వేదవతి...చాయాసీత...స్వర్గలక్ష్మి....ద్రౌపది.

ఓం.

శ్రీపాద శ్రీ వల్లభ సంపూర్ణచరితామృతము గ్రంధములో ........ సీతాదేవి గురించి, ద్రౌపదిదేవి గురించిన వివరములు ఉన్నాయి.

పరమాత్మాపరాశక్తులు వేరు కాదు . వారు ఒక్కరే. ఒకే మూలతత్వం. సృష్టి ఆదిలో ఆ మూలతత్వం తన్ను తాను రెండుగా విభజించుకోవటం జరుగుతుందట.


ఆ మూలశక్తి తన భావానికి అనుగుణంగా ఏ రూపాన్నయినా పొందటం జరుగుతుందట. ( అన్ని రూపాలూ ,అన్ని శక్తులూ వారే కాబట్టి. ) సగుణగానూ నిర్గుణగానూ ........ స్త్రీగానూ పురుషునిగానూ కూడా ఉండగలరట.

వారు బ్రహ్మ , విష్ణు , మహేశ్వరులను...సరస్వతీ , లక్ష్మీ, గౌరీ శక్తులను సృష్టించి వారికి సృష్టి యొక్క సృజన , పాలనా , సంహారక బాధ్యతలను అప్పగించారట. ఈ దేవీ దేవతామూర్తులు అనేక రూపాల్లో ఉంటారు.


ఉదాహరణకు........లక్ష్మీ దేవి పూర్ణావతారంగా వైకుంఠంలో విష్ణుమూర్తి వద్ద ఉంటుంది. లోకంలో అంశావతారాలుగానూ కళాంశావతారాలుగానూ ఉంటుంది. ఇంకా రాజ్యలక్ష్మిగానూ, గృహలక్ష్మిగానూ ఇత్యాది ఎన్నో రూపాల్లో ఉంటుంది.

శ్రీఅనఘాదేవీసమేతశ్రీదత్తాత్రేయుల వారు ......మూలతత్వానికి ప్రతీకలు. వారు పరాశక్తిపరమాత్మ స్వరూపులు.....శ్రీఅనఘాదేవీసమేతశ్రీదత్తాత్రేయుల వారిలో బ్రహ్మవిష్ణుమహేశ్వరులు...సరస్వతిలక్ష్మిగౌరి....శక్తులు ..... ఉన్నారు.

రామాయణంలో ..... సీతారాముల వనవాస కాలంలో ,...... అగ్నిదేవుడు చాయాసీతను సృష్టించినట్లుగా .... చాయాసీతనే రావణాసురుడు అపహరించినట్లు ..... గ్రంధములలో ఉన్నది.


శ్రీరాముడుసీతాదేవి కోరిక మీద బంగారు లేడి కొరకు వెళ్ళిన సమయంలో ......రావణాసురుడు ..... సీతమ్మను అపహరించటానికి వచ్చినప్పుడు ...... సీతాదేవి భయపడి కుటీరంలోపలి అగ్నిహోత్రం వద్దకు వెళ్ళగా ....... అప్పుడు అగ్నిహోత్రుడు ఛాయాసీతను సృష్టించటం ....రావణాసురుడు ఛాయాసీతను అపహరించటం జరిగిందని నేను ఒక దగ్గర చదివానండి.

నాకు ఏమనిపిస్తుందంటే ....వేదవతిగా ఉన్నప్పుడు , ఆమె తానే ..... రావణాసురుని నాశనం కొరకు మళ్ళీ జన్మిస్తానని చెప్పటం జరిగింది కదా ! అలాగే సీతాదేవిగా జన్మించింది.

ఇంకా, విష్ణుమూర్తికి కొంతకాలం భార్యా వియోగం అనుభవించాలని భృగు శాపం ఉంది కదా !

అయితే, వేదవతి ప్రతిజ్ఞ నెరవేరాలంటే .. రాముని భార్య అయిన సీతాదేవిని ( వేదవతిని ) రావణుడు అపహరించటం అనేది కాకుండా ..ఛాయాసీతను రావణాసురుడు అపహరించటం వల్ల .. ఆమె ప్రతిజ్ఞా నెరవేరుతుంది .... ఇంకా శ్రీరాముని భార్య అయిన సీతాదేవి అగ్నిదేవుని రక్షణలో ఉండటం ... ఇదంతా పద్ధతిగా సముచితంగా ఉంది.
 

అగ్ని పరీక్ష తరువాత అగ్నిదేవుడు అసలు సీతను రామునికి అప్పగించిన తరువాత ...... ఛాయాసీత తపస్సు చేసి స్వర్గ లక్ష్మి అయ్యిందట. .

తరువాత ఆమె ద్వాపర యుగంలో ద్రౌపదిగా జన్మించటం ...... పాండవ పత్నిగా అవటం జరిగిందట.స్వర్గలక్ష్మిదేవి అంశ అయిన ద్రౌపదిలో ..... పార్వతీదేవి అంశ ( దుర్గాదేవి ) కూడా ఉన్నదట.


పార్వతీ దేవి లోని రౌద్రాంశలోని కొంత భాగం ద్రౌపదీ దేవిలో ఉందనిపిస్తుంది. ( రౌద్రాంశ ఎందుకు అంటే.. ద్రౌపది ద్రుపదుడు పంతంతో చేసిన యాగం నుంచి ఆవిర్భవించింది అన్నది కూడా గమనించవలసిన విషయం. )

ఇంకో విషయం ఏమంటే........ విష్ణుమూర్తి మరియు పార్వతీ దేవి సోదరసోదరీలు. విష్ణుమూర్తి స్త్రీరూపం ధరిస్తే పార్వతీదేవీ అవుతారట.


విష్ణుమూర్తి యొక్క స్త్రీ రూపం పార్వతీ దేవి అన్నమాట. ( విష్ణుమాయ, విష్ణుదుర్గ అనే నామములు లోకంలో ప్రచారంలో ఉన్నాయి కదా ! . )


.మన దేశీయులు కొందరు ప్రాచీనగ్రంధాలలోని విషయాలను ఎగతాళి చేస్తారు. ద్రౌపదికి అయిదుగురు భర్తలట. కుంతికి ఆరుగురు కొడుకులట హి..హి..అంటూ ఎగతాళి చేస్తారు. ద్రౌపది అగ్నిగుండంలోనుంచీ జన్మించింది.కుంతీదేవి కూడా కారణజన్మురాలు. ఇలాంటి వారి గురించి ఎగతాళిగా మాట్లాడతారు.

వీటన్నింటి వెనుక ఎన్నో అంతరార్ధాలు ఉంటాయి. మనకు ఆ అంతరార్ధాలు గురించి తెలియదు. అయినా విమర్శించటం, ఇలాగే కాలం గడిచిపోతోంది. ఇదంతా మన దురదృష్టం.

విదేశీయులు కొందరు మన ప్రాచీన గ్రంధాలలోని విషయాలను మనకన్నా ఎంతో శ్రద్ధగా తెలుసుకుంటున్నారు.
Shiva and Durga - Stephen క్నాప్స్.Part 2 - Science and Vedic Knowledge, Hinduism....

...................

మహర్షి వ్యాఘ్రపాదుని కుమారుడైన ఉపమన్యువు తపస్సు చేయగా ....శివపార్వతులు .... ఇంద్రుడు శచీదేవిలా  వచ్చి ఉపమన్యువుని పరీక్షిస్తారట.
 ( శివుడు ఇంద్రునిలా పార్వతి శచీ దేవిలా ). అలా ఇంద్రునిలా వచ్చిన శివుణ్ణి సురేశ్వరా అంటారట..
...........

రాక్షసులు  ఎన్నో  మెలికలు  వేసి  దేవతల  వద్ద   నుంచి  వరాలను పొందిన  సందర్భాలలో .....వారు   పొందిన    వరాలకు  భంగం  కలుగకుండానే  ఎంతో  చాకచక్యంగా  ఆ  రాక్షసులను    దైవం  సంహరించటం  జరిగింది. 

 ఒకవేళ   దేవతలకు     ఏదైనా     సమస్య    ఎదురైతే   , ఆదిపరాశక్తి అయిన పరమాత్మ   చాకచక్యంగా  ఆ  సమస్యను  పరిష్కరించగలరు.  ( దేవతల  గౌరవానికి  భంగం  కలుగని  రీతిలోనే  దేవతలకు  వచ్చిన  సమస్యలను  కూడా  చాకచక్యంగా   పరిష్కరించగల  సమర్ధత  దైవానికి  ఉంటుంది  ...అని నా అభిప్రాయం.)