సులువుగా చక్కలు వత్తే పద్ధతి ...

 

చాలామంది బియ్యం పిండితో చెక్కలు వంటకాన్ని  తయారుచేస్తారు.  అయితే,  పల్చగా వత్తడం  చాలా కష్టంగా ఉంటుంది. 

 చెక్కలు తేలికగా  తయారుచేయాలంటే   ఒక  పద్ధతి ఉంది.  

రెండు ప్లాస్టిక్   షీట్స్  మరియు  ఒక చిన్న గిన్నె  తీసుకోవాలి.   

చెక్కలు చేసే పిండిని చిన్న ముద్దలుగా  చేసి  ఒక ప్లాస్టిక్  షీట్ పైన దూరదూరంగా పెట్టాలి. 

 ఇంకొక ప్లాస్టిక్ కవర్ తీసుకుని పిండి ముద్దలపై పరచాలి. 

చిన్న గిన్నె తీసుకుని   గిన్నె అడుగు భాగంతో  ముద్దలను పలుచగా వత్తాలి. 

అప్పుడు చెక్కలన్నీ ఒకే షేప్ లో పలుచగా వస్తాయి.  అప్పుడు వాటిని నూనెలో వేయించి తీసుకోవాలి.


 చెక్కల పిండిని చేతితో వత్తడం కన్నా,   ప్లాస్టిక్ కవర్ పైన..   ఇంకొక   ప్లాస్టిక్ కవర్  వేసి ... గిన్నె అడుగు భాగంతో  వత్తడం తేలిక. 


చెక్కలపిండిలో  శనగపప్పు బద్దలు వేసినప్పుడు చేతితో కొంచెం వత్తవలసి వస్తుందేమో కానీ..... 

పెసరపప్పు బద్దలు వేస్తే   గిన్నె అడుగుభాగంతో వత్తడం  పద్ధతిలో  చెక్కలు పల్చగా వస్తాయి.

 
చేతి చెక్కలు పొడుగుగా చేతితో చేయటం రానివాళ్ళు  పిండిని గుండ్రంగా కాకుండా, పొడుగుగా అంటే గొట్టాలుగా చేసి పూరి ప్రెస్సర్ పైన పెట్టి, మరీ పల్చగా వత్తకుండా కొద్దిగా నొక్కి, నూనెలో వేయించుకోవచ్చు.

.......... 

చక్కలు, కారప్పూస వంటి పిండివంటలలో వెన్న  వేయకుండా ఇంకోరకంగా చేయవచ్చు.

 పావు కప్పు నూనెలో అరకప్పు నీళ్లు పోసి,  మిక్సీ చిన్న జార్ లో తిప్పితే వెన్నలా అవుతుంది. దీనిని వెన్న కు బదులుగా పిండిలో కలిపితే కారప్పూస, చక్కలు బాగా వస్తాయి. 

 మిక్సీ జార్ శుభ్రం చేయడానికి.. కొద్దిగా సర్ఫ్ లో నీళ్ళు పోసి మిక్సి జార్లో వేసి తిప్పితే జార్ శుభ్రమవుతుంది.