koodali

Monday, August 6, 2018

దుర్గాడలో సర్పం..


దుర్గాడలో సర్పం మరణించటం ఎంతో బాధాకరం. 

ఆ సర్పం అన్ని రోజులు అలా ఉండి  ఎవరినీ  కరవకపోవటం ఆశ్చర్యం.

కొందరు భక్తులు, సర్పం తమ వద్ద తిరుగుతున్నా భయపడకుండా కదలకుండా ఉండటం గొప్పవిషయమే..

అయితే, ఆ సర్పం  తన ఇష్టానికి  వెళ్ళడానికి  వీలులేకుండా చుట్టూ   జనం   గుమిగూడి  ఉన్నట్లు టీవీలో చూస్తున్నప్పుడు  అనిపించింది.


జనం అలా చుట్టూ నిల్చోటం కాకుండా సర్పానికి దారి ఇస్తే బాగుండేది .

రాత్రిసమయంలో సర్పం చుట్టూ ఎవరూ లేరు.. సర్పం ఎక్కడికన్నా వెళ్ళాలనుకుంటే వెళ్ళేది కదా.. అని కొందరు అన్నారు. 


(నిజంగా రాత్రి సమయంలో అక్కడ ఎవరూ లేరా ? లేక రాత్రి సమయంలో సర్పానికి  కొందరు జనం కాపలా ఉన్నారా ? లేదా ? అనేది తెలియదు.)


 మొత్తానికి  ఏం జరిగిందో ?  భగవంతునికి తెలియాలి.


సర్పాలు గుడ్లను కూడా  తింటాయంటారు.  ఆ సర్పానికి ఆహారంగా కోడిగ్రుడ్లను ఇస్తే బాగుండేది. 

( ఇచ్చారో? లేదో?  తెలియదు).

 ఒకరు   ఏమన్నారంటే,  ఆ సర్పం అలా  ఆహారం లేకుండా ఎండలో  తిరుగుతూ ఉంటే  చనిపోయే అవకాశం ఉంది కాబట్టి,   సర్పాన్ని తీసుకెళ్ళి  ఆహారం తినిపించాలి  అన్నారు.

 అలా తీసుకెళ్ళి రక్షణచర్యలు తీసుకుంటే సర్పం మరణించకుండా ఉండేదేమో? 

అలా తీసుకెళ్ళటానికి ప్రజలు ఒప్పుకున్నారో? లేదో?  తెలియదు . 

సర్పం మరణించటం మాత్రం బాధాకరం.

ఎంతో మంది ప్రజలు చుట్టూ ఉండి , టీవీల్లో చూస్తూ ఉండి కూడా సర్పాన్ని కాపాడలేక ...  ఆ మూగజీవి అలా అయిపోయింది. 

పుట్టల వద్ద,  పొలాల్లో తిరుగుతూ   కొన్ని సర్పాలు  అప్పుడప్పుడు ప్రజలకు కనిపిస్తాయని అంటారు.

ఈ సర్పం కూడా జీవించి ఉన్నట్లయితే,   ఆ పరిసరాల్లో తిరుగుతూ  అప్పుడప్పుడు ప్రజలకు కనిపిస్తూ ఉండేదనిపిస్తుంది.


No comments:

Post a Comment