమ్)

***********

శివపంచాక్షరీ స్తోత్రం....

నాగేంద్ర హారాయ త్రిలోచనాయ

భస్మాంగ రాగాయ మహేశ్వరాయ

నిత్యాయ శుద్ధాయ దిగంబరాయ

తస్మై నకారాయ నమశ్శివాయ.


మందాకినీసలిల చందన చర్చితాయ

నందీశ్వర ప్రమధనాధ మహేశ్వరాయ

మందార ముఖ్య బహుపుష్ప సుపూజితాయ

 తస్మై మకారాయ నమశ్శివాయ.


శివాయ గౌరీవదనారవింద

సూర్యాయ దక్షాధ్వరనాశకాయ

శ్రీ నీలకంఠాయ వృషధ్వజాయ

 తస్మై శికారాయ నమశ్శివాయ.


వశిష్ట కుంభోద్భవ  గౌతమాది

మునీంద్ర దేవార్చిత శేఖరాయ

చంద్రార్క వైశ్వానర లోచనాయ

 తస్మై వకారాయ నమశ్శివాయ.


యక్షస్వరూపాయ జటాధరాయ

పినాక హస్తాయ సనాతనాయ

సుదివ్య దేహాయ దిగంబరాయ

 తస్మై యకారాయ నమశ్శివాయ.

పంచాక్షర మిదం పుణ్యం యః పఠే ఛ్చివస్సన్నిధౌ

శివలోక మవాప్నోతి శివేన సహమోదతే.

......................................

 అచ్చుతప్పులను దయచేసి  క్షమించమని  దైవాన్ని  ప్రార్ధిస్తున్నాను.


Saturday, November 11, 2017

ఇలాంటి నీరు , పాలు, పండ్లరసాలు తో ...


స్వచ్ఛంగా లేని  నీరు , పాలు, పండ్లరసాలు తో చేసే అభిషేకాల వల్ల..   శివలింగముల రూపు మారే ప్రమాదం ఉన్నట్లు ఈ మధ్య వార్తలు వచ్చాయి.


 అభిషేకాలకు వాడే నీరు, పాలు, పండ్లరసాలు, పన్నీరు...ఇలా  ఎన్నో పదార్ధాలలో హానికారక రసాయనాలు కలిసే అవకాశం ఉంది.



కొన్ని నెలలు నిల్వ ఉండే విధంగా తయారుచేసిన పాలప్యాకెట్లను కూడా అభిషేకాలకు వాడుతున్నారు.


అన్నాభిషేకాలు కూడా చేస్తున్నారు. ఇందుకు వేడి అన్నం ఉపయోగిస్తారో లేక ఆరబెట్టిన తరువాత వాడతారో తెలియదు.



ఈ రోజుల్లో ఎన్నో పదార్ధాలు కల్తీకి గురవుతున్నాయి.
హానికారక రసాయనపదార్ధాలతో పెరుగుతున్న పంటల ఉత్పత్తుల వల్ల కూడా హాని కలుగుతుంది.


ఇవన్నీ గమనిస్తే,  గత కొద్దికాలంగా పర్యావరణం మరియు పదార్ధాలలో వచ్చిన మార్పు స్పష్టంగా తెలుస్తుంది. 



ఈ మధ్య  కాన్సర్, కిడ్నీ, లివర్..వంటి రోగాలు బాగా పెరిగాయి. కొంతకాలం క్రిందట  ఇన్ని రోగాలు లేవు. 


ఇప్పుడు ఊరూరా పార్కులలా కిడ్నీ సెంటర్లు  ఏర్పాటు చేయవలసి వస్తోంది.



ఇలాంటి ..నీరు, పాలు, పండ్లరసాలు..వంటి వాటివల్ల శివలింగాలు  రూపుమారే సూచనలు కనిపిస్తుంటే ...


ఇలాంటి  నీరు , పాలు, పండ్లరసాలు వాడే  మనుషుల్లో  కిడ్నీ వంటి అవయవాలు పాడైపోతున్నాయంటే ఆశ్చర్యం ఏమీ లేదు.


 ఇప్పటికైనా అందరూ సీరియస్ గా ఆలోచించి పర్యావరణాన్ని బాగుచేసుకునే ప్రయత్నాలు చేయవలసి ఉంది.


********************


ఆధునికకాలంలో  మనం వాడే అనేక 
హానికారక రసాయనాలు  గాలిలో, నీటిలో, భూమిలో  కలుస్తున్నాయి.


తద్వారా గాలి, నీరు, భూమిద్వారా పండే పంటలు అన్నింటిలో
హానికారక రసాయనాలు చేరిపోతున్నాయి.


 ఎన్నో జీవజాతులు కనుమరుగయ్యే పరిస్థితి వచ్చింది. మనుషులకు  రోగాలు ఎక్కువయ్యాయి.



ఇప్పటికైనా మనుషులు తాము చేస్తున్న తప్పులను సరిదిద్దుకోకుంటే... కనుమరుగయ్యే జీవజాతిలో మనుషులు కూడా చేరటం ఎంతో దూరంలో లేకపోవచ్చు.




పర్యావరణాన్ని కాపాడాలి. స్వచ్చమైన పదార్ధాలతో శివలింగాలకు అభిషేకాలు చేయాలి, జీవజాతులను కాపాడాలి, ఆరోగ్యాలను కాపాడుకోవాలి.



పర్యావరణాన్ని ఎంతగా పాడుచేస్తున్నామో  దైవం  హెచ్చరికలు చేస్తున్నారు. 



పర్యావరణానికి మేలు చేయటం అంటే..  దైవానికి పూజ చేయటము .





Wednesday, November 8, 2017

ఓం శ్రీ శనిదేవులు...కొన్ని విషయములు..


శింగణాపూర్ లో శ్రీ శనేశ్వర భగవానులు తాను స్వయంభూ అవతార శిలారూపం నుండి సృష్టినంతా వీక్షిస్తూ జీవుల్ని పాలిస్తున్నారు.

కర్మపాశవిముక్తి దేవత గ్రహసార్వభౌమునికి మానవకృతపీడ,దోషాలు ఆపాదించడము దేవత యెడ మహాపరాధమవుతుంది.

 సకలజీవరాశులయెడ కృపాదృష్టి గల గ్రహదేవత లోకోద్ధరణ కాంక్షించి భూస్థలిపై శిలామూర్తియై అవతరించారు. 
...........

 జీవి యొక్క రాశి చక్రములో శనిగ్రహదేవత , జన్మస్థానము నందు,  అష్టమ, ద్వాదశ యందు , అర్ధాష్టు యందు సంచరించునపుడు శోధించి జీవియొక్క గతజన్మల కర్మానుఫలంగా శిక్షకు గురిచేస్తారు . దీన్ని శనిదోషముగా భావించడము దైవము యెడ మహాపరాధము. అని పెద్దవారు తెలియజేసారు. 

ఆయా స్థానములలో గ్రహరాజు సంచరించుకాలంలో.. శనిదేవుని పూజ చేయటం మంచిది.

దశరధుల వారు చేసిన శనిదేవుని స్తోత్రమును చదివినా, విన్నా మంచిది.
...............

శనిదేవుని గురించి మరి కొన్ని విషయములు ఈ క్రింది లింకుల వద్ద గమనించగలరు.


SHANI DEV KI KATHA - YouTube



shani-6.wmv.flv - YouTube



*************


shani-6.wmv.flv అనే లింకును..


దయచేసి...

shani-6.wmv.flv -YouTube ....అని ఉన్న దగ్గర చూడగలరు.



**********
వ్రాసిన వాటిలో అచ్చుతప్పుల వంటివి ఉన్నచో దయచేసి క్షమించమని దైవాన్ని ప్రార్ధిస్తున్నాను.


Monday, November 6, 2017

ఓం ..


 త్రిమూర్తి స్వరూపమైన .. శ్రీఅనంత లక్ష్మిసత్యవతిదేవి సమేత శ్రీ వీర వేంకట సత్యనారాయణస్వామి వారికి వందనములు.

కార్తిక పౌర్ణమి సందర్భంగా కొందరు శ్రీ సత్యనారాయణస్వామి వ్రతాన్ని జరుపుకుంటారు.
***********

కార్తిక మాసం శివకేశవులకు ప్రీతికరమైనది. 

శివపంచాక్షరీ స్తోత్రం....

నాగేంద్ర హారాయ త్రిలోచనాయ

భస్మాంగ రాగాయ మహేశ్వరాయ

నిత్యాయ శుద్ధాయ దిగంబరాయ

తస్మై నకారాయ నమశ్శివాయ.


మందాకినీసలిల చందన చర్చితాయ

నందీశ్వర ప్రమధనాధ మహేశ్వరాయ

మందార ముఖ్య బహుపుష్ప సుపూజితాయ

 తస్మై మకారాయ నమశ్శివాయ.


శివాయ గౌరీవదనారవింద

సూర్యాయ దక్షాధ్వరనాశకాయ

శ్రీ నీలకంఠాయ వృషధ్వజాయ

 తస్మై శికారాయ నమశ్శివాయ.


వశిష్ట కుంభోద్భవ  గౌతమాది

మునీంద్ర దేవార్చిత శేఖరాయ

చంద్రార్క వైశ్వానర లోచనాయ

 తస్మై వకారాయ నమశ్శివాయ.


యక్షస్వరూపాయ జటాధరాయ

పినాక హస్తాయ సనాతనాయ

సుదివ్య దేహాయ దిగంబరాయ

 తస్మై యకారాయ నమశ్శివాయ.

పంచాక్షర మిదం పుణ్యం యః పఠే ఛ్చివస్సన్నిధౌ

శివలోక మవాప్నోతి శివేన సహమోదతే.

************
ఏకశ్లోకి  భగవద్గీత

ఓం  యత్రయోగేశ్వరః కృష్ణో యత్ర పార్ధో ధనుర్ధరః 
తత్ర  శ్రీర్విజయో భూతిర్ధ్రువా  నీతిర్మతిర్మమ.  
.........................

పార్ధాయ ప్రతి  బోధితాం....భగవతా నారాయణేనస్వయమ్  
వ్యాసేన  గ్రధితాం  పురాణమునినా  మధ్యేమహాభారతమ్ 
అద్వైతామృత వర్షిణీం భగవతీమష్ఠాదశాధ్యాయినీ
మంబ త్వా మనుసందధామి భగవద్గీతే భవద్వేషిణీమ్ (భవద్దేషిణీమ్)
......................................

 అచ్చుతప్పులను దయచేసి  క్షమించమని  దైవాన్ని  ప్రార్ధిస్తున్నాను. 



Wednesday, November 1, 2017

గోవులు..గోపూజ...

 గోవులు ఎప్పుడైనా పూజనీయమైనవి. అయితే, గృహప్రవేశాల వంటి శుభకార్యాల సందర్భాలలో మరింత ప్రత్యేకంగా గోవులను తీసుకొచ్చి పూజిస్తారు.


 కొన్నిసార్లు ఏం జరుగుతుందంటే,  కొత్త పరిసరాలవల్ల,  కొత్తవారు కనిపించినప్పుడు.. ఆవులు బెదిరిపోతాయి. ముందుకు రావటానికి అడుగు వేయవు.  




అలాంటప్పుడు కొన్నిసార్లు, గోవుల యజమాని గోవులను బలవంతంగా లాక్కురావటం , వాటిని కొట్టడం..కూడా చేస్తారు. ఇలా చేయటం గోవులను హింసించటం అవుతుంది. 




ఈ రోజుల్లో  ఎన్నో  అంతస్తుల  ఎత్తున  ఇళ్ళు (అపార్ట్మెంట్స్)  ఉంటున్నాయి. అయినా  కొందరు  గోవును  మెట్లపై నుంచి  తీసుకెళ్ళి  మరీ  గృహప్రవేశం  చేయిస్తున్నారు.  



గోపూజ కొరకు గోవులను హింసిస్తూ తీసుకురావటం ఏ విధంగా సరైనది ?


 ఇలా చేయటం కంటే, గృహప్రవేశానికి ముందురోజు గోవులు ఉన్న ప్రదేశానికే వెళ్లి,  వాటికి ఇష్టమైన ఆహారాన్ని అందించి, పూజించి , గోవుల చుట్టు ప్రక్కల మట్టిని (
గోవుల పాదధూళిని)  తీసుకొచ్చి గృహప్రవేశం సందర్భంగా ఇంట్లో చల్లుకోవచ్చు కదా.. అని నాకు అనిపించింది.

*****************


మరి కొందరు ఏం చేస్తారంటే,  గోవులకు ఆహారాన్ని తినిపిస్తే  .. మంచిదని వాటికి  ఆహారాన్ని అందిస్తారు. .



 అనారోగ్యం వంటివి వస్తే ఆవులు చెప్పలేవు కదా! 



 ఏదిపడితే అది తెచ్చి తినిపించటం కాకుండా, ఆవులు ఏం తింటాయో ?

 ఎంతవరకు తినిపించవచ్చో ? తెలుసుకుని తినిపించటం మంచిది. 


ఈ  విషయాలు వైద్యులకు, గోవులను పెంచేవాళ్లకు  అయితే బాగా తెలుస్తుంది.


మనకు పుణ్యం రావాలని వాటికి ఏదిపడితే అది తినిపించటం చేయకూడదని నాకు అనిపించింది. 



మేము చూసిన ఒక గోసంరక్షణ కేంద్రం వద్ద,  గోవులు తినే ఆహారం  గురించి బోర్డుపైన వ్రాసి, ఆ పదార్ధాలను తగుమాత్రం ధరకు భక్తులకు అందజేస్తున్నారు. ఆ పద్ధతి బాగుంది. 

************


మరికొన్ని ఆవుల పరిస్థితి ఏమిటంటే, రోడ్డుపైన తిరిగే కొన్ని ఆవులు ఆహారం కొరకు వెతుకుతూ ..


రోడ్ల ప్రక్కన చెత్తకుప్పలలో .. ప్లాస్టిక్ కవర్లలో మిగిలిపోయిన ఆహారాన్ని  కవర్లతో సహా తినటం వల్ల.. ఎన్నో ఆవులు అనారోగ్యం పాలవుతున్నాయని వార్తలు వచ్చాయి. 


ఇలా ఎన్నో రకాల పరిస్థితులున్నాయి.

గోవుల పరిస్థితి బాగుండాలని ఆశిద్దాము.




Monday, October 30, 2017

కార్తిక సోమవారం సందర్భంగా...

ఓం 
త్రిమూర్తులకు వందనములు. 

కార్తిక మాసం శివకేశవులకు ప్రీతికరమైనది. 

శివపంచాక్షరీ స్తోత్రం....

నాగేంద్ర హారాయ త్రిలోచనాయ

భస్మాంగ రాగాయ మహేశ్వరాయ

నిత్యాయ శుద్ధాయ దిగంబరాయ

తస్మై నకారాయ నమశ్శివాయ.


మందాకినీసలిల చందన చర్చితాయ

నందీశ్వర ప్రమధనాధ మహేశ్వరాయ

మందార ముఖ్య బహుపుష్ప సుపూజితాయ

 తస్మై మకారాయ నమశ్శివాయ.


శివాయ గౌరీవదనారవింద

సూర్యాయ దక్షాధ్వరనాశకాయ

శ్రీ నీలకంఠాయ వృషధ్వజాయ

తస్మై శికారాయ నమశ్శివాయ.


వశిష్ట కుంభోద్భవ  గౌతమాది

మునీంద్ర దేవార్చిత శేఖరాయ

చంద్రార్క వైశ్వానర లోచనాయ

 తస్మై కారాయ నమశ్శివాయ.


యక్షస్వరూపాయ జటాధరాయ

పినాక హస్తాయ సనాతనాయ

సుదివ్య దేహాయ దిగంబరాయ

 తస్మై  యకారాయ నమశ్శివాయ.

పంచాక్షర మిదం పుణ్యం యః పఠే ఛ్చివస్సన్నిధౌ

శివలోక మవాప్నోతి శివేన సహమోదతే.

************
ఏకశ్లోకి  భగవద్గీత

ఓం  యత్రయోగేశ్వరః కృష్ణో యత్ర పార్ధో ధనుర్ధరః 
తత్ర  శ్రీర్విజయో భూతిర్ధ్రువా  నీతిర్మతిర్మమ.  
.........................

పార్ధాయ ప్రతి  బోధితాం....భగవతా నారాయణేనస్వయమ్  
వ్యాసేన  గ్రధితాం  పురాణమునినా  మధ్యేమహాభారతమ్ 
అద్వైతామృత వర్షిణీం భగవతీమష్ఠాదశాధ్యాయినీ
మంబ త్వా మనుసందధామి భగవద్గీతే భవద్వేషిణీమ్ (భవద్దేషిణీమ్)
......................................

 వ్రాసిన  వాటిలో  అచ్చు తప్పులు ..   వంటివి   ఉంటే  తెలిసిన  వారు  చెప్పగలరు. (   మీకు  అభ్యంతరం  లేకపోతే ...) 

  అచ్చుతప్పుల  వంటివి  ఉన్నచో  దయచేసి  క్షమించమని  దైవాన్ని  ప్రార్ధిస్తున్నాను. 



Sunday, October 29, 2017

మా ఇంటివద్ద ఉన్న పారిజాతం చెట్టు ..ఒక సవరణ..


మా ఇంటివద్ద ఉన్న పారిజాతం చెట్టు ..అనే టపాలో .. 

(పారిజాతం పువ్వులను చెట్టునుంచి కోయకూడదంటారు. క్రింద రాలిపడిన పువ్వులనే ఏరి పూజలో సమర్పించాలట.

 ఒక శుభ్రమైన వస్త్రాన్ని నేలమీద పరిచి వస్త్రం పైన రాలిపడిన పువ్వులను తీసుకోవచ్చట.  

అలాగని, వస్త్రాన్ని పరిచి, పని ఉందని మనం లోపలికి వెళ్తే..ఆ వస్త్రం పైనుంచి పిల్లి వంటివి నడిచి వెళ్తే దోషం కావచ్చు.

కాబట్టి, నేలమీద వస్త్రాన్ని పరచి, వెంటనే లోపలికి వెళ్లిపోకుండా.. చెట్టు కొమ్మలను నిదానంగా కదిలించి వస్త్రంపై రాలిన పువ్వులను ఏరుకోవచ్చు. ..)  అని వ్రాసాను.

***************

అయితే,పారిజాతం పువ్వుల కొరకు చెట్టుకొమ్మలను కదిలించకూడదట.(అంతర్జాలం ద్వారా ఈ విషయం తెలిసింది. ) 

క్రింద రాలిన పువ్వులను మాత్రమే తీసుకోవాలట.  
**************

నాకు ఏమనిపిస్తుందంటే, 

ప్రక్క ఉన్న చెట్టు కొమ్మలపైనా, ఆకులపైనా రాలిపడిన పువ్వులను  తీసుకోవచ్చు,

(పారిజాతం చెట్టు చుట్టుప్రక్కల.. మధ్యస్థం ఎత్తులో  పెరిగే మొక్కలను పెంచితే ఆ మొక్కలపై రాలిపడే పువ్వులను తీసుకోవచ్చు.)


లేదా నేలకు కొద్దిగా ఎత్తులో వెడల్పైన బల్లపైన వస్త్రాన్ని పరచి దానిపైన రాలిపడిన పువ్వులను తీసుకోవచ్చు,

 లేక కొమ్మలకు వెడల్పుగా ఊయలవలె వస్త్రాన్ని కట్టి అందులో పడిన పువ్వులను సేకరించవచ్చు.


**************

పారిజాతం చెట్టు ఇంటివద్ద పెంచకూడదు, దేవాలయంలోనే ఉండాలని కొందరు అంటారు, కొందరేమో ఇంటివద్ద పెంచుతారు. 

ఇంటివద్ద పెంచితే మాత్రం, కొమ్మలు రోడ్డుపై పెరిగి, పువ్వులు రోడ్డుపై పడి    కాళ్ళక్రింద త్రొక్కే విధంగా కాకుండా, ముందుగానే ఆలోచించి సరైన ప్రదేశంలో నాటుకోవటం మంచిది.





Friday, October 27, 2017

పూజ మధ్యలో ...


నేను వీలు కుదిరినంతలో దైవ నామముల స్తోత్రాన్ని చదువుకుంటాను. 


అలా పూజ చేసేటప్పుడు మధ్యలో లేవకూడదని, లేవటం జరిగితే , మళ్లీ మొదటనుంచి చదవాలన్నట్లుగా ఎవరో చెప్పగా విన్నట్లు గుర్తు. 


అయితే, పూజ వద్ద కూర్చున్నప్పుడు మధ్యలో ఫోన్ కాల్ రావటం, లేక కాలింగ్ బెల్ మోగటం జరిగినప్పుడు మధ్యలో లేవక తప్పదు. 


పూజలో కూర్చుని.. మధ్యలో ఫోన్ మోగుతుందో ? కాలింగ్ బెల్ మోగుతుందో? అనే  ఆలోచిస్తూ ఉంటే, పూజ పట్ల ధ్యాస అంతగా ఉండదు. 


ఉదయం కొద్దిసేపు పూజ చేసుకుని , తరువాత తిరిగి కొంతసేపు పూజ చేయాలనుకుంటే..


రోజువారిచర్యలో భాగంగా.. ఇంట్లో వాళ్ళు  బయటకు  వెళ్ళాక,  పూజ వద్ద కూర్చున్నప్పుడు   లాండ్ ఫోన్ మ్రోగటం, ఇరుగుపొరుగు వాళ్ళు లేక  కూరల వాళ్ళు కాలింగ్ బెల్ మ్రోగించటం జరిగితే ..ఇలాంటి  సమస్య వస్తుంది.


పూజకు కూర్చోవటానికి ముందే .. ఫోన్ ఆఫ్ చేయటం, కాలింగ్ బెల్ ఆఫ్ చేయటం ..అనేవి కుదరకపోవచ్చు. 


అలాగని పూజ మధ్యలో లేచినందువల్ల .. మళ్లీ మొదటి నుంచీ చదవాలంటే కష్టమే.  


అందువల్ల,  నాకు ఇంతే వీలవుతుంది, దయచేసి క్షమించమని దైవాన్ని ప్రార్ధించుకున్నాను.  


పూజలో మధ్యలో లేవవలసి వచ్చినా, తిరిగి మొదటి నుంచి చదవటంలేదు.


పూజ మొదలుపెట్టిన తరువాత స్థిరంగా కూర్చుని పూజచేసుకోవటం మంచిది. 


అయితే, అలా కుదరనప్పుడు మధ్యలో లేవవలసి వస్తే లేవక తప్పదు.


     ఎవరి శక్తిని బట్టి , వీలునుబట్టి వారు పూజ చేసుకోవటం మంచిదని నాకు అనిపించింది. 


 ఏది చేస్తే తప్పో? ఏది ఒప్పో ? అనుకుంటూ ఎన్నో సందేహాలతో సతమతమవటం కంటే , ముఖ్యంగా దైవంపై ధ్యాస ఉంచి పూజ చేసుకోవటం మంచిదనిపించింది.


 అలాగని, పూజ మధ్యలో ..అనవసరంగా ఎక్కువగా ఫోనులో మాట్లాడటం..వంటివి చేయటం సరైనది కాదు.



మా ఇంటివద్ద ఉన్న పారిజాతం చెట్టు ..


మా ఇంటివద్ద పారిజాతం పువ్వుల చెట్టు ఉంది. పారిజాతం పువ్వులు బాగుంటాయని నేనే మొక్క తెచ్చి పెట్టాను. 

ఇప్పుడు ఆ మొక్క పెద్దదయ్యి చక్కగా పువ్వులు పూస్తోంది. రాత్రి సమయంలో చక్కటి సువాసన కూడా వస్తుంది.

 అయితే, ఆ సువాసనను పీల్చితే, ఉదయాన ఆ పువ్వులను దేవునికి సమర్పించవచ్చో? లేదో ? అని నాకు సందేహం కలిగింది.

 అలాగని పీల్చకుండా ఉండటం కష్టం...ఇలా అతిగా ఆలోచించటం కూడా సరికాదేమోనని అనిపిస్తుంది.

**********

పారిజాతం పువ్వులను చెట్టునుంచి కోయకూడదంటారు. క్రింద రాలిపడిన పువ్వులనే ఏరి పూజలో సమర్పించాలట.

 ఒక శుభ్రమైన వస్త్రాన్ని నేలమీద పరిచి వస్త్రం పైన రాలిపడిన పువ్వులను తీసుకోవచ్చట.

అలాగని,  వస్త్రాన్ని పరిచి, పని ఉందని మనం లోపలికి వెళ్తే.. ఆ వస్త్రం పైనుంచి పిల్లి వంటివి నడిచి వెళ్తే దోషం కావచ్చు.

 కాబట్టి, కొన్ని జాగ్రత్తలు తీసుకోవాలి. 

పారిజాతం చెట్టు దేవాలయంలో తప్ప ఇంట్లో పెట్టకూడదని కొందరంటారు...  

అయితే, ఇంట్లో కూడా పెంచుకుంటారు కొందరు.
*********

నేను మా ప్రహరీ బయట రోడ్డు ప్రక్క నాటాను. కొమ్మలు మా ఇంటివైపు కొన్ని, రోడ్డు వైపు కొన్ని పెరిగాయి. అందువల్ల, కొన్ని పువ్వులు రోడ్డుపైన పడుతున్నాయి.


 రోడ్డుపై వస్త్రాన్ని పరవటం అంటే కుదరదు కదా! వాహనాల వల్ల, నడిచేవారి వల్ల పువ్వులు నలిగిపోతుంటాయి. ఇదంతా చూసినప్పుడు బాధగా ఉంటుంది. క్రింద పడ్డ పువ్వులను కొంతవరకు ఏరివేస్తున్నాను. 


పారిజాతం దేవతా వృక్షం కాబట్టి, చుట్టుప్రక్కల విపరీతంగా పెరగకుండా కొమ్మలు కత్తిరించవచ్చో? లేదో ? అనిపించింది.
అయినా వేరే దారిలేక కొన్ని కొమ్మలను కత్తిరించాను.


 కొమ్మలు పెద్దగా పెరిగిన తరువాత కొమ్మలను కొడితే చెట్టుకు ఎక్కువ బాధ కలగవచ్చు.  అందువల్ల, చిగుర్లు వస్తున్నప్పుడే తుంపవచ్చు. 

అయినా, కొన్నిసార్లు పెద్దయిన కొమ్మలను కత్తిరించటమూ తప్పకపోవచ్చు. 



ఇవన్నీ ముందు తెలియలేదు.... ముందే ఆలోచన వచ్చి ఉంటే రోడ్డు ప్రక్క   మొక్క నాటకుండా, ఆలోచించి నిర్ణయం  తీసుకోవటం జరిగేది.


************

ఇంకో సమస్య ఏమిటంటే, పువ్వుల సీజన్ తరువాత కాయలు వచ్చి, విత్తనాలు నేలమీద పడి చిన్న మొక్కలు వస్తాయి. అలా వచ్చిన పారిజాతం మొక్కలను తీసివేస్తున్నాను. 


ఆ చిన్న మొక్కలను పీకివేస్తున్నప్పుడు బాధగా అనిపిస్తుంది. దేవతామొక్కలను ఇలా పీకవచ్చో ? లేదో ? పీకివేస్తే పాపమేమో ? అని భయంగా కూడా ఉంటుంది. వేరే దారిలేక తీసివేస్తున్నాను.


 వీలైనంతలో కాయలు  కోసివేయటానికి ప్రయత్నిస్తున్నాను కానీ, అన్ని కాయలనూ కోయటం నావల్ల కాదు. 

ఏమిటో, ఇలా.. అనేక విషయాలలో ఏం చేయాలో ? ఏం చేయకూడదో ? అని అయోమయంగా అనిపిస్తోంది.

*************

ఇలాంటప్పుడు ఏమనిపిస్తుందంటే, కొన్నిసార్లు ఎక్కువ విషయాలు తెలియకపోవటం వల్ల కూడా లాభాలుంటాయేమో? అనిపిస్తుంది.

తెలిసి చేసినా, తెలియక చేసినా తప్పు తప్పేనంటారు.


 కొన్నిసార్లు తెలియక చేసిన తప్పులకు దోషం అంతగా ఉండదట ? విషయం తెలిసినా పాటించకపోతే.. వచ్చే పాపం ఎక్కువట.

  అలాంటప్పుడు, ఎక్కువ విషయపరిజ్ఞానం లేకపోవటం కూడా కొన్నిసార్లు మంచిదేనేమో ? అనిపిస్తున్నది. 

  విషయపరిజ్ఞానం ఉండటం మంచిదే.  అయితే, పరిస్థితిని బట్టి విచక్షణతో ఆలోచించి నిర్ణయాలను తీసుకోవటం మంచిది. 

పరిస్థితి అయోమయంగా ఉంటే దైవాన్ని ప్రార్ధించటం ఉత్తమం.




Wednesday, October 25, 2017

తులసి మొక్క, రావి మొక్క కొన్ని విషయాలు..


కొన్ని సంవత్సరాల క్రిందట మేము అపార్ట్మెంట్లో ఉన్నప్పుడు కుండీలలో తులసి, గులాబీ, చామంతి వంటి మొక్కలు పెంచటం జరిగింది.


 తులసి మొక్క గింజలు ప్రక్కనున్న కుండీలలో పడి వాటిలో కూడా మొక్కలు వచ్చాయి. అలా ఎక్కువ తులసి మొక్కలు రావటం సంతోషంగానే అనిపించింది.


 అయితే, గులాబీ మొక్కల కుండీలలో కూడా తులసి పెరిగితే గులాబీలు ఏపుగా పెరగవని భావించి, తులసి కండీలను.. మిగతా కుండీలను దూరందూరంగా జరిపాను. 


ఎవరైనా తులసి మొక్క కావాలని అడిగితే మా వద్ద ఉన్న తులసి మొక్కలనుంచి తీసి ఇవ్వటం జరిగింది. 


తరువాత కొంతకాలానికి ఒకరు ఏం చెప్పారంటే, ఇంటిలో తులసి మొక్క ఒక్క కుండిలో ఉంటే చాలు, బోలెడు కుండీలలో ఉండకూడదన్నట్లు చెప్పారు. 

ఇది విన్న తరువాత సంశయం కలిగి, మా వద్ద రెండు కుండీలలో ఒక కుండీని మా ఇంటి ప్రక్క ఉన్న దేవాలయంలో పెట్టేసి వచ్చాను.


తరువాత  ఏమనిపించిందంటే,  దేవాలయంలో పెడితే ఒకవేళ నీరులేక మొక్క ఎండిపోతే ఎలా? అనిపించి అప్పుడప్పుడు వెళ్ళి నీరు పోస్తున్నాను.


 ఇలా కొన్నిసార్లు ఏమవుతుందంటే, ఒక సందేహం కలిగి దానిని పరిష్కరించటానికి చూస్తే,  మరిన్ని సందేహాలతో వ్యవహారం గొలుసుకట్టు వ్యవహారంలా తయారవుతుంది.


నాకు ఏమనిపిస్తుందంటే, తులసి మొక్క ఉంటే చుట్టుప్రక్కల గింజలు పడి మొక్కలు రావటం సహజం. తులసి మొక్కలు ఎన్ని ఉన్నా పూజనీయమే.



అయితే , ఎక్కువ కుండీలలో తులసి ఉంటే అన్నింటికీ రోజూ పసుపు, కుంకుమతో ..  పూజలు చేయాలా? అనే సందేహాలు వస్తాయని భావించి,  ఒక్క కుండీ నే ఉండాలి. అని చెప్పిఉండవచ్చు. 



అంతేకానీ, ఎక్కువ మొక్కలు ఉంటే తప్పు ..అని  వారి  ఉద్దేశం కాకపోవచ్చు.  

***********

  తులసి ఆకులను ఎప్పుడుపడితే అప్పుడు తెంపకూడదని పెద్దలు తెలియజేసారు. అలా చెప్పటం మంచిదే. 

లేకపోతే భక్తులు పూజ కొరకు అంటూ విపరీతంగా తులసి ఆకులను, కొమ్మలను ఎప్పుడుపడితే అప్పుడు తెంపేసి మొక్కలను పెరగనివ్వరు. 

******************

 తులసి గింజలు ప్రక్కన పడకుండా, ఎండిన  తులసి కంకులను 
అప్పుడప్పుడు నేనే  త్రుoచి మొక్క మొదట్లో వేయటం జరిగేది.

అయితే, కొందరు ఏమంటారంటే , స్త్రీలు తులసి కంకులు 
త్రుoచ కూడదంటారు. మగవారు త్రుoచవచ్చంటారు.


 అయితే, మగవారికి ఇలాంటి విషయాల పట్ల ఆసక్తి ఉండవచ్చు, లేకపోవచ్చు.  అలాంటప్పుడు,  స్త్రీలే 
త్రుoచక తప్పదు కదా!


మరి , స్త్రీలు తెంపితే పాపం వస్తుందంటున్నారు. 


ఇలా ఎన్నో సమస్యలు, సందేహాలు కలిగి అసలు ఇలాంటి దేవతా మొక్కలను పెంచకుండా ఉంటే సరిపోతుందేమో ? అనిపించే పరిస్థితి రావచ్చు. 


పెద్దలు మనకు చక్కటి విషయాలను తెలియజేసారు. అయితే, అతి సందేహాలతో భయపడి అసలు విషయానికి దూరం కాకూడదు. 

***********
 రావి చెట్టు దేవతా వృక్షం. ఈ వృక్షం దేవాలయాలలో తప్ప ఇంట్లో ఉంటే మంచిదికాదంటున్నారు.రావి వృక్షాలను నరకటం వంటివి చేస్తే ఎంతో పాపం, కష్టాలు వస్తాయని అంటున్నారు.


 వృక్షాలు నరికితే తప్పే కావచ్చు. మరి చిన్నమొక్కలు వస్తే ఏం చేయాలో తెలియటం లేదు. 


పక్షుల వల్ల రావి విత్తనాలు ఎక్కడయినా పడి మొక్కలు వస్తుంటాయి. మా ఇంటివద్ద చిన్న రావి మొక్కలు వచ్చాయి. వాటిని పీకాలంటే భయంగా ఉంది.

 ఎక్కువగా ఉన్న మొక్కలను తీసి వేరే చోట పెట్టవచ్చు కానీ, ఇలాచేయటం ఎప్పుడూ కుదరకపోవచ్చు.

**********

కొన్ని మొక్కలు , వృక్షాలలోని గొప్పదనాన్ని గ్రహించిన పెద్దలు వాటిని దేవతా మొక్కలు , వృక్షాలుగా తెలియజేసారు. అలాంటి  వాటిని  జాగ్రత్తగా సంరక్షించాలి.


 అయితే,  మరీ అతి సందేహాలతో  భయపడి .. అసలు అలాంటి మొక్కలను, వృక్షాలను పెంచకుండా  దూరంగా ఉంటే మంచిది ..అనే పరిస్థితి రాకూడదు.



ఎన్నో విషయాల గురించి ఎన్నో సందేహాలు వస్తుంటాయి. అయితే మనం మరీ ఎక్కువగా సందేహాలతో భయపడి అసలు విషయాలకే దూరం కావటం కాకుండా,  
ఆచారవ్యవహారాలలోని అసలు అంతరార్ధాలను అర్ధం చేసుకోవలసిన అవసరం ఉంది. 



 పెద్దలు ఎన్నో ఆచారవ్యవహారాలను తెలియజేశారు. ఆచారవ్యవహారాలలో ఎన్నో చక్కటి  విషయాలు ఉన్నాయి. 



అయితే , ప్రాచీనులు  తెలియజేసిన విషయాలు కొన్నైతే, మధ్యలో వచ్చిచేరినవి కొన్ని. 


ఏవి పెద్దలు చెప్పినవో? ఏవి  మార్పులుచేర్పులతో మధ్యలో వచ్చిచేరినవో తెలియటం లేదు.