ఓం..
విష్ణోః అష్టావింశతినామ స్తోత్రం..
శ్రీ భగవానువాచ:
మత్శ్యం కూర్మం వరాహంచ వామనంచ జనార్దనమ్
గోవిందం పుండరీకాక్షం మాధవం మధుసూదనమ్
పద్మనాభం సహస్రాక్షం వనమాలిం హలాయుధమ్
గోవర్ధనం హృషీకేశం వైకుంఠం పురుషోత్తమమ్
విశ్వరూపం వాసుదేవం రామం నారాయణం హరిమ్
దామోదరం శ్రీధరంచ వేదాంగం గరుడధ్వజమ్
అనంతం కృష్ణగోపాలం జపతోనాస్తి పాతకమ్
గవాం కోటిప్రదానస్య చాశ్వమేధ శతస్య చ.
లక్ష్మ్యష్టకం..
నమస్తేఽస్తు మహామాయే శ్రీపీఠే సురపూజితే
శంఖ చక్ర గదాహస్తే మహాలక్ష్మీ నమోఽస్తు తే.
నమస్తే గరుడారూఢే డోలాసురభయంకరి
సర్వపాపహరే దేవి మహాలక్ష్మి నమోస్తు తే
సర్వజ్ఞే సర్వవరదే సర్వదుష్ట భయంకరి
సర్వపాపహరే దేవి మహాలక్ష్మి నమోస్తు తే
సిద్ధిబుద్ధి ప్రదే దేవి భుక్తి ముక్తి ప్రదాయిని
మంత్రమూర్తే సదాదేవి మహాలక్ష్మి నమోఽస్తు తే.
ఆద్యంతరహితే దేవి ఆద్యశక్తే మహేశ్వరి
యోగజ్ఞే యోగ సంభూతే మహాలక్ష్మి నమోఽస్తు తే.
స్తూలసూక్ష్మే మహారౌద్రే మహాశక్తే మహోదరే
మహాపాపహరే దేవీ మహాలక్ష్మి నమోఽస్తు తే.
పద్మాసనస్థితే దేవి పరబ్రహ్మస్వరూపిణి
పరమేశి జగన్మాత ర్మహాలక్ష్మి నమోఽస్తు తే.
శ్వేతాంబరధరే దేవి నానాలంకారభూషితే
జగత్సితే జగన్మాత ర్మహాలక్ష్మి నమోఽస్తు తే.
మహాలక్ష్మ్యష్టకం స్తోత్రం యః పఠే ద్భక్తిమా న్నరః
సర్వసిద్ధి మవాప్నోతి రాజ్యం ప్రాప్నోతి సర్వదా.
ఏకకాలే పఠే న్నిత్యం మహాపాపవినాశనం
ద్వికాలం యః పఠేన్నిత్యం ధనధాన్యసమన్వితః
త్రికాలం యః పఠే న్నిత్యం మహాశత్రువినాశనం
మహాలక్ష్మీర్భవే న్నిత్యం ప్రసన్నా వరదా శుభా.
ఇతి ఇంద్రకృత మహాలక్ష్మ్యష్టక స్తవః
వ్రాసిన విషయములలో అచ్చుతప్పులు వంటివి ఉన్నచో దయచేసి క్షమించమని దైవాన్ని ప్రార్ధిస్తున్నాను.
No comments:
Post a Comment