. లైంగికకోరికలు .. కొన్ని విషయాలు.. రెండవ భాగం.

 
ఏదిపడితే అది ఎక్కువగా తింటే శరీరం అరిగించుకోలేదు.  

ఇష్టం వచ్చినట్లు ఆహారం తీసుకునే వ్యక్తులు అనారోగ్యం పాలవుతారు.

అలాగే శృంగారం విషయంలోనూ లిమిట్ అవసరం.

లైంగిక కోరికలను పెంచే దృశ్యాలు ..వంటి వాటికి దూరంగా ఉండటం  శ్రేయస్కరం.

శారీరిక వాంచలు  పెంచుకున్న కొద్దీ ..అగ్నిలో ఆజ్యం పోసినట్లు  కోరికలు పెరగటమే తప్ప తగ్గవని పెద్దలు తెలియజేసారు.

ఆనక  అనేక సమస్యలు  వచ్చి బాధలు పడటం కన్నా , ముందే  మనస్సును అదుపులో ఉంచుకోవటం అనేది ఎంతో మంచిది.

ఆరోగ్యకరమైన శ్రేయస్కరమైన లైంగిక కార్యం  చక్కటి వివాహవ్యవస్థ ద్వారా సాధ్యం.

అయితే, భార్యాభర్త సంబంధం ఉన్నా కూడా , కొందరు వివాహేతరసంబంధాల కొరకు తిరగటం గురించి వింటున్నాము. 
.............................

అక్రమసంబంధాల వల్ల  ఎన్నో నష్టాలున్నాయి. 

 1. వ్యాధులు సంక్రమించే ప్రమాదం.2. శరీరం బలహీనపడటం.3. సామాజిక సమస్యలు.4.  సంతానానికి తండ్రి ఎవరో తెలియని పరిస్థితి.

*అక్రమ సంబంధాల వల్ల వ్యాధులు వచ్చే అవకాశముంది.

* ఎయిడ్స్ జబ్బు ఎందుకు వస్తుందో తెలియదు కానీ, అది వచ్చిన వారికి రోగనిరోధకశక్తి బాగా తగ్గుతుందట.
 
బహుశా అతిగా శృంగార కార్యకలాపాల్లో పాల్గొనే వారికి శరీరంలో జీవశక్తి క్షీణించి , రోగనిరోధకశక్తి బలహీనపడి,  ఎయిడ్స్ వంటి జబ్బులు వచ్చే అవకాశాలు ఎక్కువగా ఉండవచ్చు.

*ఏ స్త్రీ అయినా  తన భర్త ఇతరులతో చనువుగా ఉంటే భరించలేదు. 

*ఏ పురుషుడు కూడా తన భార్య ఇతరులతో చనువుగా ఉంటే భరించలేరు.

అక్రమసంబంధాల వాళ్ళ కుటుంబంలో  గొడవలు, హత్యలు, ఆత్మహత్యలు పరిస్థితి వచ్చి...  తల్లితండ్రి జైలుకి వెళ్తే పిల్లలు అనాధలవుతారు.


*స్త్రీపురుషుల అక్రమ సంబంధాల వల్ల  కలిగే  సంతానానికి తండ్రి ఎవరో తెలియని పరిస్థితి వస్తుంది. ఇలాంటి పరిస్థితి వస్తే  మగవారికి కూడా  నష్టం.

 అందువల్ల మగవారు కూడా  అక్రమసంబంధాలను ప్రోత్సహించకుండా ఉండటం మంచిది.
......................................

 ఎయిడ్స్ వంటి వ్యాధులు వచ్చిన వారిని చూస్తే జీవితం విలువ తెలుస్తుంది. 

అన్నీ తెలిసి కూడా శృంగారమే జీవితంలో ముఖ్యం.. అనుకునే వారు వారి కర్మకు వారే కర్తలు.

ఈ రోజుల్లో చాలామంది ప్రజలు ఏమంటున్నారంటే...

మేము నీతిమంతులమే.  పోర్న్ వంటివి చూస్తే తప్పేమిటి ?  వివాహేతర సంబంధాలు ఉంటే తప్పేమిటి ? మద్యం , మత్తుమందులు వాడితే తప్పేమిటి ? అని ప్రశ్నిస్తున్నారు.

మానభంగాలు, మర్డర్లు చేస్తే తప్పేమిటి ? అని కూడా కొందరు  ప్రశ్నిస్తున్నారు. 

 ఇలాంటి పరిస్థితి రావటం దౌర్భాగ్యం.

    అనేక సమస్యలున్న ఈ రోజుల్లో   సమాజానికి హాని కలగకుండా  ప్రభుత్వం మరియు ప్రజలు జాగ్రత్త చర్యలు తీసుకోవాలి. 

అశ్లీల దృశ్యాలు ప్రసారం కాకుండా ప్రభుత్వాలు కఠిన చర్యలు తీసుకోవాలి. 

తల్లితండ్రులు  తాము నైతికవిలువలను పాటిస్తూ.. పిల్లలకు నైతిక విలువలను నేర్పించాలి.
*************

భార్యాభర్తల గురించి కొన్ని విషయాలు...

ఆధునిక వ్యవస్థలో సమాజంలో పరిస్థితి.. స్త్రీపురుషులు నిగ్రహాన్ని కోల్పోయేలా ఉన్నది.

మనస్సును నిగ్రహించుకునే పరిస్థితి అందరికీ ఉండకపోవచ్చు.

భార్యాభర్తలు కొన్ని పండుగల రోజులలో కోరికలను నిగ్రహించుకుని నియమంగా ఉండవచ్చు.

భార్యాభర్తల సంబంధం ధర్మబద్ధమైనదే.

అందువల్ల,  ఏదో  కారణంతో  భార్యాభర్త శారీరికసుఖాలకు దూరంగా ఉంటూ ఇంట్లో గొడవలు వచ్చే పరిస్థితి తెచ్చుకోవద్దు.

భార్యాభర్త ఇద్దరూ ఒకే మాటతో ఇష్టంగా శారీరికసుఖాలకు దూరంగా ఉండాలనుకుంటే సమస్య ఏమీ ఉండదు.

 కానీ, ఒకరికి ఇష్టం లేకుండా ఇంకొకరు బలవంతంగా నియమాలను పాటించే పరిస్థితి ఉంటే మాత్రం ఆలోచించుకోవాలి.

అలాగని భార్యాభర్త ఎప్పుడుపడితే అప్పుడు విచ్చలవిడిగా  ప్రవర్తించాలని  నా అభిప్రాయం కాదు. 

 

*************

 ఒక దగ్గర విన్నాను. ఏం చెబుతున్నారంటే, ఈ మధ్య కొందరు స్త్రీలు తమ భర్తలకు శృంగారం విషయంలో సహకరించటం లేదని, అందువల్ల అనేక సమస్యలు వస్తున్నాయని అన్నారు. ఇది నిజమే కావచ్చు.
 
 
ఈ రోజుల్లో స్త్రీలు ఉద్యోగాలు కూడా చేస్తూ కెరీర్లో పైకి వెళ్ళాలని ఎక్కువగా ఆలోచిస్తున్నారు. కెరీర్ కొరకు..ప్రెగ్నెన్సి వంటి వాటికి దూరంగా ఉండాలనుకుంటున్నారేమో? కొందరు స్త్రీలు భర్త అత్తింటి వారి వల్ల కష్టాలు పడతారు. కొందరు స్త్రీలు భర్తను అత్తింటివారిని కష్టాలు పెడతారు.


జీవితంలో సంతానాన్ని పొంది, ఆ పిల్లలను చక్కగా పెంచి, చక్కని పౌరులుగా తయారుచెయ్యటం కూడా ముఖ్యమైన విషయం.

ఇంకో విషయం ఏమిటంటే, సోషల్ మీడియా వచ్చాక రోజూ ఏదో ఒక పూజలు, పండుగలు అంటూ చెప్పే వారు పెరిగారు. పూజలు, పండుగలు అంటే బ్రహ్మచర్యం పాటించాలని చాలా మంది అనుకుంటారు.
 
 
ఇక రోజూ ఏదో ఒక పూజలు అని చెబుతుంటే ఏం చేయాలో తెలియక, ఇలాంటి విషయాల్లో ఎవరిని అడగాలో అర్ధకాక భయంతో కూడా కొందరు స్త్రీలు శృంగారానికి దూరంగా ఉంటారేమో?


  నా అభిప్రాయం ఏమిటంటే, రోజూ పూజలు, పండుగలు అని చెప్పినా కూడా.. రోజూ ఉపవాసాలు, తలస్నానాలు, బ్రహ్మచర్యం పాటించనక్కరలేదు. ముఖ్యమైన కొన్ని పూజలు, పండుగలకు పాటిస్తే సరిపోతుంది. ఇలా అందరూ రోజూ బ్రహ్మచర్యం పాటిస్తే హిందువుల సంఖ్య తగ్గిపోయే ప్రమాదముంది.
 

 

 ప్రతిరోజు పూజ చేయకూడదని నా అభిప్రాయం కానేకాదు. నిత్యపూజ చేయాలి. అయితే, ప్రతిరోజు పూజ, పండుగ అని అతిగా తలస్నానం చేస్తే, జలుబు చేసే అవకాశం ఉంది. ఎక్కువగా ఉపవాసాలు ఉంటే, నీరసంగా ఉండి పనులు చేసుకోలేరు. వివాహం చేసుకుని ప్రతిరోజు  జీవితభాగస్వామికి దూరంగా ఉంటే, గొడవలు వచ్చే అవకాశముంది. 

 

కాబట్టి, నిత్యపూజ చేసుకుని,  పండుగలప్పుడు , ప్రత్యేకమైనపూజలప్పుడు..  ..ఉపవాసం, బ్రహ్మచర్యం..పాటించవచ్చు... అని  నా అభిప్రాయం.

 

ఎవరి స్వధర్మాన్ని వారు సరిగ్గా పాటించటం కూడా పూజయే. తమపని తాము చేసుకుంటూ కూడా దైవాన్ని స్మరించుకోవచ్చు.

భార్యాభర్తల మధ్య అన్యోన్యత లేకపోతే..కుటుంబవ్యవస్థ, కుటుంబసంబంధాలు కూడా దెబ్బతినటం, అక్రమసంబంధాలు కూడా పెరిగే ప్రమాదముంది. అందువల్ల, అందరూ ఆలోచించుకోవాలి. గృహస్థాశ్రమంలో ఉన్నప్పుడు సన్యాసాశ్రమంలోలా కాకుండా, గృహస్థధర్మాలను కూడా పాటించాలి.

 
అయితే, జీవితంలో కోరికల విషయంలో అతి లేకుండా, కోరికలను అదుపులో ఉంచుకుంటూ , అవసరమైనంతవరకు మాత్రమే ఉంటూ.. జీవిస్తే ఎన్నో లాభాలున్నాయి.

***************

జీవితభాగస్వామి ఏదైనాకారణాల వల్ల సహకరించకపోతే, ఏం చెయ్యాలో? అనే విషయాల గురించి అటుంచితే, జీవితభాగస్వామి సహకరించే వ్యక్తి అయినా కూడా, వారి భర్త లేక భార్య  అక్రమసంబంధాలతో తిరగటం బాధాకరం.

కొందరు అనారోగ్యం వల్ల, కొందరు భార్యాభర్త గొడవలవల్ల, కొందరు లౌకికసుఖాలు కాకుండా, వైరాగ్యం వైపు వెళ్ళాలని..ఇలా అనేక కారణాలుంటాయి. అయితే, ఈ సమస్యలకు అనేక కోణాలుంటాయి. అందరి సమస్యలకు ఒకేవిధమైన పరిష్కారం ఉండదు. ఎవరి సమస్యలు వారివి. ప్రతిసమస్యకు అందుకు ప్రత్యేకమైన పరిష్కారం ఆలోచించాలి.

 

కొందరు స్త్రీలు, పురుషులు పరాయి వాళ్లతో వివాహేతర సంబంధాలతో తిరుగుతున్నారని తెలుస్తోంది. కొన్ని చోట్ల కాస్టింగ్ కౌచ్ అని, లైంగిక వేధింపుల గురించి వింటున్నాం. ఇలా కొందరు స్త్రీలు, పురుషులు విచ్చలవిడిగా తిరిగితే, వాళ్ళను వివాహం చేసుకున్న వారి పరిస్థితి ఏమిటి?

 

 అలా తిరిగే జీవితభాగస్వామి వల్ల ఎయిడ్స్ వంటి భయంకర వ్యాధులు సంక్రమించే అవకాశం కూడా  ఉంది కదా. ఇలాంటి భయాలతో కాపురం ఎలా చేయాలి? ఇది అందరూ ఆలోచించవలసిన విషయం.

........................ 

మరికొన్ని తరువాత పోస్టులో...