koodali

Friday, July 6, 2012

కొన్ని విషయాలు....భోగి మంటల్లో పాత టైర్లు ,



పెద్దలు  లోకహితం  కోసం  ఎన్నో  చక్కటి  ఆచారాలను  చెప్పారు.  అయితే,  మనం  మనకు  తోచినట్లు  చేస్తున్నాము.   

పూర్వం  పెద్దలు ,  పసుపును  గడపలకు  పూయమని  చెబితే  ......ఇప్పుడు  మనము  పసుపుకు   బదులుగా  పసుపు  రంగును  గడపలకు  వేస్తున్నాము.
 

గడప  వల్ల  ,     బయట నుంచి  వచ్చే  దుమ్ము     ఎక్కువగా   ఇంట్లోకి  రాకుండా   గడప  వద్దే  ఆగిపోయే  అవకాశం  ఉంది. (  అప్పట్లో  గడపలు  కొంచెం ఎత్తుగా  ఉండేవి.. )
పురుగుపుట్ర  వంటివి  కూడా  ఇంట్లోకి   త్వరగా రాలేవు..


  గడపకు  పూసిన  పసుపు లోని   ఆంటి  బయొటిక్ గుణము వల్ల    ఆ దుమ్ము లోని    చెడు క్రిములు    చనిపోతాయి.  

(    పసుపుకు  గల  ఆంటిబయోటిక్   లక్షణాన్ని  సైంటిస్ట్స్   కనుగొన్నారు  కదా  !  అయితే  పంటలకు  విపరీతంగా  వాడే  గాఢమైన  పురుగు  మందులు  వంటి  వాటి  వల్ల  పసుపు  లోని  సహజమైన   చక్కటి  ఆంటిబయాటిక్  శక్తి  కూడా   తగ్గే  ప్రమాదం  ఉంది.    )

 

మనకు  ఇవన్నీ అర్ధము కావని ,  గుమ్మానికి పసుపు రాస్తే   సౌభాగ్యం  అని    పెద్దవాళ్ళు   చెప్పారు. ( ఇంట్లో  వాళ్ళు  ఆరోగ్యంగా  ఉంటే  సౌభాగ్యమే  కదా  !  ) 



 అయితే,  ఇప్పుడు  మనము   ఏం  చేస్తున్నామంటే,   గడపలకు , (  ఉంటే  )  గుమ్మానికి  పసుపు రంగు పెయింట్   వేసేసి.....పెద్దవారు   చెప్పిన  దానివల్ల   ఏమి ఉపయోగము.......   పెద్దలదంతా   చాదస్తము  అనుకుంటున్నాము. 
.....................

ఇంతకుముందు రోజుల్లో  అయితే , సంక్రాంతి  పండుగ  వస్తే  తప్పనిసరిగా  ఇంటికి  సున్నం  వేయించుకునేవారు.  అలా  సంవత్సరానికి  ఒకసారి  సున్నం  వేయించటం  వల్ల  ఇల్లు  శుభ్రంగా  ఉండేది. 


 ఇప్పుడు , కొత్తరకం  రంగులు  వచ్చాక    సంవత్సరానికి  ఒకసారి  రంగులు  వేయించుకోవటం  లేదు.  

 
ఇంతకుముందు రోజుల్లో  అయితే ,  భోగి  పండుగ  రోజున  పిడకలతో  పాటూ,   ఇంట్లో  ఉన్న  పాత  చెక్క  సామాను  కూడా  భోగి  మంటల్లో  వేసేసేవారు.  అలా  పాతసామాను  వదిలిపోయేది. 


 ఇప్పుడు , భోగి  మంటల్లో  పాత టైర్లు , ప్లాస్టిక్    సామాను  వంటివి  కూడా  వేస్తున్నారు. 


 ఆ   టైర్ల  వాసన  భరించలేక   ,   ఇలా  పాతటైర్ల  వంటివి    మంటల్లో  వెయ్యటమే  కాబోలు  భోగి  మంటలంటే ......   పెద్దలు  ఇలాంటి  ఆచారాలను  ఎందుకు  పెట్టారో  ! .....అని  ఇప్పటి  పిల్లలు  అనుకునే  ప్రమాదముంది. 

 ( ఈ  ఆచారం  మొదలైన  పాత   కాలంలో  టైర్లు , ప్లాస్టిక్  వస్తువులు  లేవు  కదా  !  )
 
ఇలా  అప్పటికీ  ఇప్పటికీ  ఆచారవ్యవహారాలను  మనకు  తోచినట్లుగా  మార్చేసుకుంటున్నాము.

 
ఈ  విషయాలలో   కొన్నింటిని   పాత  టపాలలో  రాసాను  కానీ  మళ్ళీ  రాసానండి
.


7 comments:

  1. manchi vishayalu chepparau, pathavi cheppina maa lanti kotha patakulu untaarandi,
    keep writing.

    ReplyDelete
  2. మీ వ్యాఖ్యకు కృతజ్ఞతలండి.

    ReplyDelete
  3. baagunayamdi .....manchi vishayalu..
    thanks for sharing

    ReplyDelete
    Replies
    1. మీ వ్యాఖ్యకు కృతజ్ఞతలండి.

      Delete
  4. చాలా మంచి విషయాలు చెప్పారండీ...

    ReplyDelete
    Replies
    1. మీ వ్యాఖ్యకు కృతజ్ఞతలండి.

      Delete