koodali

Thursday, July 19, 2018

శ్రీ మద్రామాయణము..సుఖాంతము..


 ఓం..వందనములు. 

 సీతారాములకు వందనములు. 

 సువర్చలాదేవీఅంజనేయస్వామి వార్లకు వందనములు. 

***********
  వాల్మీకిరామాయణంలో సీతారాముల వనవాసం.. సీతాపహరణం..బాధ కలిగించే విషయాలే అయినా, 

  ఆంజనేయస్వామి లంకకు వెళ్లి సీతాదేవిని చూడటం, 

శ్రీ రాముడు రావణసంహారం చేసిన తరువాత సీతారాములు తిరిగి అయోధ్యకు రావటం .. శ్రీరామపట్టాభిషేకం..  కధ సుఖాంతం అయింది.

*******************

నా చిన్నతనంలో .. ఏమైనా విషాద సంఘటనలు ఉన్న కధలను,   సంఘటనలను వింటే  బాధ కలిగేది. . వాటిని సుఖాంతాలుగా  అనుకుంటే సంతోషం కలిగేది.



 ఉత్తరకాండలో  కొందరు అన్న మాటల వల్ల సీతాదేవిని అడవులకు పంపటం..తరువాత  కొంతకాలానికి  అనుకోని విధంగా   సీతాదేవి భూప్రవేశం.. ఎంతో బాధాకర విషయాలు.

  ఈ విషయాలను సుఖాంతంగా చూస్తే..

  ఇక్కడ రెండు అభిప్రాయాలను అనుకోవచ్చు..

 కొందరు అన్న మాటల వల్ల , శ్రీరాముడు సీతాదేవిని అడవులకు పంపడం కాకుండా, 

   గర్భిణి అయిన సీతాదేవి తనకు వనాలలో ఆశ్రమాలలో ఉన్న మహర్షుల దర్శనం చేసుకోవాలనే కోరిన కోరిక ప్రకారం సీతాదేవిని అడవులకు పంపి ఉండవచ్చు.


  స్త్రీలు మొదటి కాన్పుకు పుట్టింటికి వెళ్లినట్లు ,  సీతాదేవి వాల్మీకి ఆశ్రమంలోనే ఉండి లవకుశులకు జన్మనిచ్చి ఉండవచ్చు.


 తరువాత,  సీతాదేవి కుశిలవులను  తీసుకుని శ్రీరాముని వద్దకు వచ్చి ఉండవచ్చని ..


 11వేల సంవత్సరాల రాజ్యపాలన తరువాత కుశలవులకు రాజ్యాలను ఏర్పరిచి సీతారాములు అవతారాలను చాలించారు...  అనేది ఒక సుఖాంతమైన కధ….అని  భావించాను.

***************

 ఇక రెండో అభిప్రాయం ప్రకారం..ఇప్పుడు ఉత్తరకాండలో ఉన్నట్లు ..

 కొందరు వేసిన నిందల వల్ల సీతాదేవిని వనాలకు పంపటం   జరిగింది.  ..

 ( వాల్మీకి మహర్షి   దశరధులవారి మిత్రులని తెలుస్తోంది. 

సీతాదేవి ఆశ్రమానికి వెళ్ళినప్పుడు ఆశ్రమంలోని స్త్రీలకోసం ఎన్నో బహుమతులను తీసుకెళ్ళటం జరిగిందట.)


 వాల్మీకి వారి ఆశ్రమంలో  కవలల  జననం తరువాత..

 కొంతకాలానికి వారిని వెంటబెట్టుకుని వాల్మీకి మహర్షి అయోధ్యకు రావటం..లవకుశుల రామాయణగానం..
తరువాత.. 


 వాల్మీకి మహర్షి   అంతటి మహిమాన్వితులు, గొప్ప తపస్సంపన్నులు .. సీతాదేవి  ఉత్తమురాలు, మహాపతివ్రత..   అని సభాసదులందరి ముందు ప్రకటించటం జరిగినప్పుడు..


ఆ  విషయాన్ని విన్న ప్రజలు , సీతాదేవిని  రాముని వద్ద ఉండమని ప్రజలు వేడుకోవలసి ఉంటుంది.   


 రాములవారికి సీతాదేవి గురించి ఎప్పుడూ అపనమ్మకం లేదు. ప్రజలతోనే సమస్య.

  వాల్మీకి వారి మాటలతో ప్రజలకు సందేహం  తీరాలి.


 ఇక, సీతాదేవి భూప్రవేశం సంఘటన ఉండదు. సీతారాములు తమ ఇంట్లో ఉంటారు.

  11వేల రామరాజ్యపాలన తరువాత రాజ్యాలను పిల్లలకు అప్పగించి సీతారాములు అవతారాలను చాలించటం..  అనేది ఇంకో సుఖాంతం.

 ఇక్కడ కధ మధ్యలో  సీత భూప్రవేశం అనేది ప్రక్షిప్తం కావచ్చని నేను భావించాను.

*******************

 ఉత్తరకాండ నిజమని కొందరు, ప్రక్షిప్తమని కొందరు అంటున్నారు. 

 గ్రంధానికి చివరన ఉండే ఫలశ్రుతి ముందే ఎందుకు ఉన్నది ? అని కొన్ని సందేహాలు ఉన్నాయి.

 వ్యాసులవారు 24 వేలు శ్లోకాలు వ్రాసి ఉండవచ్చు.

  అయితే, ఎవరైనా మూలగ్రంధంలోని  శ్లోకాలలోని కొన్ని విషయాలలో కొన్ని మార్పులుచేర్పులు చేసి ఉండవచ్చు కదా?


 గాయత్రీ రామాయణం లో..   కొందరు అన్న మాటల వల్ల  సీతాదేవిని అడవులకు పంపే విషయం గురించి ప్రత్యేకంగా  శ్లోకాలు లేవు కానీ,

  వాల్మీకి ఆశ్రమంలో సీతాదేవి కవలలకు  జన్మనివ్వటం గురించి శ్లోకం ఉన్నది.

*********
 నాకు తెలిసిన విషయాలు తక్కువ.

 అసలు విషయం దైవానికి తెలియాలి.

 అంతా దైవం దయ.

************
 వ్రాసిన విషయాలలో  ఏమైనా పొరపాట్లు ఉంటే, అవి నేను చేసినవి గాను, ఒప్పులను భగవంతుని దయగాను పాఠకులు గ్రహించవలెనని నా మనవి.

 వ్రాసిన  విషయాలలో ఏమైనా పొరపాట్లు ఉంటే దయ చేసి క్షమించమని దైవాన్ని ప్రార్ధిస్తున్నాను.




1 comment:

  1. నాకు తోచిన విషయాలను వ్రాసుకున్నాను. ఇప్పుడు ఈ విషయాలపై చర్చించాలని అనుకోవటం లేదు. దయచేసి కామెంట్స్ వ్రాయవద్దని కోరుతున్నానండి.

    ReplyDelete