అశ్వమేధ యాగాన్ని గురించి .......మరి కొన్ని విషయాలు.

 

* శ్రీ దేవీభాగవతము గ్రంధములో .... వరాహస్వామి అవతార సందర్భంలో  సర్వకళ్యాణకారకమైన భూదేవీ స్తవం గురించి ఉందండి.

 ఈ స్తోత్రాన్ని పఠించిన వారికి కలిగే ఫలాలను గురించి చెబుతూ అందులో ఈ స్తోత్రాన్ని పఠించిన వారికి..అశ్వమేధాలు నూరు చేసిన పుణ్యఫలం లభిస్తుంది . అని కూడా చెప్పారండి. అంటే...ఈ స్తోత్రాన్ని పఠిస్తే చాలు  నూరు అశ్వమేధాలు చేసిన ఫలం లభిస్తుందని పెద్దలే చెప్పటం జరిగింది.

* పెద్దలు ...సూక్ష్మంలో మోక్షంలా.... ఇలా ఎన్నో ఉపాయాలను కూడా మనకు అందించారు. 

* శ్రీ శని దేవుని మహిమలు ............ఈ ప్రోగ్రాం .. మా... చానల్లో సోమవారం నుంచి శుక్రవారం వరకు సాయంత్రం 6 గంటలకు వస్తోంది. ఈ ప్రోగ్రాంలో పురాణేతిహాసాలలోని ఎన్నో విషయాలను చక్కగా తెలియజేస్తున్నారు.

 వెయ్యి అశ్వమేధ యాగాలు చేస్తే ఎటువంటి ఫలం దక్కుతుందో అంతకంటే ఎక్కువ ఫలాన్ని సత్యనిష్ఠ ఇస్తుంది ........అని పండితులు చెబుతున్నారు. సామాన్యులు ఈ విధంగా పుణ్యాన్ని పొందవచ్చు.

 హరిశ్చంద్రుడు, శ్రీరామచంద్రుడు, వంటి గొప్పవారు కూడా ఎన్ని కష్టాలు వచ్చినా సహించి .... సత్యం యొక్క గొప్పతనాన్ని లోకానికి తెలియజేశారు. 

 ఈ అశ్వమేధ యాగాన్ని గురించి . తాడేపల్లి లలితాబాలసుబ్రహ్మణ్యం సార్ వివరించారు . ( ఇంతకు ముందు టపాలో వ్యాఖ్య )  నాకు సంస్కృతం అసలేరాదు. కాబట్టి ఈ విషయాల గురించి అంతగా తెలియదండి. 

అయితే నాకు తెలిసినంతలో ఏమనిపిస్తుందంటే.. ఈ అశ్వమేధ యాగాన్ని పూర్వం కొందరు రాజులు తమ రాజ్యం సుభిక్షంగా ఉండాలని ,ఈ యాగాన్ని నిర్వహించిన రాజు అందరి రాజుల కన్నా ఉన్నతస్థాయికి చేరటం వల్ల రాజ్యానికి శత్రువుల తాకిడి ఉండదని  ఇలాంటి కోరికలతో కూడా ఈ యాగాన్ని నిర్వహించేవారట. 

 సరే, కొందరు అంటున్నట్లు పట్టపురాణియే ఈ కార్యక్రమంలో పాల్గొంటారు అనుకుందాము.  అయితే ఈ ప్రక్రియలో అప్పటికే చంపబడిన గుర్రాన్నే ఉపయోగిస్తారట. ఇవన్నీ చెప్పుకోవటానికి కొంచెం ఇబ్బందిగానే ఉన్నా..

 * ప్రాణం లేని గుర్రం ....ప్రాణంలేని వస్తువుతో సమానం కాబట్టి ....రాజ్యం కోసం తప్పనిసరి పరిస్థితిలో వారలా యాగాన్ని నిర్వహించేవారేమో.

* ఇంకా.... చనిపోయిన జంతువుల శరీరభాగాలను అనేక విధాలుగా ఉపయోగిస్తారు. కొందరు వాటి చర్మం వలిచి చెప్పులు ,బ్యాగులు తయారుచేస్తారు.

 కొందరు వాటి ఎముకలు వంటి శరీరభాగాలను పొడిచేసి ఔషధాలుగా తయారుచేసి మానవ శరీరభాగాలకు ఔషధంగా పూస్తారు.( వాడతారు.) మరి ఇవన్నీ తప్పులుగా భావిస్తున్నారా ? 

 మరి ఈ రోజుల్లో చూస్తే, చాలామంది మాంసాహారం తినే వారు జంతువుల యొక్క * అన్ని రకాల శరీర భాగాలను వండి ఇష్టంగా భుజిస్తారు. మరి ఇది మాత్రం ఇబ్బందిగా అనిపించే విషయమేకదా ! ఒక రకంగా ఆలోచిస్తే ఇదీ అసహ్యంగానే అనిపిస్తుంది. కానీ ఇదంతా ఎవరూ మాట్లాడరు. 

*************

అశ్వమేధయాగంలో ఏ పద్ధతులు పాటించేవారో  చెప్పలేం. కొన్ని ఆచారాలలో కొన్ని వింతపద్ధతులు ఉన్నట్లు గ్రంధాల ద్వారా తెలుస్తుంది. అయితే, గ్రంధాలలో కొన్ని ప్రక్షిప్తాలు ఉన్నాయంటారు. ఏ విషయం ప్రక్షిప్తమో? ఏది కాదో? తెలియదు.
*****************

 ఇక అశ్వమేధ యాగంలో జంతుహింస ఒక రకంగా ఆలోచిస్తే తప్పే . అయితే , ఈ రోజుల్లో మనం మాత్రం జంతుహింస చేయటం లేదా ? మాంసాహారుల కోసం రోజూ ఎన్ని వేల జీవులు చంపబడుతున్నాయో అందరికి తెలిసిందే.

 ఇక, పరిశోధనల పేరుతో ఎన్ని జీవులను సజీవంగా చిత్రహింసలకు గురిచేస్తున్నారో ఈ మధ్య ఒక చానల్లో చూపించారు. పరిశోధనల కోసం మూగజీవులను ఎన్నో పరీక్షలకు గురి చేస్తారు. అవి బ్రతికుండగానే నరకాన్ని అనుభవించి ఇక బాధ భరించలేనప్పుడు చనిపోతాయి.

 ఈ పరిశోధనలన్నీ మానవుల సుఖం కోసమే అంటారు ఇప్పటివాళ్ళు.

అశ్వమేధ యాగం రాజ్యంలోని ప్రజల సుఖం కోసమే అంటారు అప్పటివాళ్ళు. ఎవరి వాదన వారిది. 

* అయితే,అశ్వమేధం ఎప్పుడో తప్ప ఎక్కువసార్లు చెయ్యరు. ఆ మధ్యన సముద్రంలో ఒక నౌకనుంచి ఆయిల్ ఒలికిపోయి ఆ నూనె తెట్టులో చిక్కుకుని ఎన్నో సముద్ర జీవులు కళ్ళలోకి ఆయిల్ వెళ్ళి కళ్ళు కనబడక గిలగిలలాడుతూ చనిపోవటం చూశాము. 

 అంతేకాదు ఈ రోజుల్లో పశువుల పాలు కూడా మనం పశువులకు హార్మోన్ ఇంజక్షన్స్ ఇచ్చి మరీ ఆఖరి బొట్టువరకూ పిండుతున్నాము . వాటి దూడలను కూడా పాలు త్రాగనివ్వకుండా మనమే త్రాగేస్తున్నాము. ఇవన్నీ అన్యాయాలు కాదా ? 

మనుషులు రానురానూ మరీ స్వార్ధపరులైపోతున్నారు.

 అశ్వమేధయాగం గురించి నేను టపా వ్రాయవలసివస్తుందని ఎప్పుడూ ఊహించలేదు. పరిస్థితులు అలా వచ్చాయండి.