ఆని అతితెలివిగా ప్రశ్నిస్తారు. ...

శ్రీ కృష్ణుని 16 వేల.. మంది భార్యల గురించి  కూడా  చాలామంది  అదొకరకంగా మాట్లాడుతుంటారు. 

కొందరు ఏమంటారంటే , కృష్ణుడు అంతమందిని వివాహం చేసుకున్నప్పుడు మేమెందుకు చేసుకోకూడదు? ఆని  అతితెలివిగా ప్రశ్నిస్తారు. 

మరి, కృష్ణుడు ఒకే సమయంలో 16వేల ..రూపాలు ధరించి అందరి వద్ద భర్తగా ఉండటాన్ని నారదుల వారు చూశారట. 


కృష్ణుడు అంతమందిని వివాహం చేసుకున్నప్పుడు మేమెందుకు చేసుకోకూడదు?  అనే  వాళ్లు అలా ఒకేసారి రెండు, మూడు అవతారాలు ధరించి ఇద్దరు లేక ముగ్గురి వద్ద ఉండగలరా?

కృష్ణుని  16 వేల ..భార్యల విషయంలో   ఎన్నో అంశాలున్నాయంటారు. 

కృష్ణుని 16వేల..మంది భార్యలు ..గోపికలని కొందరు, గత జన్మలో మునులని కొందరు అంటారు.

ప్రాచీనులు గ్రంధాలలో చెప్పిన అంశాలలో ఎన్నో అంతరార్ధాలుంటాయని  పెద్దలు తెలియజేసారు.

 ఈ విషయాల గురించి తెలుసుకోవాలంటే శ్రీ పాద  శ్రీవల్లభ సంపూర్ణ చరితామృతం గ్రంధం చదవ వచ్చు.

***************
ఆసక్తి ఉన్నవారు మరికొన్ని విషయములను ఇక్కడ చూడగలరు... 

Friday, July 30, 2010

పురాణములు, ఇతిహాసములు, మరియు ప్రాచీన గ్రంధములు ఇవన్నీ చాలాగొప్పవి.....అందులోని ధర్మమును తెలుసుకోవటం మన ధర్మం.

ప్రాచీన గ్రంధాలలో ఎంతో విజ్ఞానం ఉంది.

ఇంకో విషయం ఏమిటంటే, బ్రహ్మ, ఇంద్రుడు .. అనేవి పదవులు అంటారు కొందరు. హనుమంతులవారు భవిష్యత్తులో బ్రహ్మ అవుతారట. మరి, హనుమంతుల  వారు బ్రహ్మ అయితే సరస్వతిదేవి ఎవరు ? అనే  సందేహం వస్తుంది.

 నేను పండితుల ద్వారా విన్నదేమిటంటే, హనుమంతునికి  సువర్చలా దేవి తో వివాహం  జరిగిందని , హనుమంతులవారు బ్రహ్మ అయినప్పుడు సువర్చలాదేవి సరస్వతిదేవి అవుతుందని విన్నాను.

**************
గ్రంధాలలో ఎన్నో విషయాలున్నాయి.   విజ్ఞానం, సమాజం గురించి ఎన్నో విషయాలను తెలియజేస్తాయి. అయితే, గ్రంధాలలోని అంతరార్ధాలను సరిగ్గా గ్రహించగలగాలి.

బ్రహ్మాండంలో ఎన్నో కోట్ల లోకాలున్నాయని, ఎందరో త్రిమూర్తులున్నారని, ఎందరో బ్రహ్మదేవులు ఉన్నారని గ్రంధాల ద్వారా తెలుస్తుంది..


ఎన్నో కధలు ప్రచారంలో ఉన్నాయి ఒకే కధ వివిధ రకాలుగా చెప్తున్నారు. ఒకే విషయం గురించి భిన్నమైన కధలు కూడా ప్రచారంలో ఉన్నాయి. ఏది సరైనది ? ఏది కాదో ? భగవంతునికే తెలియాలి.

*************
రావణాసురుడు ఎత్తుకెళ్ళిన సీత నిజమైన సీత కాదని,  ఛాయా సీత అని , నిజమైన సీత అగ్నిదేవుని సంరక్షణలో ఉన్నదని ఒక దగ్గర ఉంటే, 

వాల్మీకి రామాయణంలో ఛాయా సీత గురించి ప్రస్తావన లేదంటారు.

ఉత్తరరామాయణం వాల్మీకి రామాయణంలో లేదంటారు కొందరు. ఏం జరిగిందో దైవానికే తెలుస్తుంది.

బ్రహ్మ, విష్ణు, మహేశ్వరులకు భేదం లేదు . భేదం చూపించిన వారు నరకానికి పోతారు. అని గ్రంధాల ద్వారా  తెలుస్తున్నా కూడా,  భేదాలతో పరస్పరం కొట్టుకున్న చరిత్ర మనకుంది.

 హిందువులలో శక్తి, శివ, విష్ణు..ఇలా అనేక భాగాలుగా చీలికలుండటం, ఒకరితో మరొకరు కలహించుకోవటం జరిగింది. 

వీళ్ళలో కొందరు   గ్రంధాలలోని కధలను  తమకు అనుకూలంగా, తమకు నచ్చని  వారికి  వ్యతిరేకంగా  మార్చి ఉండవచ్చు?

 ప్రాచీనకాలం నుండి తరతరాలుగా కొందరు  పండితులు, పామరులు , కొందరు తెలిసితెలియనివాళ్లు, కొందరు స్వార్ధపరులు కొన్ని విషయాలను వక్రీకరించి ఉండవచ్చు.

 కొన్ని మార్పులు చేర్పులు కూడా చేసారేమో ?

కాలగమనంలో గ్రంధాలలో కొన్ని  మార్పులుచేర్పులు జరిగి ఉండవచ్చని సందేహాలు వస్తాయి.  

తెలిసీతెలియని  కొందరి వల్లా, హిందువులకు వ్యతిరేకమైన కొందరి  వల్లా గ్రంధాలలో కొన్ని ప్రక్షిప్తాలు ప్రవేశపెట్టబడి ఉండవచ్చని  సందేహాలు కలుగుతాయి.  

ఏది ప్రక్షిప్తమో ? ఏది కాదో ?  తెలియదు. ఇలాంటప్పుడు, గ్రంధాలలోని విషయాల గురించి ప్రజలకు తెలిసే విషయంలో  జాగ్రత్తగా ఉండాలి. 

విషయాలను అపార్ధం చేసుకోకుండా,  సమాజానికి హితం కలిగే విధంగా సరైన  అర్ధాన్ని ప్రజలకు  తెలియజేయాలి. 

సమాజానికి నష్టం కలిగించేలా  ఉన్న  ప్రక్షిప్తాలను విడిచిపెట్టాలి.

.........................

    ప్రాచీనగ్రంధాలలో అనేక ప్రక్షిప్తాలు ఉన్నాయని పండితులే అంటుంటారు. తరతరాలనుండి ఎందరు తమకు తోచినట్లు గ్రంధాలలో మార్పులుచేర్పులు చేసారో తెలియదు.

    కొందరు తెలిసితెలియని వాళ్లు, స్వార్ధపరులు కూడా ..గ్రంధములలో మార్పులుచేర్పులు చేసే అవకాశముంది. అందువల్ల ప్రతిదీ గుడ్దిగా నమ్మటం కాకుండా విచక్షణతో ఆలోచించి నిర్ణయాలు తీసుకోవాలి.

   ఇంతకుముందు ఏం జరిగిందో తెలియదు. భవిష్యత్తులో అయినా..ఎవరికి తోచినట్లు వారు గ్రంధాలలో మార్పులుచేర్పులు చేయకుండా కట్టుదిట్టమైన చర్యలను చేపట్టాలి.

******************

 
గ్రంధాలలో ఎంతో విజ్ఞానం ఉంది. గర్భస్థ పిండాలను కుండలలో పెంచటం, ఒకరి గర్భం నుండి శిశువును ఇంకొకరి గర్భం లో ప్రవేశపెట్టడం.. దూరశ్రవణం, దూరదృశ్యం.. వంటివి గ్రంధాలలో చదివి పుక్కిటి పురాణాలంటూ ఎగతాళి చేసేవారు.

ఆయితే, ఆధునికకాలంలో టెస్ట్ ట్యూబ్ విధానం, టెలిఫోన్,  టీవీ, సరోగసి..వంటివి  వచ్చాక పూర్వీకులు చెప్పినవి సాధ్యమేనని   తెలిసింది.

అయినా ప్రాచీనుల విజ్ఞానానికి, ఆధునిక విజ్ఞానానికి తేడా ఉంది. 

ప్రాచీనులది ధ్యానంతో సాధించిన విజ్ఞానం. ఆధునికులది భౌతికవిజ్ఞానం.

 ఆధునికులకు భౌతిక శరీరం గురించి ఇంకా పూర్తిగా తెలియదు.  మనస్సు గురించి తెలిసింది ఇంకా తక్కువ.

 ప్రాచీనుల విషయంలో  శరీరంతో కన్నా,  మనస్సుతో సాధించేది  ఎక్కువ.

గ్రంధాలలో అణిమాది సిద్ధులు, పరకాయప్రవేశం, కామరూపవిద్య..వంటి ఎన్నో శక్తుల గురించి ఉంది.

 వీటిగురించి తెలుసుకునే స్థాయికి  ఆధునిక విజ్ఞానం  ఇంకా ఎదగలేదు.

 భవిష్యత్తులో ఏమైనా జరుగుతుందేమో తెలియదు. 

***************
శ్రీపాదశ్రీవల్లభ సంపూర్ణచరితామృతం గ్రంధంలో ఎన్నో విషయాలున్నాయి.

 ఒకయోగి అత్మకధ గ్రంధంలో కూడా అనేక లోకాలగురించి, అక్కడి వారి  అద్భుతమైన  శక్తుల గురించి  తెలియజేసారు.

 ఇవన్నీ  ఊహకు అందని విషయాలు.

కధలలో ఎన్నో విషయాలున్నాయి..

శ్రీ దేవీ భాగవతము గ్రంధములో  ఎన్నో విషయాలున్నాయి. 

ఒకప్పుడు,  త్రిమూర్తులు  యువతులుగా మార్పు చెంది..  పరమాత్మ అయిన ఆదిపరాశక్తి ని  ఆరాధించారని  శ్రీ దేవీ భాగవతము గ్రంధము ద్వారా తెలుస్తుంది. 

(  త్రిమూర్తులు యువతులుగా మారటాన్ని గమనిస్తే , దేవతల రూపాలు  మారటం విషయంలో  ఏదైనా సాధ్యమే ..అని తెలుస్తుంది. )

కొంతకాలానికి, త్రిమూర్తులు తమ నిజరూపాల్లోకి మారటం  జరుగుతుంది. 

*పరమాత్మఆదిపరాశక్తి...  బ్రహ్మదేవునికి మహాసరస్వతి దేవిని నిత్య సహచారిణిగా , విష్ణుమూర్తికి మహా లక్ష్మీదేవిని, పరమశివునికి గౌరిదేవిని(మహాకాళి దేవిని) ఇవ్వటం జరిగిందని తెలుస్తోంది.


విష్ణుమూర్తికి సరస్వతీదేవి, లక్ష్మీదేవి, గంగాదేవి..భార్యలుగా ఉండటం అనే విషయం కూడా  శ్రీ దేవీభాగవతంలో ఉన్నది.  


సరస్వతీదేవి గంధమాదనపర్వతం మీద లక్షదివ్య వసంతాలు  తపస్సు చేసి బ్రహ్మదేవుని ఇల్లాలై జగదారాధ్య అయ్యింది. ..అని   కూడా  ఉన్నది.

******************

 విష్ణుమూర్తికి సరస్వతీదేవి, లక్ష్మీదేవి, గంగాదేవి..భార్యలుగా ఉండటం అనే విషయం  లో…

ఒక సారి  విష్ణుమూర్తి యొక్క  భార్యల   మధ్య వచ్చిన మనస్పర్ధ  వల్ల  వారిలో  వారు శపించుకోవటం,  తద్వారా  విష్ణువు …కొన్ని విషయాలను తెలియజేయటం జరిగింది…..

పనిలో పనిగా లోకంలో అందరికీ  పనికివచ్చే ఒక ఉపదేశం చేస్తున్నాను. మీరు  ఆలకించండి-

ఒక పురుషుడికి   ఒక ఇల్లాలు ఉండటం  ఉత్తమోత్తమమం. ఆవిడ గుణవతి శీలవతి అయితే చాలు ఆ పురుషుడి జన్మ ధన్యమయినట్టే. అంతటి సుఖి మరొకడు  ఉండడు.  బహుభార్యలు  ఉండటం ఎంతటివాడికైనా  నరకమే..అది ధర్మవిరుద్ధమూ  వేదవిరుద్దమూ  కూడా. అందులోనూ  సవతులు  ఒకే చోట ఉండటం  మరింత  నరకం..అంటూ కొన్ని విషయాలను  చెప్పటం జరిగింది.


సరస్వతీదేవి  కేవలం  కళాంశ రూపంతో  భారతదేశాన నదిగా అవతరిస్తుంది. అర్ధభాగంతో  బ్రహ్మసదనంలో నివసిస్తుంది. స్వయంగా  ఇక్కడే మన ఇంటిలోనే  ఉంటుంది.  అలాగే గంగాదేవి  భగీరధుడి వెంట కళాంశరూపంతో  నదిగా  భారతదేశానికి వెడుతుంది. ముల్లోకాలనూ  పవిత్రీకరించడానికి  స్వయంగా తానూ ఇక్కడే  ఉంటుంది. భూలోకానికి  వెళ్ళే దారిలోనే కైలాసంలో  అన్యదుర్లభమైన శివుడి జటాజూటాన్ని అలంకరిస్తుంది. నువ్వుకూడా ఇలాగే కళాంశాంశరూపంలో  పద్మావతీనదిగా  తులసీవృక్షంగా  భారతభూభాగంలో అవతరిస్తావు.  కలియుగంలో అయిదువేల సంవత్సరాలు  గడిచాక  మీరు ముగ్గురూ తిరిగి పరిపూర్ణ రూపాలతో  నా ఈ వైకుంఠానికి చేరుకుంటారు...అంటూ ఎన్నో విషయాలను  తెలియజేస్తారు. 

* ఈ విషయాల ద్వారా ..  బహుభార్యలు ఉండటం వల్ల కలిగే కష్టాలు, బహుభార్యలుండటం, ధర్మవిరుద్ధం, వేదవిరుద్ధం... అనే విషయాలను గమనించటం ముఖ్యం. 

(తులసీదేవి లక్ష్మీదేవి అంశతో అవతరించటం జరిగింది.)

******************
 విష్ణుమూర్తి  భార్య అయిన సరస్వతి యొక్క కొంత అంశను   బ్రహ్మ వద్ద కు పంపటం అనే విషయం  గురించి... 

  వైకుంఠంలోని సరస్వతీ  దేవి యొక్క కొంత అంశ  మాత్రమే బ్రహ్మ సదనానికి వెళ్తుంది. మరికొంత భాగం నదిగా మారుతుంది. స్వయంగా వైకుంఠంలోనే ఉంటుందని చెప్పబడింది. 

బ్రహ్మదేవునికి  ఆదిపరాశక్తి ప్రసాదించిన సరస్వతీ దేవి ఉంటుంది కదా. 

 బ్రహ్మ వద్ద ఉన్న సరస్వతి   బ్రహ్మ వద్ద ఉంది. వైకుంఠంలో  ఉన్న  సరస్వతీ దేవి  వైకుంఠంలో ఉంది.

*********************
ఇంకొక విషయం ఏమిటంటే, 

 కలియుగంలో 5000సంవత్సరాల తరువాత లక్ష్మీ దేవి, సరస్వతీ దేవి, గంగా దేవి తిరిగి పరిపూర్ణరూపాలతో వైకుంఠానికి తిరిగి వస్తారని  చెప్పబడింది.

నాకు కలిగిన కొన్ని ఆలోచనలలో ఒకటి ఏమిటంటే,  

 వైకుంఠంలో విష్ణుమూర్తిని వివాహం   చేసుకున్న సరస్వతీ  దేవి  నుండి  (కృష్ణాదేవి ముఖం నుండి ఆవిర్భవించిన సరస్వతి దేవి నుండి ) ఒక భాగం వెళ్లి ఆదిపరాశక్తి బ్రహ్మకు ప్రసాదించిన సరస్వతీ దేవి లో ప్రవేశిస్తుందేమో? అనిపించింది.

కలియుగంలో 5 వేల సంవత్సరాల తర్వాత ….వైకుంఠం నుండి వెళ్లిన సరస్వతీ  దేవి అంశ తిరిగి వైకుంఠంలో ఉన్న సరస్వతిలో కలుస్తుందేమో? అని ఒక ఆలోచన కలిగింది.

*************
సరస్వతులలో ఎన్నో రకముల సరస్వతులున్నారట. ఉదా: నీల సరస్వతి .. 
************

ఇంకొక విషయం ఏమిటంటే, అష్టలక్ష్ములలో విద్యాలక్ష్మి  కూడా  ఉంది.
**********
పార్వతీపరమేశ్వరులు అర్ధనారీశ్వరులు.

***************
 ప్రపంచంలో పశుపక్ష్యాదులు, మనుషుల విషయంలో ఎన్నో భేదాలుంటాయి. ఇక ఎంతో ఉన్నతమైన దేవతలకు ఎన్నో శక్తులుంటాయి. 

దేవతలు అపవిత్రతకు తావు లేకుండా  తమ రూపాలను, లక్షణాలను ఎలాగైనా మార్చుకోగలరు. 

మార్పు జరిగినప్పుడు ఎక్కడి ధర్మం అక్కడ ఉంటుంది. 

దేవతలకు మనుషుల వలె శరీరాలుండవు. వారు సంకల్పమాత్రం చేతనే ఏమైనా మార్పులను చేయగలరు. 

 లౌకిక ప్రపంచంలోనే గమనిస్తే, ఒకే అంశ కలిగిన నీటి అవిరి నీరుగా మారుతుంది. నీరు మంచుగడ్దగా మారుతుంది. 

అయినా, నీటి ఆవిరి లక్షణాలు , నీటి లక్షణాలు, మంచుగడ్డ లక్షణాలు వేటికవే వేరుగా ఉంటాయి... 

ఉదా..ఒక మంచుగడ్డ ముట్టుకుంటే గట్టిగా ఉంటుంది, నీరు అలా గట్టిగా ఉండదు కదా!

నీరు మంచుగా  మారినప్పుడు..  మంచుగడ్డ లక్షణాలను పొందుతుంది.. అదే మంచుగడ్డ తిరిగి   నీటిగా మారినప్పుడు  తిరిగి  నీటి లక్షణాలను పొందుతుంది. 

 అయితే, మనుషులకు ఇలాంటి పరిస్థితి లేదు  కానీ,   దేవతలకు ఏదైనా సాధ్యమే.  

***************
కెమిస్ట్రీ గురించి నాకు తెలిసినంతలో .. 

నీటి ఆవిరి, నీరు,  మంచు..ఒకే ఫార్ముల్లా ఉన్నా కూడా ఫిజికల్ లక్షణాలు వేరుగా ఉంటాయి.

ఐతే, నీటి ఫార్ములా  H2O  అయితే, నీటి ఆవిరి యొక్క  ఫిజికల్ లక్షణాలు వేరుగా ఉండటం వల్ల  H2O(g) అని కూడా అంటారు.

 కెమిస్ట్రీలో ఇలాంటి వాటి గురించి ఎన్నో చిత్రమైన అంశాలుంటాయి.

దేవతల వంటివారు.. తమకు కావలసిన రూపాలను ధరించటం, కోరుకున్న రూపాల్లోకి మారటం..అనే విషయాల్లో..కెమిస్ట్రీ, ఫిజిక్స్ కు సంబంధించిన ఎన్నో అంశాలు కూడా ఉన్నాయని నా అభిప్రాయం. 

**********
గ్రంధాలలోని అంతరార్ధాలను అర్ధంచేసుకోవటం కొన్నిసార్లు చాలా కష్టం. ఎంత తెలుసుకున్నా ఇంకా అర్ధం చేసుకోవలసినవి  ఎన్నో ఉంటాయి.మనకు అర్ధం కాలేదని అపార్ధం చేసుకోకూడదు.  

************
ఇల్లాలు అంటే సహచారిణి అనే అర్ధం కూడా ఉంది. భార్యాభర్తలలో రకరకాల వాళ్ళుంటారు. 

ఉదా..రామకృష్ణపరమహంస శారదాదేవిలు భార్యాభర్తలే. కానీ, బ్రహ్మచర్యాన్ని అవలంబించారు. 

మానవులలోనే ఇంతటి గొప్పవారున్నప్పుడు..    దేవతల గురించి  తప్పుగా  భావించటం సరైనది కాదు.

ఈ కధలో ...  
బహుభార్యలుండటం, ధర్మవిరుద్ధం , వేదవిరుద్ధం .. అని  విష్ణుమూర్తి  తెలిపిన  విషయాలను గమనించటం ముఖ్యం.

****************

దేవతలకు మానవుల వంటి శరీరాలు ఉండవు. వారు ఏ విధంగానైనా తమ శరీరాలను మార్చుకోగలరు.వారు  సంకల్పమాత్రం చేతనే ఎన్నో పనులు చేయగలరని గ్రంధాల ద్వారా తెలుస్తుంది.

అలాంటప్పుడు వారి విషయాలలో అంతా  మనుషుల వలే ఆలోచించి  అపార్ధం చేసుకోకూడదు.

సృష్టిలో మనుషులకు తెలిసింది నీటిబొట్టంత....తెలియనివి సముద్రమంత.

దైవానికి మాత్రమే అన్ని విషయాలు తెలుస్తాయి.

సోషల్మీడియాలో కొందరు..మరి కొన్ని విషయములు...

సోషల్మీడియాలో కొందరు రకరకాలవిషయాలను చెబుతూ అవన్నీ పాటించకపోతే కష్టాలొస్తాయంటూ చెబుతున్నారు.

 సమాజం సరిగ్గా నడవాలంటే ఎన్నో వృత్తులు అవసరం. అందరూ పనిచేస్తేనే సమాజం సరిగ్గా నడుస్తుంది. కుటుంబంలో  స్త్రీలుపురుషులు తమ బాధ్యతలను సరిగ్గా నిర్వర్తిస్తేనే కుటుంబవ్యవస్థ బాగుంటుంది.

  

 ఉదయాన్నే చద్దన్నం తిని పొలానికి వెళ్ళే రైతులు చాలా నియమాలను పాటించలేరు.

 కుటుంబానికి దూరంగా మంచుకొండలలో ప్రాణాలకు తెగించి శత్రువులతో పోరాడే సైనికులు ఉపవాసాలు వంటి అనేక నియమాలను పాటించలేరు.

ఎవ్వరైనా అప్పుడప్పుడు ఉపవాసాలు ఉండటం ఆరోగ్యానికి మంచిదే కానీ, ఎప్పుడూ ఏదో ఒక విశేషం అంటూ అస్తమానం ఉపవాసాలు ఉంటే నీరసం వస్తుంది, అనారోగ్యం వచ్చే అవకాశముంది.

 కొన్ని వృత్తుల వారు పెద్దగా పూజలు చేయకపోయినా,  వారి పనులను వారు చక్కగా చేస్తే చాలు పుణ్యం లభిస్తుందని ప్రాచీనులు తెలియజేసారు. అందరూ పనులన్నీ ఆపేసి ఉపవాసాలు ఉంటూ కూర్చుని తపస్సు చేస్తూ ఉండమని ప్రాచీనులు చెప్పలేదు.

  అందరూ అన్నీ పనులు మాని విరక్తులైతే సమాజం ఏమవుతుంది. చెడ్డవారైన శత్రువుల చేతిలోకి పోతుంది. అలా జరగకుండా ఉండాలంటే, మంచివారు తమ బాధ్యతలను తాము నిర్వర్తించాలి.

    శ్రీకృష్ణులవారు యుద్ధరంగంలో అర్జునునితో  ..అప్పుడు యుద్ధం చేయడము అర్జునుని కర్తవ్యమని బోధించారు..ఇంకా ఎన్నో విషయములను కూడా బోధించారు.

 

జీవితంలో మన కర్తవ్యాన్ని నిర్వర్తిస్తూ కూడా దైవాన్ని స్మరించుకోవచ్చు..ఎవరైనా ఒకదగ్గర కూర్చుని పూజ చేయవచ్చు.. ఇంకా,  ధర్మబద్ధంగా తమ బాధ్యతలను నిర్వర్తించటం కూడా పూజయే.

 జీవితంలో  ఏ పని చేయాలన్నా అనేక సందేహాలతో అనేకనియమాలు ముందుకాళ్ళకు బంధాలుగా తయారయ్యాయి. ఇలాంటి పరిస్థితి వల్ల ప్రజలు నిరాశావాదులుగా, నిస్తేజంగా తయారవుతారు. విసుగుతో నియమాలను పాటించడమూ మానేస్తారు. 

 

 సోషల్మీడియాలో  ఏదో ఒకటి చెప్పాలని కొందరు.. ప్రతిదీ అలా చేయకూడదు, ఇలా చేయాలి..అంటూ చెపుతూ ప్రజలను అయోమయానికి గురిచేస్తున్నారు.

  కలికాలంలో ప్రజలు శారీరికంగా, మానసికంగా బలహీనంగా ఉంటారని తెలిసిన ప్రాచీనులు, కలికాలంలో సులభంగా పూజ దైవస్మరణ చేసినా చాలని తెలియజేసారు. 

 

అయితే, కొందరు అనేక పూజలు, అనేక నియమాల గురించి  చెబుతూ అందరూ అలా పాటించాలని ..పాటించకపోతే కష్టాలు వస్తాయని చెబుతూ భయపెడుతున్నారు. ఇలా చేయటం ప్రాచీనులు తెలియజేసినవాటికి విరుద్ధం.

సనాతనధర్మం మూఢాచారాలను పాటించమని చెప్పలేదు. కొందరు ప్రజలే వాటిని ప్రవేశపెట్టారు. ఇలా అతిగా చేయటం సరైనది కాదు. పాతకాలంలో హిందువులలోనే కొందరు తమలో తాము గొడవలు పడ్దారు.వైష్ణవులు శైవులు అని కూడా గొడవలు జరిగాయి. 

 

 కొన్నిమూఢాచారాల వల్ల ఎందరో ఇబ్బందులుపడ్దారు.   ఏ కర్మల ఫలితమో కానీ,  కారణాలేమైనా భారతదేశం చాలా సంవత్సరాలు  విదేశీదాడుల వల్ల బాధలు పడింది.

 అయితే, అనేకమంది పుణ్యాత్ముల ధర్మనిరతి వల్ల, పూజలు.. దైవం దయవల్ల అనేకదాడుల తరువాత కూడా భారతదేశం  ఇంకా నిలబడింది. ఇప్పుడు కూడా సమస్యలు ఉన్నాయి. ఇప్పటికైనా  మనం  కొన్ని విషయాలలో  సరిదిద్దుకుంటే మంచిది.

సనాతనధర్మంలో చక్కటి జీవన విధానాన్ని తెలియజేసారు. చతురాశ్రమ ధర్మాలను, ఇంకా ఎన్నో గొప్ప విషయాల గురించి తెలియజేసారు. అయితే, కాలక్రమేణా  గ్రంధాలలో ఎన్నో ప్రక్షిప్తాలు ప్రవేశించాయి. అందువల్ల, మూఢత్వంతో కాకుండా విచక్షణతో,  ఆలోచించి నిర్ణయాలను తీసుకోవాలి.

వ్రాసిన విషయాలలో ఏమైనా పొరపాట్లు ఉంటే ,  దయచేసి క్షమించమని దైవాన్ని ప్రార్దిస్తున్నాను.

........................

కొంతకాలం క్రితం వరకూ నాకు తెలిసినంతలో శూద్రులు కొన్ని వర్గాల వారు దైవాన్ని సులభంగా కొన్ని నియమాలతో హాయిగా ఆరాధించుకునేవారు.  ఇప్పుడేమో సోషల్మీడియా ద్వారా చాలా వింటుంటే.. చాలా సందేహాలు కలుగుతున్నాయి.

 

కొన్ని వర్గాలవారు(udaa..శూద్రులు) బోలెడు పూజలు చేయకున్నా, కొన్ని పూజలు చేసుకుని  స్వధర్మాన్ని చక్కగా ఆచరిస్తే చాలు బోలెడు పూజలు చేసిన ఫలితం వస్తుందని ప్రాచీనులు తెలియజేసారు.

అయితే కొందరు శూద్రులు మేమెందుకు బోలెడు పూజలు చేయకూడదంటూ అవన్నీ మొదలుపెట్టారు.  ఇక ఎందుకొచ్చిన గొడవ అని,   అన్ని వర్గాలవారు అన్ని పూజలు చేయవచ్చంటూ కొందరు బ్రాహ్మణులు చెబుతుండవచ్చు. 

   సులభమైన వెసులుబాటు ఉండగా , కఠినమైన మార్గాలు పట్టుకోవటం ఎందుకు?  కలికాలంలో దైవనామస్మరణ చేసినా తరించవచ్చని ప్రాచీనులు చెప్పినఫ్పుడు వారి మాటల పట్ల నమ్మకం ఉండాలి కదా.. దైవస్మరణ..దైవనామ స్మరణ ఎంతో గొప్పదని నమ్మకం ఉంచాలికదా..

 

అవన్నీ వద్దని కఠినమైన శ్లోకాలు, మంత్రాలు పట్టుకుని అవే చదవాలని తాపత్రయం ఎందుకు? సులభమైన మార్గాలను వదిలి కఠినమైన మార్గాలు కావాలని కష్టాలు పడటం ఎందుకు?

సంస్కృతంలో ఒక్క అక్షరం తప్పు చదివినా అర్ధాలు మారిపోయి, వేరే అర్ధం వచ్చే పరిస్థితి ఉంటుందట. అలా వచ్చీరాక చదివి కష్టాలు కొని తెచ్చుకోవటం ఎందుకు? హాయిగా దైవస్మరణ, దైవనామస్మరణ, భజనలు, భక్తిగీతాలు తో తరించవచ్చు కదా.

 బ్రాహ్మణులు కొందరు కొన్ని సంవత్సరాలు కఠినమైన నియమాలను పాటిస్తూ వేదములు మొదలైన వాటిని నేర్చుకుంటారు. ప్రత్యేకమైన పూజలు చేయించుకోవాలంటే, అలాంటి వారిని పిలచి పూజలు చేయించుకోవచ్చు. 

 

 అంతేకానీ,  రకరకాల పూజలలో పొరపాట్లు చేసి కష్టాలు తెచ్చుకోకుంటే మంచిది.

 

**********

 దళితులను అణచివేసారని, అందువల్లే వారు మతాన్ని మారుతున్నారని కొందరు అంటున్నారు. మరి అగ్రవర్ణాలుగా చెప్పబడేవారిలో కూడా కొందరు ఎందుకు మతాన్ని మారుతున్నారు? ఇలా  ఎందుకు జరుగుతోందని అందరూ ఆలోచించాలి. ఇందుకు అనేక కారణాలుంటాయి.

 ఒక కారణం ఏమిటంటే, హిందువులకు ఆచారవ్యవహారాల పేరుతో అనేక నియమాలు ఎక్కువయ్యాయి. వందలనియమాలు చెబుతారు. శుక్ర, మంగళవారాల్లో  గోళ్ళు తియ్యకూడదు, బూజు దులపకూడదు, ఇంకా  ప్రతిదానికి ఎన్నో నియమాలు చెబుతారు. 

 

మన పరిసరాలు శుచిగా.. శుభ్రంగా ఉంచుకోవాలని చెప్పాలి. రోడ్లకు ఇరువైపులా చక్కగా మొక్కలను, చెట్లను పెంచాలి.ఇప్పుడు  మన డేశంలో చాలామంది జనం చెత్తను ఎక్కడపడితే అక్కడ పడేస్తున్నారు. ఎక్కడపడితే అక్కడ ఉమ్మి వేస్తున్నారు. చాలా చోట్ల వీధులు(రోడ్లు) మురికిగా అసహ్యంగా ఉన్నాయి. ప్రజలు శుచి..శుభ్రతను పాటించాలి. శుచి..శుభ్రత ఉన్న చోట లక్ష్మిదేవి నివాసం ఉంటారని గ్రంధాల ద్వారా తెలుస్తోంది.

 

 స్థానికంగా ఉన్న పండుగలతో పాటు, ఇతర రాష్ట్రాల పండుగల గురించి కూడా చెబుతున్నారు. స్థానికంగా ఉండేవాటిని సరిగ్గా పాటించటమే గొప్ప, ఇక చాలా పాటించాలంటే?

 

ఈ రోజుల్లో పండుగంటే.. ఇల్లు శుభ్రం చేసుకోవటం,  పూజకు అవసరమైనవి తెచ్చుకుని సర్దుకోవటం, అశుచి లేకుండా జాగ్రత్తగా వంటలు చేయటం, అంటుముట్టు వస్తుందో? అని భయపడటం, తప్పుల్లేకుండా విధివిధానాలు పాటించటం గురించి టెన్షన్ పడటం, ఫలానా సమయానికి ముందు లేక తరువాత పూజ చేసేయటం ( అలా చేయలేకపోతే సరైన  ఫలితం వస్తుందో రాదో?) ఇలా ఉంటుంది.  ఇక, చక్కగా దైవస్మరణ ఏముంటుంది? ఇంకా చాలా విషయాలున్నాయి.అవన్నీ వ్రాయలేదు.

 

టెన్షన్ వల్ల కొన్నిసార్లు వంటల్లో ఉప్పు వేశామో..లేదో? గుర్తుండదు. దైవానికి నివేదన చేసే వాటిని ముందు రుచి చూడకూడదంటారు. దైవానికి నివేదించేటప్పుడు కొంత ఉప్పును చిన్న బౌల్ లో వేసి పక్కన పెట్టవచ్చు. ఇది చదివి, అలా ఉప్పు పక్కన పెట్టకూడదని ఎవరైనా చెబుతారేమో?  గారెలు వంటి వాటి విషయంలో ఉప్పు కలుపకపోతే ఏం చేయలేం. పండుగలు లేనప్పుడే పని తగ్గి, కొంత ప్రశాంతంగా దైవస్మరణకు వీలుంటుంది ..అనిపిస్తుంది.

 

భక్తిఉన్నాకూడా, చాలా విషయాలు ఆచరించాలంటే అందరూ చేయలేరు.  పండుగల్లో తప్పులు రాకుండా పనులు చేయటం గురించి టెన్షన్ ఉంటుంది.

 అందరూ అన్నీ పాటించలేరు. ఎవరి శక్తి వారిది. కలికాలంలో చాలామందికి శారీరికంగా, మానసికంగా ఎక్కువశక్తి ఉండదని గ్రహించి, దైవస్మరణ.. దైవనామస్మరణ..చేసినాకూడా తరించుతారని ప్రాచీనులే తెలియజేసారు.

పూజల గురించి చెప్పవచ్చు. ఎవరి శక్తిని బట్టి వారు పాటిస్తారు. బ్రాహ్మణులులా శూద్రులు కూడా పాటించాలని లేదు కదా..

శూద్రులు కూడా ఉల్లి, వెల్లుల్లి తినకూడదన్నట్లు చెబుతున్నారు. ఇలాంటప్పుడు ఇళ్లలో గొడవలు వస్తాయి.  క్షత్రియులు మాంసాహారాన్ని తినొచ్చని తింటున్నారు. క్షత్రియులు కూడా ..గాయత్రిని ఆచరిస్తారు.  గాయత్రిని ఆచరించేవారు మాంసాహారాన్ని తినొచ్చా? మరి,   శూద్రులు ఉల్లివెల్లుల్లి తినకూడదా? 

 

శూద్రులకు అవి పాటించండి, ఇవి పాటించండి అని చెప్పటం ఎలాఉన్నా,  అగ్రవర్ణాల వారు గాయత్రిని ముప్పొద్దులా చక్కగా ఆచరించాలని చెప్పాలి.

 ...........................

 

 ఈ రోజుల్లో  సాంప్రదాయ కుటుంబాలకు చెందిన వారు కొందరు విదేశాలకు వెళ్తున్నారు, అలాంటి కుటుంబానికి చెందిన  వారు మద్యాన్ని తీసుకోవటం గురించి విన్నాను....ఇలాంటి పరిస్థితి బాధాకరం. 

 

భారతదేశంలో కూడా,  సాంప్రదాయ కుటుంబాలకు చెందిన కొందరు మద్యాన్ని, మాంసాహారాన్నితీసుకోవటం గురించి విన్నాను....ఇలాంటి పరిస్థితి బాధాకరం. 

   .......................

ఈ రోజుల్లో కొందరు బ్రాహ్మణ అమ్మాయిలు పురోహితులుగా  ఉన్న అబ్బాయిలను వివాహం చేసుకోవటానికి ఇష్టపడటం లేదని అంటున్నారు.చాలా ఆచారవ్యవహారాలను పాటించలేం అంటున్నారట. 

 

కొందరు ఇతరకులాల అమ్మాయిలు కూడా వ్యవసాయం చేసే అబ్బాయిలను వివాహం చేసుకోవటానికి ఇష్టపడటం లేదట. సిటీలో ఉండి ఉద్యోగం చేసేవాళ్ళనే చేసుకుంటారట.

........................ 

 విధివిధానాలంటూ అతిగా పెంచుతుంటే ఎవరికైనా విసుగు వస్తుంది. కలికాలంలో వందల విధానాలు పాటించలేక పెద్దవాళ్ళకు కూడా ఇబ్బందిగా ఉంది.  పిల్లల వివాహాలు చేయాలంటే, జాతకాలు కలవాలంటే బోలెడు చూడాలి. అలా కొన్నిసార్లు నచ్చిన సంబంధాలు కూడా వదులుకోవలసి వస్తుంది. గ్రంధాలలో తరతరాలుగా కొన్ని ప్రక్షిప్తాలు చేసారు. అందువల్ల ఆలోచించి పాటించాలి.

 

వ్యవసాయం చేసేవారు రసాయనాలు వాడకుండా, ఆవులను పెంచి పేడతో సేంద్రియ ఎరువులను వాడాలి. రసాయనాల పంటలను తినే ప్రజలకు అనారోగ్యం వచ్చే ప్రమాదముంది. రైతులకు దళారుల వల్ల ఇబ్బందులుంటే రైతులు అందరూ కలసి, తమ సమస్యల గురించి ప్రభుత్వంతో మాట్లాడాలి. ఇదంతా తేలిక కాదుకాని, ఐకమత్యంగా ఉంటే చాలా లాభాలున్నాయి.

 

ఐటీ రంగాల వారికి బోలెడు డబ్బు వస్తూ జీవితం గొప్పగా కనిపించినా, వారి సమస్యలు వారికున్నాయి. చాలా గంటలు కంప్యూటర్ ముందు కీబోర్డు నొక్కుతూ పనిచేయటం వల్ల చాలా అనారోగ్య సమస్యలు వచ్చే ప్రమాదముంది. వాళ్లకు ఎప్పుడు ఉద్యోగం పోతుందో? అనే పరిస్థితి కూడా ఉంది.

 ఈ రోజుల్లో చాలా ఉద్యోగాల్లో కూడా కంప్యూటర్లు వాడుతున్నారు. చాలామంది  సెల్ఫోన్లను
అదేపనిగా వాడుతూ జబ్బులు తెచ్చుకుంటున్నారు.

 ..............................

 

ఈ రోజుల్లో కొందరు అగ్రకులాల వాళ్ళు కూడా వేరే మతాల్లోకి మారిన  వారున్నారు.  కేరళలో కొందరు బ్రాహ్మణులు మతం మారారట. చెన్నైలో ఉన్నప్పుడు మా ఇంటికి దగ్గరలో ఉన్న  ఒక బ్రాహ్మణ కుటుంబం ఇతరమతంలోకి వెళ్ళటం గురించి ఇంతకుముందు ఒక పోస్టులో వ్రాసాను. 

నాకు ఏమనిపిస్తోందంటే, సాంప్రదాయ ఆచారవ్యవహారాలను పాటించే పద్ధతులున్న కుటుంబాల్లోని వారికే కొందరికి పాతకాలంలా ఆచరించలేనప్పుడు, కఠిన ఆచారవ్యవహారాలను పాటించమని చెప్పని శూద్రులను కూడా అవన్నీ పాటించాలన్నట్లు కొందరు చెబుతుంటే,   అవన్నీ పాటించలేక,  పాటించకుంటే ఏం కష్టాలు వస్తాయో? అని భయంతో కొందరికి మతాన్ని వదిలేయాలనిపించవచ్చు.

  

  ప్రజల బాగుకోసం ఎన్నో ఆచారవ్యవహారాలను ప్రాచీనులు తెలియజేసారు. కాలక్రమేణా అతి పెరిగింది.   ఇవన్నీ పాటించలేక  కొందరు బ్రాహ్మణులే మతాన్ని వీడుతుంటే ఇప్పటికైనా జాగ్రత్త తీసుకోవాలి. 

 

కాలాన్ని బట్టి కొంత సరళంగా ఉండాలి. అంతే కానీ,  అందరూ అన్నీ కఠినంగా పాటించితీరాలని చెప్పే వారి వల్ల హిందువులకు నష్టం తప్ప లాభం ఉండదు. అస్తమానమూ అతిగా చెబుతూ ప్రజలను భయపెట్టే వారికి ప్రజల ఉసురు తగిలే అవకాశమూ లేకపోలేదు.

 దైవము అందరికీ అవసరమే. అయితే, వందల నియమాలను పాటించలేక, పాటించకుంటే ఏం కష్టాలు వస్తాయో? అని భయంతో ఉన్నవాళ్లకు, ఎవరైనా సరళంగా దైవాన్ని ప్రార్ధించుకోవచ్చంటే అటువైపు వెళ్లాలనిపించవచ్చు.

అందువల్ల, కాలాన్ని బట్టి విధానాలను కొంత సరళం చేసుకుంటే, వేరేవైపు వెళ్లటం కొంత తగ్గుతుందేమో.. అనిపిస్తుంది. ధర్మాన్ని తప్పకూడదు. విధానాలను కొంత సరళం చేసుకోవటం అంతే. 

 ......................

 

భారతదేశంలో పరాయిమతాలు వేగంగా  విస్తరించే పరిస్థితి ఉంది.  స్థానికులు మతాన్ని మారి, హిందువులకు వ్యతిరేకంగా ప్రవర్తించేలా పరిస్థితి ఉంది. హిందువులు మాత్రం ఇవన్నీ పట్టించుకోకుండా నింపాదిగా, ఇంట్లో టీవి ఏ దిక్కున పెడితే కోరికలు తీరతాయి..వంటివి ఆలోచిస్తూ భయపడుతూ సందేహాలతో సతమతమవుతూ  బ్రతుకుతున్నారు.
 

 ఈ రోజుల్లో గ్రామాల్లోకి కూడా వచ్చి పెద్ద ఎత్తున మతమార్పిడులకు ప్రయత్నాలు జరుగుతున్నాయి. అగ్రవర్ణాల వారే మతాన్ని మారుతున్నప్పుడు ఇతరకులాలవారు  మారటంలో ఆశ్చర్యం లేదు. ఇలాంటప్పుడు ఆచారవ్యవహారాలను మరింతగా చెబుతూ గట్టిగాపాటించాలని చెబితే, విసుగుతో మతాన్ని మారేవాళ్లసంఖ్య పెరిగే పరిస్థితి రావచ్చని ఆందోళనతో వ్రాసాను.

ఇప్పటి పరిస్థితిలో హిందువుల సంఖ్య తగ్గిపోకుండా చర్యలు తీసుకోవటం ఎంతో ముఖ్యం.

 ...............................

 

కరోనా సమయంలో ఏదిపడితే అది అంటుకోకూడదు, ముట్టుకోకూడదు, అదేపనిగా కడగటం, తుడవటం, ఏం చేస్తే ఏమవుతుందో?  అనే భయం..వీటివల్ల కొందరికి మానసిక సమస్యలు కూడా వచ్చాయట. కొంతకాలం అలా పాటిస్తేనే జనం గందరగోళం అయ్యారు. ఇక జీవితమంతా ఎన్నో పాటించాలంటే కష్టమే. 

 ఎవరిపని వారు చేయకుండా  నిర్లిప్తంగా ఉంటే, దేశం పరాయి వాళ్ళ ఆక్రమణలోకి వెళ్లే ప్రమాదముంది. సమాజం సవ్యంగా సాగాలంటే ఎవరిపని వారు చక్కగా చేయాలి. ప్రాచీనులు చతురాశ్రమాల గురించి తెలియజేసారు. చక్కగా పాటించి దైవకృపను పొందాలి.

   ...........................

 

బోలెడు పూజలు చేయకపోయినా, దైవస్మరణ చేసుకుంటూ, చేతనైనంతలో పశుపక్ష్యాదులకు హానికలగకుండా జీవించటం, ఇతరులకు హాని చేయకుండా జీవించటం, కష్టాలలో ఉన్న జీవులకు చేతనైనంతలో సాయం చేయటం..వంటివి పాటిస్తే దైవకృపను పొందగలరు.

oka link...

 

 కష్టాలు తీరటం..

 

  link..కొన్ని విషయాలు...అనేక సందేహాలతో, అనేక నియమాలతో ..

 

గంటలతరబడి స్పీడ్ గా వ్రేళ్ళతో పనిచేయటం అనేది...

ఈ రోజుల్లో ఇంటర్ నెట్ , సెల్ఫోన్..వంటివి ఎంతో అవసరంగా  మార్చుకున్నాం. 

అయితే అస్తమాను నెట్ వద్ద కూర్చుని కర్సర్ ను వేళ్ళతో కదిలించటం,  సెల్ఫోన్లో  మెసేజ్ కొరకు వేళ్లను వాడటం వల్ల  వ్యాధులు వచ్చే అవకాశముందని అనిపిస్తుంది . 


 గంటలతరబడి స్పీడ్ గా వ్రేళ్ళతో పనిచేయటం అనేది కొన్ని సంవత్సరాలు కొనసాగితే నరాల వ్యాధులు వచ్చే అవకాశాలున్నాయి.


 ఉద్యోగరీత్యా ఇలా పనిచేయటం తప్పనిసరి అయినవాళ్లు  నరాలు బలంగా ఉండటానికి ఆహారం, మందులు తీసుకోవాలి. 


. ఈ రోజుల్లో  చాలామంది మెడనొప్పి, తలనొప్పి, చేతులు, భుజాలు నొప్పి, కళ్ళ సమస్యలు, నడుము నొప్పి.. వంటి వ్యాధులతో బాధపడుతున్నారు. 


ఇంటర్నెట్, వంటి వస్తువులు వచ్చాక ఇంట్లో, ఆఫీసుల్లో .. రేడియేషన్  కూడా   పెరిగింది. 


 ఐటీ రంగం మాత్రమే కాకుండా బ్యాంకింగ్ వంటి ఎన్నో రంగాల వారికి ఇంటెర్నెట్ తప్పనిసరి అయింది. 


ఇక సెల్ఫోన్ సంగతి చెప్పనక్కరలేదు. పిల్లలు, పెద్దలు కొంత సమయం ఖాళీ దొరికినా సెల్ ఫో న్ తో గడుపుతున్నారు. 


ఈ సామాగ్రి అతిగా వాడటం  కూడా ఈ రోజుల్లో  వ్యాధులు   పెరగడానికి కారణం కావచ్చు. 

ఆరోగ్యం పాడవకుండా ముందే కొన్ని జాగ్రత్తలు తీసుకుంటే మంచిది......

పాతకాలంలో స్త్రీలు వంట చేసేటప్పుడు  క్రింద కూర్చుని  వంటచేసేవారు. పొయ్యిగట్టు  క్రింద ఉండేది. గట్టు  చుట్టూ వంటకు  అవసరమైన  వస్తువులు ఉండేవి.

ఈ రోజుల్లో కొందరు  క్రింద  కూర్చో లేకపోతున్నారు. దైవం దయవల్ల నాకు ఆ సమస్య లేదు. 

ఈ రోజుల్లో పొయ్యిగట్టు  ఎత్తుగా ఉంటోంది. ఎన్ని గంటలైనా నిలబడే వంట చేయవలసి వస్తుంది. ఇందువల్ల    చాలామంది  స్త్రీలు  కాళ్ళనొప్పులతో   బాధపడుతున్నారు.

పొయ్యిగట్టు   క్రింద కాకుండా, ఎత్తుగా కాకుండా మధ్యస్తంగా ఉంటే బాగుంటుంది. 

ఉదా..  ఈ   టీవిలో..  అమ్మ చేతి వంట … వంటి  ప్రొగ్రాం లో పొయ్యిగట్టు  ఉండే విధానం  బా గుంది. కుర్చీ  వేసుకుని  కూర్చుని  వంట చేయవచ్చు. 

*********************
ఇస్త్రీ చేసేవాళ్ళు గంటల తరబడి నిలబడి ఇస్త్రీ చేస్తుంటారు.

 అలా కాకుండా  వెడల్పు బల్ల ముందు క్రింద కూర్చుని   ఇస్త్రీ   చేసే విధంగా ఏర్పాటు చేసుకుంటే  కాళ్ళు నొప్పులు ఉండవు.
**************

రోడ్డుప్రక్కన పండ్లు, ఫలహారాలు అమ్మేవారు కూడా గంటల తరబడి  ఎండలో నిలబడి వ్యాపారం చేస్తుంటారు.  

ఎండ  తగలకుండా గొడుగు కానీ,   టోపీ కానీ , తుండుకానీ   వేసుకుని  ఎండ తగలకుండా చూసుకోవాలి. వీటికి పెద్ద ఖర్చేమీ అవదు.

గంటలతరబడి నిలబడటం కాకుండా,   ఒక కుర్చీ  వేసుకుని   అప్పుడప్పుడైనా కూర్చోవాలి.

స్టూల్ పైన కూర్చుంటే పొరపాటున పడిపోయే అవకాశం ఉంది. కుర్చీలో కూర్చోవటమే మంచిది. 

****************
  వేసవిలో మిట్టమధ్యాహ్నం  మండుటెండలో తలపై ఏ ఆచ్చాదన లేకుండా బయటకు వెళ్తుంటారు కొందరు. 

పని హడావిడి వల్ల కావచ్చు, ఏమవుతుందిలే అనే అశ్రద్ధ వల్ల కావచ్చు, కొందరు జాగ్రత్తలు తీసుకోరు.  

ఎండాకాలంలో బయట తిరిగేవారు తలకు, చెవులకు వస్త్రం కట్టుకుంటే మంచిది.

    **************
ఎక్కువ సమయం నిలబడే వారికి .. వెరికోస్ వెయిన్స్ అనే వ్యాధి వచ్చే అవకాశముంటుందని అంటున్నారు. 

అలా అని అస్తమాను కూర్చుని ఉద్యోగాలు చేసేవారికి కూడా సమస్యలు వచ్చే అవకాశముందంటున్నారు.
************

  ఇక,   స్కూల్ పిల్లలను    క్లాస్ రూములో   కుర్చీలో   గంటల తరబడి   కూర్చోబెట్టి,   ఒక క్లాస్ తరువాత వెంటనే మరొక  క్లాస్     చెప్పడం కాకుండా, 

ఒక క్లాసుకు మరొక క్లాసుకు పది నిముషాలు గాప్ ఇస్తే,   పిల్లలు  కొంత సేద తీరుతారు . 

బాత్రూం  కు  వెళ్లడానికి కూడా అనువుగా ఉంటుంది. 

ప్రొద్దున్ననగా  ఇంటి  నుండి   బయలుదేరిన పిల్లలకు   క్లాసుల మధ్యలో కొంత విరామం ఇవ్వాలి.

.......................

 
టాయ్లెట్స్ కడిగేటప్పుడు ఘాటైన రసాయనాల ఘాటు కళ్లలోకి వెళ్ళకుండా జాగ్రత్త తీసుకోవాలి. అలాంటప్పుడు కళ్ళజోడు పెట్టుకోవాలి. కళ్లుబాగా కవరయ్యేలాంటి కళ్లజోడు తయారు చేస్తే బాగుంటుంది. 

......................

వంట చేసేటప్పుడు వెంట్రుకలు క్రింద పడకుండా కాప్ పెట్టుకుంటారు. ప్లాస్టిక్ కాప్ వల్ల తల వేడెక్కి చెమట వస్తుంది.  ప్లాస్టిక్ కాప్ బదులు పల్చటి స్కార్ఫ్ తలకు కట్టుకోవచ్చు. తలపైనుంచి కప్పుకుని మెడ క్రింద ఒకముడి వేసుకోవచ్చు. 

 

ముడి గట్టిగా వేయకుండా తేలికగా తీసేలా ఒక్క ముడి వేస్తే మంచిది. వెంట్రుకలు పడవు, తల వేడెక్కదు, చెమట వచ్చినా క్లాథ్ పీలుస్తుంది. 

**************
ఇవన్నీ చిన్నచిన్న ఏర్పాట్లే.   తరువాత అనారోగ్యం   వచ్చి  బాధపడేకన్నా ,  ముందే   కొన్ని   జాగ్రత్తలు   తీసుకుంటే మంచిది.

కొన్ని విషయాలు...అనేక సందేహాలతో, అనేక నియమాలతో ..

 

ప్రాచీనులు  ఎన్నో ఆచారవ్యవహారాలు, నియమాలను ఏర్పరిచారు. వీటిలో ఎన్నో మంచివిషయాలున్నాయి.  అయితే,  క్రమంగా కొన్నిమూఢనమ్మకాలు ప్రవేశించాయి. ఇప్పుడు అన్నీ కలిసి బోలెడు అయ్యాయి.

ప్రస్తుతం పరిస్థితి ఎలా ఉందంటే, దైవభక్తి, ధర్మబద్ధంగా జీవించటం..వంటి విషయాల గురించి ఆలోచించటం కన్నా, ఇతరవిషయాల గురించి ఎక్కువ ఆలోచిస్తున్నారు.

  

భక్తి, జ్ఞానం గురించి ఎలా ఉన్నా,  అనేక  సందేహాల గురించి ఆలోచనలతోనే ఎక్కువ సమయం గడిచిపోతుంది. పూజకన్నా, పూజా విధానాన్ని సరిగ్గా ఆచరిస్తున్నామా లేదా? అనే సందేహాలతోనే సమయం గడిచిపోతుంది.

దైవము మెచ్చేలా ఎలా ప్రవర్తించాలి? ధర్మబద్ధంగా ఎలా జీవించాలి? దైవకృపను ఎలా పొందాలి? ఇలాంటి వాటిగురించి ఎక్కువగా ప్రజలకు చెప్పాలి..ప్రజలు కూడా వీటి గురించి ఎక్కువ ఆలోచించాలి.

జీవితంలో నియమాలు, ఆచారవ్యవహారాలు తప్పక  ఉండాలి. అయితే, అతి పెరిగితే మంచిది కాదు. ఆహారం అయినా అతిగా తింటే ఆరోగ్యానికి మంచిదికాదు. ఏది ఎంతలో ఉండాలో అంతలో ఉండాలి. ఆచారవ్యవహారాలను పద్ధతిగా పాటించాలి. అయితే, కొందరు ఆచారవ్యవహారాలను మూఢనమ్మకాలతో పాటిస్తారు. అలాంటివారికి చెప్పేదేమిటంటే, ఏ విషయంలోనైనా విపరీతధోరణి సరైనది కాదు.

 

 
ప్రతిదానినీ పెంచుకుంటూ ..ప్రతిదానికీ సవాలక్ష నియమాలు చెబుతూ వాటిని పాటించకపోతే కష్టాలొస్తాయని భయపెడుతుంటే.. భయపడి అన్నింటినీ పాటించలేక ఎందరో హిందువులు దిక్కుతోచని పరిస్థితిలో ఉన్నారు. 

 

 

ఇలాంటప్పుడు తేలికగా దైవాన్ని ప్రార్ధించుకునే విధానాల గురించి ఎవరైనా చెబితే అటువైపు మనస్సు వెళ్ళటం సహజం. జనాలు ఈ గోలలో ఉంటే ఇతరులు తమపనితాము కానిచ్చుకుంటున్నారు.ఇంత జరుగుతున్నా కూడా ప్రజల బాధ పట్టించుకోని కొందరు తమకు తోచినట్లు తాము చెపుతూనే ఉన్నారు.

 

 ఇహానికి, పరానికి మంచిగా ఉండేలా ప్రాచీనులు ఎన్నో విషయాలను తెలియజేసారు. అయితే ఇప్పుడు   అనేక సందేహాలతో, అనేక నియమాలతో దైవపూజనూ సరిగ్గా చేయలేకపోతున్నారు. అనేక సందేహాలతో, అనేక నియమాలతో అయోమయంతో స్వధర్మాన్ని కూడా సరిగ్గా నిర్వర్తించలేకపోతున్నారు.

 

 

ఈ విధంగా  ఇహానికి, పరానికి కూడా  సరిగ్గా   ప్రయత్నించలేకపోతున్నారు. కొందరు వారు భయపడుతూ అందరినీ భయపెట్టడానికి ప్రయత్నిస్తున్నారు.

మూఢనమ్మకాలను వదిలిపెట్టకుండా, పట్టువిడుపులు లేకుండా ఉన్నప్పుడు, మతం మారిపోతున్నారంటూ ఎంత గగ్గోలు పెట్టినా ఫలితం ఉండదు. మనమూ మన విధానాలను కొంత సరళం చేసుకోవాలి.


 రోజూ నిత్యపూజ చేసుకుంటూ  ధర్మబద్ధంగా జీవిస్తూ దైవాన్నిస్మరించుకుంటూ చక్కగా ఉండవచ్చు.  

 చక్కగా దైవభక్తి, ధర్మబద్ధమైన జీవితం, నిత్యపూజ, కొన్ని పండుగలు,  దేవాలయాలకు వెళ్లటం..ఇలా తేలికైన మార్గాన్ని వదిలి, ఏవేవో నమ్మకాలతో తాము సతమతమవుతూ, అందరినీ అయోమయం చేయటం ఏమిటో? అన్నింటికీ దైవమే దిక్కు.

.......................

ఒక సాధువు ఒక చెరువు లో స్నానానికి వెళ్ళదలచి, తన కమండలాన్ని  గట్టున ఇసుకలో దాచి, గుర్తుగా పైన ఇసుకతో గోపురంలా చేసి స్నానానికి వెళ్తారు. ఇదంతా దూరం నుంచి గమనిస్తున్న ఒక వ్యక్తి విషయం తెలియక, సాధువు చేసినట్లు తనుకూడా ఇసుకతో గోపురాన్ని నిర్మిస్తే తనకు మంచి జరుగుతుంది కాబోలు అని భావించి , తాను కూడా గోపురాన్ని నిర్మిస్తారు. అదిచూసిన మరికొందరు తాముకూడా ఇసుకతో  గోపురాలను చేస్తారు.... సాధువు స్నానం చేసి వచ్చి కమండలం కొరకు చూడగా ఎన్నో ఇసుకగోపురాలు కనిపించి అయోమయం అవుతారు. 

 

 

ఈ కధను గమనిస్తే సమాజంలో కొన్ని ఆచారవ్యవహారాలు, నమ్మకాలు ఇలా తెలిసితెలియక కూడా వచ్చి ఉండవచ్చనిపిస్తుంది. ఎన్నో మంచి విషయాలతో ప్రాచీనులు ఆచారవ్యవహారాలను ఏర్పరిచారు. అయితే కాలక్రమేణా కొన్ని మార్పులుచేర్పులతో ఎన్నో కొత్తవి కూడా వచ్చిఉండవచ్చు.

విష్ణుమూర్తి యొక్క గొప్ప భక్తుల గురించి ఒకసారి నారదుల వారికి తెలుసుకోవాలనిపించిందట. విష్ణుమూర్తి వారు ఒక రైతును చూపించి, అతను కూడా తనయొక్క గొప్ప భక్తులలోని వారని చెప్పటం జరిగిందట. ఆ రైతు దైవభక్తుడు.. అయితే, పెద్దగా పూజలు చేయని ఆ రైతు గొప్ప భక్తుడు ఎలా అవుతాడని నారదుల వారికి సందేహం రాగా, విష్ణుమూర్తి ఒక పరీక్ష పెడతారు......

 

 

 

 ఒక గిన్నెనిండా తైలమును పోసి ..ఒక్క చుక్కైనా ఒలకకుండా ప్రదక్షిణ చేసి రమ్మనగా.. వచ్చిన తరువాత ఎన్నిమార్లు దైవస్మరణ జరిగిందని అడిగితే, నూనె ఒలకకూడదనే గాభరాలో తాను ఒక్కసారి కూడా స్మరించలేకపోయానని నారదులవారు చెపుతారట. ఈ కధ ద్వారా చాలా విషయములు తెలుసుకోవచ్చు. గొప్ప సాధనలు చేయలేకపోయినా, సామాన్య భక్తులు కూడా దైవకృపకు పాత్రులవచ్చని కూడా తెలుసుకోవచ్చు.

ఆడంబరాలు లేకున్నా కూడా  మనస్సులో ప్రేమభక్తితో దైవాన్ని స్మరించుకున్నా కూడా దైవకృపను పొందవచ్చు.

ఈ రోజుల్లో చాలామంది పూజ కన్నా పూజా విధానాల గురించి ఎక్కువ తాపత్రయపడటం, భయపడటం జరుగుతోంది. సమాజం సరిగ్గా ఉండాలంటే దైవభక్తిని కలిగి ఉండాలి. ఇంకా, నైతికవిలువలు కలిగి, ఎవరి పనిని వారు సరిగ్గా నిర్వర్తించాలి. అప్పుడు దైవకృపను పొందవచ్చు. అంతేకానీ, దైవంపట్ల ధ్యాస సరిగ్గా లేకుండా..స్వధర్మాన్ని సరిగ్గా పాటించకుండా..మూఢత్వంతో ప్రవర్తించటం సరైనది కాదు.

వ్రాసిన విషయాలలో ఏమైనా పొరపాట్లు ఉంటే ,  దయచేసి క్షమించమని దైవాన్ని ప్రార్దిస్తున్నాను.