గత కొంతకాలంగా రాష్ట్రంలో అంతా అయోమయం, గందరగోళం. తెల్లవారితే ఒకళ్ళనొకళ్ళు తిట్టుకోవటం తప్ప, ప్రజల సమస్యల పరిష్కారం గురించి ఎంత తక్కువగా మాట్లాడుకుంటే అంత మంచిది అన్నట్లు ఉంది పరిస్థితి.
రాష్ట్రంలోని ప్రజల మధ్య విభేదాలు, ఆవేశకావేషాలు రావటం అత్యంత బాధాకరం. ప్రజల మధ్య విభేదాలు, ఆవేశకావేషాలతో పబ్బం గడుపుకునే వారికి ..... వారి కుటుంబసభ్యుల మధ్య విభేదాలు వచ్చినప్పుడు ఆ బాధ తెలుస్తుందేమో ?
దేశంలో మన రాష్ట్రంలో వలె అస్థిర పరిస్థితులు రాకూడదని, మన రాష్ట్రంలో జరుగుతున్న దిక్కుమాలిన పరిస్థితి ఏ రాష్ట్రంలోనూ రాకూడదని,
మన రాష్ట్ర ప్రజలలా ఏ రాష్ట్ర ప్రజల మధ్య విభేదాలు రాకూడదని ,
మిగతా రాష్ట్రాల ప్రజలు అయినా అపార్ధాలు , విభేదాలు లేకుండా కష్టసుఖాలలో కలిసిమెలసి అన్యోన్యంగా ఉండాలని కోరుకుంటూ....
*************
marikonni vishayaalu..
చాలామంది భారతీయ తల్లితండ్రులు తమ పిల్లలను విదేశాలకు పంపాలని తాపత్రయపడుతున్నారు. యువత కూడా చాలామంది ప్రపంచంలోని అనేకదేశాలకు వెళ్ళిపోతున్నారు.
విదేశాల్లో ఎప్పుడైనా కష్టం వచ్చి, అక్కడివాళ్లు పొమ్మంటే ఏంటి పరిస్థితి ?
ప్రస్తుతం హిందువులు మనదేశం అని చెప్పుకోవడానికి భారతదేశం అని చెప్పుకుంటున్నారు. క్రమంగా ఎక్కువమంది యువత చెల్లాచెదురుగా విదేశాలకు పోతే భవిష్యత్తులో మాది ..అని చెప్పుకోవటానికి ఏ దేశం మిగులుతుందో? భవిష్యత్ భారతం ఎలా ఉంటుందో?
******************
ఉదా..ఏదైనా దేశంలో మెజారిటీ జాతుల వాళ్ళు కొన్ని కారణాల వల్ల తప్పనిసరి పరిస్థితిలో వివిధదేశాలకు వెళ్ళిపోయారట. అలా చాలాకాలం గడిచిన తర్వాత, దేశం విడిచి వెళ్ళిపోయిన వారందరూ ఆలోచించుకుని తిరిగి తమ పాతదేశానికి వెళ్ళాలని నిశ్చయించుకుని, ఎన్నో ప్రయత్నాల తర్వాత పాత దేశానికి తిరిగివచ్చి ఉంటున్నారట.
అయితే, అప్పటికి అక్కడ స్థిరపడి ఉన్న వాళ్ళు అది తమదేశమని, కొత్తగా తిరిగివచ్చిన వాళ్ళతో అంటారు. తిరిగివచ్చిన వాళ్లేమో ఒకప్పుడు అది తమ దేశమంటారు. ఇలాంటప్పుడు గొడవలు జరుగుతాయి. అందువల్ల, దేశం విడిచి విదేశాలకు వెళ్లే వారు ఎన్నో ఆలోచించుకోవాలి.
**************
చాలామంది విదేశాలకు వెళ్లి అక్కడ ఉపాధి పొందాలని ప్రయత్నిస్తుంటారు. ఈ మధ్య ఒక వార్త ఏమిటంటే, అక్రమంగా విదేశీసరిహద్దులను దాటుతూ పట్టుబడుతున్నవారిలో ఎందరో భారతీయులు కూడా ఉన్నారట. ఈ ప్రయత్నాలలో కొందరు ప్రాణాలు కూడా పోగొట్టుకుంటున్నారట.
ఇప్పుడు విదేశాల్లో స్థిరపడిన కొందరు భారతీయులు ఏమంటున్నారంటే, భారతీయులు ఎక్కువగా విదేశాలకు రావద్దు..అని సలహాలిస్తున్నారు.
అయితే, విదేశాలకు వెళ్ళి అక్కడ స్థిరపడిన భారతీయులు చాలామంది ఏం చేస్తున్నారంటే, వాళ్ళ గొప్ప ఇళ్ళువాకిళ్ళు చూపిస్తూ యూట్యూబులో పెడుతుంటారు.
విదేశాల్లోని భారతీయుల లగ్జరీ జీవితాలు చూసి, విదేశాలకు వెళ్లాలనే తాపత్రయం ఇక్కడ ఉన్న భారతీయులకు పెరుగుతుంది. విదేశాల్లో కష్టాలు ఉండవనుకుంటారు. ఎక్కడైనా కష్టాలు సుఖాలు ఉంటాయి. దూరపుకొండలు నునుపు అనే సామెతలాగా ఉంటుంది.
విదేశాల్లోని భారతీయుల లగ్జరీ జీవితాలు చూసి, విదేశాలకు వెళ్లాలనే తాపత్రయం ఇక్కడ ఉన్న భారతీయులకు పెరుగుతుంది...అనేది నిజం.ఇప్పుడు విదేశాల్లో స్థిరపడిన కొందరు భారతీయులు ఏమంటున్నారంటే, భారతీయులు ఎక్కువగా విదేశాలకు రావద్దు..అని సలహాలిస్తున్నారు.
ఇలా సలహాలు ఇచ్చిన వారిని ఉద్దేశించి నేను, భారతీయులు విదేశాలకు రావద్దని అంటున్నప్పుడు.. మీరు అక్కడి లగ్జరీస్ చూపిస్తూ వీడియో పెట్టకుండా ఉంటే బాగుంటుందని వ్రాసాను. అలా వీడియోలు పెట్టొద్దంటే కొందరికి కోపం వస్తుంది.
మరి, లగ్జరీలను చూపిస్తూ వీడియోలు పెట్టవద్దంటే కోపం వచ్చినప్పుడు, విదేశాలకు భారతీయులు రావద్దని వారు ఎందుకు చెబుతున్నారు?
యూట్యూబ్లో చూసిన ప్రతిదాని వెంట పడటం కాకుండా, ఎవరికివారు ఆలోచించాలి. మనదేశాన్ని అభివృద్ధి చేసుకోవాలి. ఇందుకు ప్రజలందరూ కలసి అభివృద్ధిలో సహకరించాలి.
