మంచిని ప్రోత్సహించాలి, చెడును పారద్రోలాలి...

 ఆచారవ్యవహారాలలో.. కొందరు తెలిసితెలియని వాళ్లవల్లా, కొందరు స్వార్ధపరుల వల్లా సమాజంలో కొన్ని మూఢాచారాలు ప్రవేశించాయి. వాటిని వ్యతిరేకించవలసిందే. 

 
అలాగని ప్రతి ఆచారాన్ని వ్యతిరేకించటం కూడా మూఢత్వమే. పూర్వీకులు తెలియజేసిన ఆచారవ్యవహారాల్లో ఎన్నో మంచి విషయాలున్నాయి.ఎంతో సైన్స్ ఉంది.


భక్తులు  కూడా కొన్ని విషయాలను తెలుసుకోవాలి. 

పాపపుపనులు చేసి సంపాదించిన సొమ్ముతో పూజలు చేస్తే పుణ్యం రాకపోగా, పాపం చుట్టుకుంటుందని పెద్దలు తెలియజేసారు.


రావణాసురుడు కూడా ఎన్నో పూజలు చేశాడు.  అతని పాపాలు కొట్టుకుపోలేదు. 

అతను చేసిన పాపాల వల్ల అతనూ, అతని వారసులూ కూడా కొట్టుకుపోయారు. 

 దైవకృపను పొందాలంటే పూజతో పాటు సత్ప్రవర్తనతో జీవించటానికి ప్రయత్నించాలి.

..................
 సమస్యలు పోవాలంటే వ్యక్తులలో చెడులక్షణాలు పోవాలి. కోపం, స్వార్ధం..వంటి లక్షణాలు ఉంటే మనకే నష్టం. 

అయితే.. కోపం, స్వార్ధం..వంటివి ఉండకూడదని చెపుతున్న నేను కూడా కోపాన్ని, స్వార్ధాన్ని పోగొట్టుకోవటంలో ఇంకా పూర్తిగా విజయాన్ని సాధించలేదు. 

అయితే, అందరం పట్టుదలగా ప్రయత్నించి చెడు లక్షణాలను వదిలించుకుంటే మనకే మంచిది.

 మనలో చెడులక్షణాలు పోవాలని దైవాన్ని ప్రార్ధించాలి.
...............

Friday, September 2, 2011

దైవం ఎప్పటికప్పుడు ధర్మమును కాపాడటం జరుగుతుంది...

.................
కొన్ని ఆధునిక ఆవిష్కరణల వల్ల ఉపయోగాలు కలుగుతున్నాయి. కొన్నింటి  వల్ల నష్టాలూ కలుగుతున్నాయి. మంచిని ఉంచుకుని చెడును వదిలెయ్యాలి.

 ఆధునికకాలంలో పర్యావరణానికి  అపారమైన నష్టం కలుగుతోంది.గ్లోబల్ వార్మింగ్, పారిశ్రామిక   కాలుష్యం..వంటి వాటి వల్ల ఎన్నో జీవజాతులకు ముప్పు కలుగుతోంది.  ఇలాంటి వాటిని వ్యతిరేకించాలి.
.....................

ఈ రోజుల్లో ఎన్నో ఘోరమైన విషయాలను వింటున్నాము.  

మానవ అక్రమరవాణా, స్త్రీల పట్ల అకృత్యాలు, చిన్నపిల్లలను అపహరించి హింసించటం, మత్తుమందుల అమ్మకాలు,  అవినీతి, లంచగొండులు, గ్లోబల్ వార్మింగ్, పారిశ్రామిక కాలుష్యం, పెరుగుతున్న వ్యాధులు...ఇలాంటివెన్నో   సమస్యలున్నాయి. 

సమాజంలో  జరుగుతున్న అఘాయిత్యాలు వింటుంటే మనిషనే ఎవరికైనా రక్తం మరిగిపోతుంది.

 అలాంటి నేరాలను చేసే నేరస్తులను కఠినంగా శిక్షించాలి. ఆ శిక్షలు ఎలా ఉండాలంటే, అలాంటి నేరాలు చేయాలనే ఊహ రావడానికే భయపడేలా శిక్షలుండాలి.

భౌతికవాదులు, నాస్తికులు ..  అనబడేవారు కొందరు.. ఎంతసేపూ..  

గ్రహణసమయంలో అందరూ బయటకు రావాలి, అన్నీ తినాలి..ఇలాంటి విషయాల గురించి ఎక్కువగా    మాట్లాడటం కన్నా,  సమాజాన్ని అతలాకుతలం చేస్తున్న ఎన్నో సమస్యలపై  గట్టిగా పోరాడవచ్చు కదా!

ప్రాచీనులకు  ఏమీ  తెలియదు, ఆధునిక సైన్స్ మాత్రమే గొప్ప..   అని మాట్లాడే వాళ్ళు..  ఆధునికకాలంలో  గ్లోబల్ వార్మింగ్, పారిశ్రామిక   కాలుష్యం, పెరుగుతున్న రేడియేషన్ ముప్పు ..వంటి ఎన్నో సమస్యల  గురించి ఏం  చెబుతారు?

ఏ కాలంలోనైనా ,  ఎక్కడైనా , ఏ విషయంలోనైనా  చెడును పారద్రోలాలి,  మంచిని ప్రోత్సహించాలి. 

ఈ మధ్య కాలంలో కొందరు...

• 
  

 

ఎవరికైనా తల్లి అయినా తండ్రి అయినా సమానమే. ఇద్దరి ఆప్యాయతా పిల్లలకు అవసరం. నవమాసాలు మోసే పద్ధతి ప్రకృతిపరంగా తండ్రికి లేకున్నా, తండ్రులు కూడా పిల్లలను ప్రాణప్రదంగా చూసుకుంటారు.  

అమ్మ అంటే అంతులేని ప్రేమకు పర్యాయపదం అంటారు.. 

 

అయితే,  ఈ మధ్య కాలంలో కొందరు అమ్మలు.. తమ సొంత పిల్లల్ని అందులోనూ చంటిపిల్లల్ని హింసించటం, కొన్ని కేసుల్లో చంపటం కూడా జరిగినట్లు వార్తలు వచ్చాయి. ప్రియునితో కలిసి పిల్లలను చంపిన తల్లి, తన మాట వినటంలేదని పిల్లల్ని చావగొట్టే తల్లులు....ఇలా వార్తలు ఉన్నాయి.

 కుటుంబంలో గొడవలు భరించలేక ఆత్మహత్య చేసుకుని మరణించే తల్లులు కూడా ఉన్నారు. ఇలాంటివారిలో చంటిపిల్లలు ఉండేవారూ ఉంటారు. చనిపోవాలనుకునే వారు తమ పిల్లల గురించి తప్పక ఆలోచించాలి. సమాజంలో బాధలు తట్టుకోలేక పెద్దవారికే చనిపోవాలని అనిపించినప్పుడు, పెద్దవారు ఆత్మహత్య చేసుకుంటే పిల్లలు ఎలా బ్రతుకుతారో? పిల్లలు ఎన్ని బాధలు పడతారో? ఆలోచించాలి కదా..

ఎన్ని బాధలున్నా కూడా ధైర్యం తెచ్చుకుని జీవిస్తూ పిల్లల్ని పెంచుకోవాలి. అంతేకానీ, తమమానాన తాము పోతే పిల్లలు ఎలా బ్రతకాలి?

 పశుపక్ష్యాదులు మూగజీవులు. తమబాధల్ని ఎవరికీ చెప్పుకోలేవు. మనుషులకు కాలికి చిన్నదెబ్బ తగిలినా హాస్పిటల్ కు వెళ్లటం.. అందరూ పరామర్శించటం జరుగుతాయి. 

ఎవరైనా రోడ్దు పక్కన కుక్క కాలు విరగ్గొడితే అది కుంటుకుంటూ నడవటం తప్ప, దానిని హాస్పిటల్కు తీసుకెళ్లేవారు, పరామర్శించేవారు ఎందరుంటారు? వేసవిలో మనకు దాహం వేస్తే నీరు తెచ్చుకుని త్రాగుతాము. మరి మొక్కలు అలా నడిచి వెళ్లి నీటిని త్రాగలేవు కదా.. ఎవరైనా మనుషులు నీరు పోస్తే, వర్షం వస్తే వాటి దాహం తీరుతుంది.

 ఇన్ని కష్టాలు ఉన్నా కూడా పశుపక్ష్యాదులు జీవిస్తున్నాయి. మరి, మనుషులు ఎందుకు ఆత్మహత్య చేసుకోవాలి?
..............

తల్లి తమ పిల్లలను చిన్నతనం నుంచి జాగ్రత్తగా పెంచుకుని చక్కటి పౌరులుగా తయారుచేస్తే సమాజం ఎంతో బాగుంటుంది.

అయితే, ఈ మధ్య కొందరు స్త్రీల ఆలోచనలో తేడా వచ్చింది. డబ్బు, విలాసజీవితం, కెరీర్.. అంటే వ్యామోహం ఎక్కువయ్యింది. పిల్లల్ని కూడా సరిగ్గా పట్టించుకోవట్లేదు. ఇలాంటి వారికి పుట్టడం ఆ పిల్లల దురదృష్టం. 

ఎవరికుటుంబాన్ని వారు చక్కదిద్దుకుంటే సమాజం అంతా బాగుంటుంది. అంతేకానీ, ఎవరి కుటుంబాన్ని వారు సరిగ్గా పట్టించుకునే సమయం లేనప్పుడు, సమాజాన్ని  ఎవరు మాత్రం ఏం బాగుచేస్తారు? 

  స్త్రీలు బయటకెళ్లి ఉద్యోగం చేయటం వల్ల అనేకసమస్యలు కూడా ఉన్నాయి. అమ్మాయిలు చాలామందికి చదువు, ఉద్యోగం తో సమయం సరిపోక..ఇంటిపనులు, కుటుంబాన్ని చూసుకోవటం, సర్దుబాట్లు, కుటుంబసభ్యులతో లౌక్యంగా ఉంటూ జీవించటం..వంటివి తెలియటం లేదు. మనదేశంలో కూడా విడాకులు, అనేక వివాహాలు..ఎక్కువవుతున్నాయి.

ఎవరికైనా గొడవలు రావటానికి అంతులేని కోరికలు, డబ్బు గురించి అత్యాశ, ఆర్ధిక అవసరాలు, పెద్దవారివిషయాలు, పెద్దవారి అభిప్రాయాలు, పిల్లల పెంపకం, బంధువుల విషయాలు, కుటుంబసభ్యుల రోజువారి అలవాట్లు, భార్యాభర్త అక్రమసమంబంధాలు....వంటివాటి విషయంలో భార్యాభర్తకు గొడవలు వస్తాయి. 

కాలేజీలో, ఆఫీసులోవారితో ఇలాంటి విషయాలు అంతగా ఉండవు కాబట్టి గొడవలు అంతగా ఉండవు. ఆఫీసుల్లో కెరీర్ సంబంధించిన గొడవలు ఉండవచ్చు కానీ, ఆఫీసుల్లో తోటి ఉద్యోగస్తులు  అప్పుడప్పుడూ మారుతుంటారు, ఇంకా వారిని భరించలేకపోతే ఆ ఉద్యోగాన్ని వదిలేయవచ్చు. 

ఎన్ని ఆఫీసులు మారినా ఎక్కడయినా అలాంటివారు ఉంటారు. అందువల్ల, ఇంట్లో అయినా, ఆఫీసులో అయినా కొంత సర్దుబాటు ఎవరికైనా అవసరమే.

 కాలేజీలో,హాస్టల్స్లో, ఆఫీసుల్లో.. తోటివారితో ఉండే పరిస్థితి వేరు..కుటుంబంలో పరిస్థితి వేరేగా ఉంటుంది. బయటవారితో గొడవలు వస్తే, వారితో దూరంగా ఉండవచ్చు. కుటుంబం అంటే జీవితాంతం నిలుపుకోవలసింది కాబట్టి, ఎన్నో విషయాల్లో చాకచక్యంగా సర్దుకోవాలి.

 

 బయటవారితో ఎక్కువ విషయాలతో సంబంధం ఉండదు కాబట్టి, గొడవలు తక్కువగా ఉంటాయి. బయట చాలామంది పైపైన మంచిగా ఉంటారు. చాలామంది ఇంట్లో వాళ్ళు పైపైన మంచిగా నటించరు కాబట్టి గొడవలు వస్తాయి. 

 స్త్రీలకు బయటకొస్తే ఎన్నో సమస్యలుంటాయి. లైంగికవేధింపులు కూడా ఉంటాయి. కొంతకాలం క్రిందట అమ్మాయిలకు, స్త్రీలకు వేరే స్కూల్స్, కాలేజీలు ఉండేవి. ఇప్పుడు కూడా అలా ఉంటే  లైంగికవేధింపుల సమస్యలు తగ్గుతాయి. స్త్రీలు కొందరు కలిసి చిన్న పరిశ్రమలు, చేతివృత్తులు వంటి సంస్థలు ఏర్పాటు చేసుకుంటే, రాత్రి వరకు బయట ఉండకుండా సాయంకాలమే ఇంటికెళ్లిపోయేటట్లు పనివేళలు పెట్టుకోవచ్చు. 

అయితే కొందరు స్త్రీలు ఏమంటున్నారంటే, ఆడవాళ్లే ఇంటిపని, పిల్లల్నిపెంచటం.. చేయాలా? మేమూ బయటకెళ్లి ఉద్యోగాలు చేస్తున్నాము కాబట్టి, మగవాళ్లు కూడా అన్నీ చేయాలంటూ వాదిస్తారు. స్త్రీలే పిల్లల్ని ఎందుకు కనాలని కూడా అంటారేమో? అలా భార్యాభర్తలు గొడవలు పడి విడాకుల వరకూ వెళ్తున్నారు. మళ్లీమళ్లీ పెళ్లిళ్లు చేసుకుంటారు. మధ్యలో పిల్లల పరిస్థితి అయోమయం అయిపోతుంది.. 

పాతకాలంలో కుటుంబం కొరకు సంపాదించటం భర్త పని అయితే, ఇంట్లో ఉండి ఇల్లుచక్కదిద్దుకోవటం, పిల్లల్ని పెంచటం ఎక్కువగా భార్య పనులుగా ఉండేవి. ఈ విధానంలో స్త్రీలకు పగలు కొంత విశ్రాంతి,  పురుషులకు సాయంకాలం ఇంటికొచ్చాక విశ్రాంతి ఉండేది. ఇంటి ఆహారం వల్ల కుటుంబసభ్యులందరికీ ఆరోగ్యం బాగుండేది.  ఈరోజుల్లో ఇద్దరూ బయటకెళ్లి పనిచేయటం వల్ల ఎవరికీ విశ్రాంతి లభించటం లేదు. ఈ రోజుల్లో హడావిడిగా ఏదో ఇంత నోట్లోవేసుకుని పరిగెడుతున్నారు. 

 స్త్రీలు ఉద్యోగాలు చేయటం వచ్చాక.. మాటలు కూడారాని చంటిపిల్లల్ని క్రెచ్లో వదిలి పనికి వెళ్ళటం జరుగుతోంది.. అక్కడ పిల్లల్ని సరిగ్గా చూస్తారో.. లేదో? తెలియదు. చంటిపిల్లలకు కనీసం మాటలు వచ్చే వరకయినా వారిని దగ్గరుండి పెంచుకోవాలి. ఈ రోజుల్లో  స్త్రీలు, పురుషులు అందరూ సంపాదిస్తున్నా కూడా డబ్బు చాలటం లేదంటున్నారు. ఎవరికీ ఏమీ చెప్పేటట్లు లేదు. ఎవరి కర్మ వారిది.  దైవమే దిక్కు.

గ్రహణసమయంలో వచ్చే ప్రభావం గురించి...

• 
  
• 
  
• ఆసక్తి ఉన్నవారు ఈ  లింక్ వద్ద  క్లిక్ చేసి చూడగలరు.... 
• 
  
• 
  
• గ్రహణసమయంలో వచ్చే ప్రభావం గురించి...

గురుపూర్ణిమ..

ఓం

 గురువులకు  వందనములు.

 ********** 

mari konni vishayaalu..

కొన్ని దేవాలయాలలో ఎన్నో ఉపాలయాలు ఉంటాయి. అందరు దేవతలను ప్రత్యేకంగా ప్రార్ధించుకుంటారు కొందరు. అలా ప్రార్ధించుకోవచ్చు. 

హడావిడిగా ఉన్నప్పుడు, శ్రీమాత శ్రీపరమాత్మ
అనుకుంటే ..అందరు దేవతలను ప్రార్ధించుకున్నట్లే.. అని నాకు అనిపిస్తుంది.. లేదంటే శ్రీపరమాత్మ అని ఒక్క నామముగా కూడా అనుకోవచ్చు.

   ........ 

భయాలు, సందేహాలు, బోలెడుపనులు, బోలెడు విధివిధానాలు లేకుండా సరళంగా దైవాన్ని ఆరాధించేటప్పుడు మరింత భక్తిగా ఆరాధించుకోవచ్చు. విధివిధానాల పట్ల ధ్యాస కన్నా, దైవము పట్ల ధ్యాస ముఖ్యం .. ప్రేమతో భక్తిగా ఆరాధించుకుంటే దైవము యొక్క అనుభవాలను పొందటం కూడా తెలుస్తుంది.

సృష్టి అంతటా దైవశక్తి ఉంటుంది. ప్రతి ఆత్మలో పరమాత్మ ఉంటారంటారు. మనలో కూడా పరమాత్మ ఉంటారు. రమణమహర్షి నేను..గురించి తెలుసుకోమన్నారు.

 ఆత్మకు ఏదీ అంటదంటారు. ఇలాంటప్పుడు చెడ్డమనిషి యొక్క ఆత్మలో కూడా పరమాత్మ శక్తి ఉంటుంది కావచ్చు. అయితే, చెడ్డపనులు చేసిన వ్యక్తికి శిక్ష తప్పదు. ఆ శిక్ష వల్ల ఆ మనిషి శరీరం, మనస్సు, బుద్ధి బాధను అనుభవించినా కూడా, ఆత్మకు అంటదు.

రాయిని, రప్పను, మొక్కను, మనిషిని, దేనినైనా .. దైవముగా నమ్మి గాఢమైన భక్తితో పూజిస్తే అందులోనుండి కూడా దైవము భక్తుని అనుగ్రహిస్తారంటారు.

రామాయణము గురించి ...

ఆసక్తి ఉన్నవారు .. 

క్రింద విషయాలను  కాపీ,  పేస్ట్  మరియు క్లిక్  చేసి చూడగలరు.


The Secret of Ramayana - The Divine Life Society

The significance of Ramayana - Wisdom by Sri Sri Ravi Shankar

What is the philosphical significance of Ramayana? - Quora

శ్రీ మద్రామాయణము..సుఖాంతము..

 ఓం..వందనములు. 

 సీతారాములకు వందనములు. 

 సువర్చలాదేవీఅంజనేయస్వామి వార్లకు వందనములు. 

.......................
  వాల్మీకిరామాయణంలో..  ఆంజనేయస్వామి లంకకు వెళ్లి సీతాదేవిని చూడటం, శ్రీ రాముడు రావణసంహారం చేసిన తరువాత సీతారాములు తిరిగి అయోధ్యకు రావటం .. శ్రీరామపట్టాభిషేకం..  కధ సుఖాంతం అయింది.

.....................

 

   గాయత్రీదేవి రామాయణం లో..   కొందరు అన్న మాటల వల్ల  సీతాదేవిని అడవులకు పంపే విషయం గురించి  శ్లోకాలు లేవు కానీ,

  వాల్మీకి ఆశ్రమంలో సీతాదేవి కవలలకు  జన్మనివ్వటం గురించి శ్లోకం ఉన్నదట..

........................

తులసీదాసు గారు రచించిన రామాయణంలో కుశలవులు జన్మించటం గురించి ఉంది కానీ,  సీతాదేవి  భూప్రవేశం  గురించి లేదట.

.................................

ఉత్తరకాండ  ప్రక్షిప్తం అని కొందరు భావిస్తున్నారు.

ఉత్తరకాండ ప్రక్షిప్తమో? కాదో ? కొన్ని భాగాలు ప్రక్షిప్తమో?..ఈ విషయాలు తెలియవు  కానీ..

ఈ విషయాలను గమనిస్తే.. బహుశా ఈ విధంగా కూడా జరిగిఉండవచ్చు కదా ...అనిపించింది.....
  ఇక్కడ రెండు అభిప్రాయాలను అనుకోవచ్చు..

 కొందరు అన్న మాటల వల్ల , శ్రీరాముడు సీతాదేవిని అడవులకు పంపడం కాకుండా, 

   గర్భిణి అయిన సీతాదేవి తనకు వనాలలో ఆశ్రమాలలో ఉన్న మహర్షుల దర్శనం చేసుకోవాలనే కోరిన కోరిక ప్రకారం సీతాదేవిని అడవులకు పంపి ఉండవచ్చు.

  వాల్మీకి మహర్షి   దశరధులవారి మిత్రులని తెలుస్తోంది. 

సీతాదేవి ఆశ్రమానికి వెళ్ళినప్పుడు ఆశ్రమంలోని స్త్రీలకోసం ఎన్నో బహుమతులను తీసుకెళ్ళటం జరిగిందట.

  స్త్రీలు మొదటి కాన్పుకు పుట్టింటికి వెళ్లినట్లు ,  సీతాదేవి వాల్మీకి ఆశ్రమంలోనే ఉండి లవకుశులకు జన్మనిచ్చి ఉండవచ్చు.

 తరువాత,  సీతాదేవి కుశిలవులను  తీసుకుని శ్రీరాముని వద్దకు వచ్చి ఉండవచ్చని ..

 11వేల సంవత్సరాల రాజ్యపాలన తరువాత కుశలవులకు రాజ్యాలను ఏర్పరిచి సీతారాములు అవతారాలను చాలించారు...  అనేది ఒక సుఖాంతం.

.........................

 
 ఇక రెండో అభిప్రాయం ప్రకారం..ఇప్పుడు ఉత్తరకాండలో ఉన్నట్లు ..

 కొందరు వేసిన నిందల వల్ల సీతాదేవిని వనాలకు పంపటం   జరిగింది.  ..

 వాల్మీకి వారి ఆశ్రమంలో  కవలల  జననం తరువాత..

 కొంతకాలానికి వారిని వెంటబెట్టుకుని వాల్మీకి మహర్షి అయోధ్యకు రావటం..లవకుశుల రామాయణగానం..
తరువాత.. 

 వాల్మీకి మహర్షి   అంతటి మహిమాన్వితులు, గొప్ప తపస్సంపన్నులు .. సీతాదేవి  ఉత్తమురాలు, మహాపతివ్రత..   అని సభాసదులందరి ముందు ప్రకటించటం జరిగినప్పుడు..

ఆ  విషయాన్ని విన్న ప్రజలు , సీతాదేవి  రాముని వద్ద  ఉండాలని ప్రజలు వేడుకోవలసి ఉంటుంది.   

 రాములవారికి సీతాదేవి గురించి ఎప్పుడూ సమస్య లేదు. కొందరు ప్రజలతో  సమస్య.

  వాల్మీకి వారి మాటలతో ప్రజలకు సందేహం  తీరాలి.

 ఇక, సీతాదేవి భూప్రవేశం సంఘటన ఉండదు. సీతారాములు తమ ఇంట్లో ఉంటారు.

  11వేల రామరాజ్యపాలన తరువాత రాజ్యాలను పిల్లలకు అప్పగించి సీతారాములు అవతారాలను చాలించటం..  అనేది ఇంకో సుఖాంతం.

 ఇక్కడ కధ మధ్యలో  సీత భూప్రవేశం అనేది ప్రక్షిప్తం కావచ్చని నేను భావించాను.

.................................

వాల్మీకిరామాయణంలో..   ఆంజనేయస్వామి లంకకు వెళ్లి సీతాదేవిని చూడటం, శ్రీ రాముడు రావణసంహారం చేసిన తరువాత సీతారాములు తిరిగి అయోధ్యకు రావటం .. శ్రీరామపట్టాభిషేకం..  కధ సుఖాంతం అయింది.

.............................

 ఉత్తరకాండ నిజమని కొందరు, ప్రక్షిప్తమని కొందరు అంటున్నారు. 

 వ్యాసులవారు 24 వేలు శ్లోకాలు వ్రాసారు.

  అయితే, ఎవరైనా మూలగ్రంధంలోని  శ్లోకాలలోని కొన్ని విషయాలలో కొన్ని మార్పులుచేర్పులు చేసి ఉండవచ్చు కదా?

వాల్మీకి మహర్షి వ్రాసిన రామాయణం పట్టాభిషేకంతో ముగిసిందని.. ఉత్తరరామాయణం ప్రక్షిప్తం అని.. కాదని.. కొన్ని భాగాలు ప్రక్షిప్తాలు కావచ్చని ..లోకంలో రకరకాల  అభిప్రాయాలున్నాయి.

  వివిధరకాల అభిప్రాయాలు  ఉండటానికి కొన్ని కారణాలు ఉండవచ్చు. 

  లోకంలోని స్త్రీలు, పురుషులను గమనిస్తే, రకరకాల మనస్తత్వాలు కలవారు ఉంటారు.  వివిధరకాల సంఘటనలు కూడా ఉంటాయి.

ఇలాంటి విషయాలను దృష్టిలో ఉంచుకుని..భవిష్యత్తులో ప్రజలు తమ జీవితాలలో జరిగే సంఘటనల యొక్క పరిస్థితిని బట్టి  నిర్ణయం తీసుకోవటానికి ..వివిధరకాల అభిప్రాయాలు  వచ్చి ఉండవచ్చు.

.......................

 
 నాకు తెలిసిన విషయాలు తక్కువ.

 అసలు విషయం దైవానికి తెలియాలి.

 అంతా దైవం దయ.
.........................

 
 వ్రాసిన విషయాలలో  ఏమైనా పొరపాట్లు ఉంటే, అవి నేను చేసినవి గాను, ఒప్పులను భగవంతుని దయగాను పాఠకులు గ్రహించవలెనని నా మనవి.

 వ్రాసిన  విషయాలలో ఏమైనా పొరపాట్లు ఉంటే దయ చేసి క్షమించమని దైవాన్ని ప్రార్ధిస్తున్నాను.

 

న్యాయానికి తరతమ భేదాలు ఉండవు...

 శ్రీ రాముల వారు అందరినీ గౌరవిస్తారు.

శబరి ఆప్యాయంగా ఇచ్చిన పండ్లను స్వీకరించారు . గుహుని తక్కువగా చూడలేదు. ఎంతో ఆప్యాయంగా చూశారు. 

జటాయువు యొక్క అంత్యక్రియలను నిర్వహించారు. అలాంటి రాములవారిని అపార్ధం చేసుకోవటం పొరపాటు.

ఇక రాముడు శంభూకుని సంహరించటం అంటే...నాకు ఏమనిపిస్తోందంటే..

కొందరు మంచి కోరికలతో, ఉద్దేశ్యాలతో తపస్సులు చేస్తారు.

 కొందరు మనసులో స్వార్ధపరమైన కోరికలతో, ఉద్దేశ్యాలతో తపస్సులు చేస్తూ పైకి మంచిగా కనిపిస్తారు.

ప్రహ్లాదుని వంటివారు రాక్షస జాతికి చెందినా  దైవ భక్తులై దైవానుగ్రహాన్ని పొందారు. .

కానీ కొందరు రాక్షసులు స్వర్గాన్ని , దేవతలను జయించాలని తపస్సులు చేసారు.

 తపస్సులు చేస్తున్నంత మాత్రాన అందరూ మంచివారే ఉంటారా ?

లోకాలను పీడించే వరాలను పొందటం కోసం రాక్షసులు కూడా తపస్సులు చేస్తారు . అంత మాత్రాన రాక్షసులు కూడా మంచివారు అయిపోతారా ?

శంభూకుడు స్వర్గాన్ని, దేవతలను జయించాలని తపస్సు చేస్తున్నాడట. ఇంకా ఏ స్వార్ధపు  కోరికలతో తపస్సు చేసాడో?

మరి, దేవతలు ఊరుకోరు కదా! 

అత్యాశ చెడ్దకోరికలతో తపస్సు చేయటం వల్ల  రాముల వారు శంభూకుని   వధించి ఉంటారు.

( శంభూక వధ ప్రక్షిప్తం అంటున్నారు కొందరు. . శంభూక వధ గురించి, వర్ణవ్యవస్థ గురించి .. గత టపాలలో వ్రాయటం జరిగింది. చర్చలు కూడా జరిగాయి. తిరిగి అవన్నీ చర్చించాలని నాకు లేదు. దయచేసి ఎవరూ కామెంట్స్ వ్రాయవద్దని మనవి. )

 శూద్ర స్త్రీ అయిన శబరి అందించిన ఎంగిలిపండ్లను స్వీకరించిన రామునికి శూద్రులనే భేదభావం ఉండదు.

రాముడు శూద్రులను చంపే వ్యక్తే అయితే,  శబరి తపస్సు చేసినప్పుడు చంపలేదు కదా ! శబరి కూడా శూద్ర స్త్రీయే.

(తపస్సు అంటే  ఒంటికాలుమీద  నిలబడి తపస్సు చేయటం మాత్రమే కాదు, ఏ పనినైనా  ఏకాగ్రత గా చేస్తే అది తపస్సే ..

శబరి ఎన్నో ఏళ్లు రామునికై ఎదురుచూసింది అలా భక్తితో ఎదురుచూడటం కూడా తపస్సే. )

*********

సనాతనధర్మం అంటరానితనాన్ని ప్రోత్సహించలేదు. సమాజంలోని కొందరు స్వార్ధపరులవల్ల అంటరానితనం వచ్చి ఉంటుంది.  

మతంగ ముని తండ్రి  దళితులని చదివాను. అయినా కూడా మతంగమునికి గొప్ప మునిగా పేరొచ్చింది.

 

ఈ క్రింది విషయాలను  గమనించగలరు.

* There is no caste-system in Vedas

agniveer.com

* Sabari's selfless service | Amruthakathalu#5 | Story of Sabari in Ramayana | Telugu stories - YouTube

• *  పాపాలు చేసే వారి పట్ల అంటరానితనాన్ని పాటించాల...

* ఎక్కువ, తక్కువ.....తారతమ్యం...

............

 రావణుడు కూడా గొప్పవంశస్తుడే. శివభక్తుడు కూడా. అయితే, స్త్రీల పట్ల ఎన్నో అకృత్యాలు కూడా చేసాడు.

శివాంశసంభూతుడైన ఆంజనేయస్వామి వారు , రామునికి సీతాదేవిని అప్పగించమని  రావణునితో చెప్పినా అతడు  వినలేదు.  శ్రీరాముని చేతిలో హతమయ్యాడు.

ఇక్కడ ఏం తెలుసుకోవాలంటే, 

వాళ్ళు ఏ వంశస్తులు అని కాకుండా, ఎంత గొప్పవారైనా సరే, చెడ్డ పనులు  చేస్తే శిక్షించబడతారు,  అందుకు తగ్గ ఫలితాన్ని అనుభవిస్తారు అని ... తెలుసుకోవాలి.

*******************
సీతారాముల వారసుల గురించి భారతంలో వివరాలు ఉన్నాయట. వారు  కౌరవుల పక్షాన యుద్ధంలో పాల్గొన్నారనితెలుస్తోంది.

 రాముని వారసులు కౌరవుల పక్షాన పాల్గొనటం గురించి  కొందరు ఆశ్చర్యాన్ని వ్యక్తం చేస్తున్నారు.

శ్రీ రాముల వారసులు ( నాకు తెలిసినంతలో 28 తరాల తరువాత వారు..)కౌరవుల పక్షంలో నిలవటం వెనుక వారి కారణాలు వారికి ఉండవచ్చు.

గొప్పవారైన భీష్ముల వారు కూడా కౌరవుల పక్షాన యుద్ధంలో పాల్గొన్నారు కదా! భీష్ముల వారు  కౌరవుల పక్షాన ఉండటానికి  వారి  కారణాలు వారికి ఉన్నాయి.

 భీష్ముల వారు  ప్రజలను  కాపాడటానికి కట్టుబడి ఉండటం వల్ల… ...పాండవులంటే ఇష్టం ఉన్నా కూడా, కౌరవుల పక్షాన ఉండవలసివచ్చింది.

శ్రీ కృష్ణుని బంధువులు మునిపట్ల వేళాకోళంగా ప్రవర్తించటం..  శాపం కారణంగా నశించారు. అప్పుడు శ్రీకృష్ణులవారు బంధువులను ఆదుకోలేదు.

  బంధువులయినంత మాత్రాన, వారు తప్పులు చేసినా సహించటం ఉండదు.

********
 శ్రీ రాముని వంశస్థులలో హరిశ్చంద్రుని తండ్రి అయిన  త్రిశంకువు  కూడా కొన్ని పొరపాట్లు చేయటం వల్ల కొంతకాలం శిక్షను అనుభవించారు.

ఇంద్రుడంతటి వారే కొన్ని పొరపాట్లు చేసి అందుకు తగ్గ ఫలితాన్ని అనుభవించటం ... అనే విషయం కూడా  గ్రంధాలద్వారా తెలుస్తుంది.

ఎంత గొప్ప వారైనా సరే  ,  పొరపాట్లు చేస్తే అందుకు తగ్గ ఫలితాన్ని అనుభవిస్తారని గ్రంధాల ద్వారా తెలుస్తుంది.