ఏవి నిజాలో ?ఏవి ప్రక్షిప్తాలో? ... కొన్ని విషయములు..

ఇక్కడ పోస్టును వేరే వద్ద వేసి అక్కడ పోస్టును ఇక్కడ వేయటం జరిగిందండి.

 ....................................

 Friday, October 24, 2025
ఏవి నిజాలో ?ఏవి ప్రక్షిప్తాలో? ... కొన్ని విషయములు..

 ఈ మధ్య ఒక దగ్గర విన్న విషయం గురించి నాకు కొన్ని సందేహాలు కలిగాయి.

 శ్రీరాముల వారు మాంసాహారాన్ని తీసుకున్నారో? లేదో? అనే విషయాల గురించి గొడవలు జరుగుతున్నాయి.

అయితే, ఈ మధ్యన ఒకరు ఏమన్నారంటే, శ్రీ ఆంజనేయుల వారు లంకకు వెళ్లినప్పుడు  సీతాదేవితో ..శ్రీ రాముల వారు సీతాదేవి మీద బెంగతో మధుమాంసాదులను కూడా తీసుకోవటం లేదని అన్నట్లు.. ఆ శ్లోకాన్ని చెప్పి, అంటే శ్రీరాముల వారు ఇంతకుముందు తింటేనే కదా.. ఇప్పుడు తినటం లేదని హనుమంతుల వారు చెపుతారు..అన్నారు.

ఈ విషయాలను గమనించిన తరువాత నాకు కొన్ని సందేహాలు కలిగాయి.

  నారదుస్తులను ధరించి కొన్ని నియమాలతో వనవాసానికి వెళ్ళిన శ్రీరాముల వారు నియమాలను పాటించారని నేను ఒకదగ్గర విన్నట్లు గుర్తుంది.

ఆ విషయాలను గమనించిన తరువాత, వనవాస సమయంలో రాముల వారు ఆహారం విషయంలో కూడా కొన్ని నియమాలను పాటించారన్నట్లు  నాకు అర్ధమయింది.

మరి, సీతాదేవి పట్ల బెంగతో శ్రీరాములవారు మధుమాంసాలను తీసుకోవటం లేదని హనుమంతుల వారు సీతాదేవికి చెప్పారంటున్నారు..

మరి ఇంతకుముందు నేను విన్నది సరైనదా? కాదా? నారవస్త్రాలు ధరించి వనవాస నియమాలను పాటించినప్పుడు, మధుమాంసాదుల గురించి నియమాలు ఉన్నాయా? లేవా? అని సందేహాలు కలిగాయి.
 
 కొందరేమో వనవాస సమయంలో వారు ఆహార విషయంలో  కొన్ని నియమాలతో ఉన్నారంటారు. కొందరేమో మాంసాహారాన్ని తిన్నారంటారు..ఏం జరిగిందో దైవానికే తెలుస్తుంది.

ఏమిటో? అప్పుడు ఏం జరిగిందో? గ్రంధాలలో  ఏవి నిజాలో ? ఏవి ప్రక్షిప్తాలో?  
..........

 నాకు ఏమనిపిస్తోందంటే, సంస్కృతంలో  అనేక అర్ధాలుంటాయి...ఒక్క అక్షరాన్ని కలిపి లేక విడదీసి చదివినా అర్ధాలు మారిపోయే అవకాశముంది. అందువల్ల ఆ శ్లోకాన్ని సరిగ్గా ఎలా అర్ధం చేసుకోవాలో మనకు తెలియకపోవచ్చు.

మధు(మధువు) అంటే అనేక అర్ధాలుంటాయి. మాంసం.. అన్నా కూడా అనేక అర్ధాలుంటాయి.

మాంసం అనే పదానికి బలాన్ని కలిగించే ఆహారం అని కూడా అర్ధం ఉండవచ్చు...పండ్ల రసాలను కూడా మధు.. అని అంటారు కావచ్చు..

వనాల్లో సంవత్సరాల తరబడి ఉన్నప్పుడు సీతాపహరణానికి ముందు,  బలమైన ఆహారం కొరకు కొన్ని పంటలను కూడా వారు పండించుకుని ఉండవచ్చు.

 ఉదా..కొన్ని పప్పుధాన్యాలు పండించుకున్నారేమో? మినుములు(మాష)వంటివి.. కూడా మాంసాహారంతో సమానమైన బలమైన ఆహారమని అంటారు.

 నానబెట్టిన పప్పుధాన్యాలు లేక ఉడికించిన గుగ్గిళ్ళు వంటివి..వారు తీసుకున్నారేమో..

........................
నాకు ఏమనిపిస్తోందంటే... అపహరణ తరువాత  సీతాదేవి పట్ల బెంగతో రాముల వారు తన ఆహారం పట్ల  శ్రద్ధ వహించలేదని ...

పువ్వులు, పండ్ల నుంచి లభించే తీపి పదార్ధాన్ని.. పండ్ల రసాలను(మధు..), బలాన్ని కలిగించే మినుముల(మాష) వంటి పప్పుధాన్యాలను  భుజించటం పట్ల.. శ్రద్ధ వహించలేదని అర్ధం చేసుకోవచ్చని.. నాకు అనిపిస్తుంది.


రామాయణం జరిగిన త్రేతా యుగంలో, మనుషులు జీవించే కాలమూ ఇప్పటితో పోలిస్తే చాలా ఎక్కువేనంటారు. అప్పటి కాలంలో వారి ఆకారాలు ఇప్పటివారితో పోలిస్తే భారీగా ఉండేవారంటారు. అప్పట్లో మొక్కలు, చెట్లు కూడా ఆకారాలు భారీగా ఉండేవి కావచ్చు.

 అప్పట్లో ఇప్పటిలా తేనెటీగల నుంచి నుంచి తేనె సేకరించటం కాకుండా, భారీ పరిమాణంలో తేనె వంటి తీపి పదార్ధం పువ్వులు, పండ్ల నుంచి తేలికగా లభించేది కావచ్చు.  

 వేల సంవత్సరాల క్రిందట విషయాలను గ్రంధాలలో చదివిన వాటిని కొన్నిసార్లు మనం సరిగ్గా తెలుసుకోలేకపోవచ్చు.

ఏది ఎలా జరిగిందో.. దైవానికి సరిగ్గా తెలుస్తుంది.
............................

 నాకు సంస్కృతం తెలియదు. నేర్చుకోవాలనే  ఆసక్తి కూడా  ప్రస్తుతం లేదు.  నాకు తోచింది రాయాలనిపించి వ్రాసాను.

అయితే, ఈ విషయాల గురించి నాకు సరిగ్గా అర్ధం కాలేదు. సందేహాలున్నాయి.
..........

అయినా, రాములవారు మాంసాహారాన్ని భుజించారని చెప్పటానికి కొందరు ఎందుకు పదేపదే ప్రయత్నిస్తున్నారో? అర్ధం కావటం లేదు.  

ఇంతవరకు మాంసాహారం తిన్నారని చెప్పారు. ఇప్పుడు మధు.. కూడా స్వీకరించారని అంటున్నారు.

మధు ..అంటే మత్తెక్కించే సారా వంటిదని కొందరు భావించే ప్రమాదం కూడా ఉంది.

...................... 

సత్యము కొరకు రాజ్యపట్టాభిషేకాన్ని తృణప్రాయంగా వదిలి వనవాసానికి  వెళ్ళిన గొప్ప వ్యక్తి శ్రీ రాములవారు.
 ..................

 ప్రాచీనకాలంలో రాక్షసుడు వేదాలను అపహరించితే, శ్రీ మహావిష్ణువు ఆ రాక్షసుని సంహరించి వేదాలను రక్షించారని గ్రంధముల ద్వారా తెలుస్తోంది.

 వేదాలనే అపహరించగలిగినప్పుడు, ఎవరైనా గ్రంధాలలో మార్పులుచేర్పులు(ప్రక్షిప్తాలు)చేసారనే విషయంలో ఆశ్చర్యం ఏమీ లేదు.
  ..............

 నేను ఈ పోస్టును కొంతసమయం తరువాత డిలిట్ చేస్తానేమో?

 వ్రాసిన వాటిల్లో తప్పులు ఉంటే దయచేసి క్షమించమని  దైవాన్ని ప్రార్ధిస్తున్నాను.
 ..............

 గ్రంధాలలో ఎన్నో అర్ధం కాని విషయాలుంటాయి.  ప్రక్షిప్తాలు కూడా ఉంటాయి.

ఇవన్నీ  అదేపనిగా ఆలోచిస్తూ, వాదిస్తూ సమయాన్ని గడపటం కన్నా, ఇవన్నీ విని గందరగోళం పడటం కన్నా..కొంతవరకు తెలుసుకుని..అన్నింటికి మూలమైన దైవాన్ని నమ్ముకుని మన శక్తికొలది చక్కగా దైవాన్ని ఆరాధించుకోవటం మంచిది.

****************

క్రింద ఒకరు ఒక వ్యాఖ్య వ్రాసారు. పొరపాటున ఆ వ్యాఖ్య డిలిట్ అయ్యింది. వారి కొరకు ఈ లింక్ ఇస్తున్నాను.

 మాంసాహారం గురించి కొంత వివరంగా ఇంతకుముందు పోస్టులో వ్రాసాను.  ఒక లింక్ ఇస్తాను..మీకు ఆసక్తి ఉంటే మరికొన్ని విషయాలను చదవచ్చు.

LINK..... .....
పాలు, తేనె వంటివి శాకాహారం ఎలా అవుతాయి?..హింస..అహి...