ఫస్ట్ నేను,అందరికి థాంక్స్ చెప్పాలండి. మీయొక్క ఎంతో విలువయిన సమయము వెచ్చించి నా బ్లాగ్ ను చదువుతున్న అందరికి , సపోర్ట్ చేసిన కూడలి వారికి,మెనీ,మెనీ థాంక్స్ అండి. అది నా భాధ్యత కూడా.
ఇక మన మీడియా వల్ల లాభాలతో పాటు కొన్ని నష్టాలు ఉన్నాయని మనందరికి తెలిసిన విషయమే కదండీ. టి.వి చానెల్స్ వాళ్ళు రోజంతా ప్రసారం చెయ్యటము జనం ప్రాణం మీదికి వచ్చింది. వాళ్ళకేమో న్యూస్ కావాలి.
ఇక ఏదో ఒక పెద్ద మనిషి దగ్గరకి వెళ్తారు. మిమ్మల్ని ఫలానా ఆయన నిన్న తిట్టారు గదా మీ స్పందన ఏమిటని అడుగుతారు. అడగగా అడగగా ఏదో ఒకటి నోరు జారుతాము కదండీ!ఇక ఆమాట పట్టుకెళ్ళి అవతల ఆయన దగ్గర చెప్పి, ఇక మీ స్పందన చెప్పండి అంటారు. వాళ్ళు చెప్పేవరకు వెనకాల పడతారు. సహజముగానే ఏ బి.పి.నో పెరిగి వాళ్ళు నన్ను అలా అన్నారా వాళ్ళను ..................ఇలా మాటల ప్రవాహం సాగిపోతుంది ,.ఇక బోలెడు న్యూస్. పాపం జనం.
ఇక చాలా సీరియల్స్ విషయానికొస్తే మగవాళ్ళకి ఇద్దరు భార్యలు,లేక ఆడవాళ్ళకి ఇద్దరు భర్తలు, ఉంటారు అందులో వాళ్ళకి. అందరూ సరిగ్గా ఉంటే మరి కధ ఏమి ఉంటుంది అని వాళ్ళ ఉద్దేశ్యము. ఇక కొన్ని సీరియల్స్లో కుటుంబసభ్యులు ఎప్పుడూ ఎవరో ఒకరికి గ్లాస్ లో విషము కలిపేస్తూ ఉంటారు. ఇవన్నీ చూసిచూసి బయట అత్తా,కోడళ్ళు ఒకరినొకరు అనుమానముగా చూసుకోవాల్సిన రోజులొచ్చాయి.
కొన్ని సినిమాలలో ఒక ఆమె భర్తను వదిలేస్తుంది.ఒక ఆయన భార్యను వదిలేస్తాడు. విరు ఇద్దరు పెండ్లి చేసుకుని ఆదర్సమయిన జంటగా ఉన్నట్లు చూపిస్తారు. ఇది ఏమి ఆదర్సమో నాకు ఇంత వరకు అర్ధము కాలేదు.
ఇక కొన్ని చిన్నపిల్లల డాన్స్ ప్రోగ్రాంస్ గురించి ఎంత తక్కువ చెప్పుకుంటే అంత మంచిది. వాళ్ళతో డ్యూఎట్స్ డాన్సులు,పాటలు,పెద్ద ఆరిందా మాటలు,వాళ్ళను చూస్తే చాలా భాధగా ఉంటుంది......
paapam news వాళ్ళు....నేను కూడా జాగ్రత్తగా ఉండాలి బ్లాగ్ రాయటములో............ .....
Subscribe to:
Post Comments (Atom)
No comments:
Post a Comment