ఈ సమస్యను మీరైతే ఎలా పరిష్కరిస్తారు ?

 

నా  వ్యాఖ్యలను దయచేసి .. " నాకు తెలిసినంతలో....ఉడుతా భక్తిగా... "  టపాలో  చదవండి.

*************

దైవం యొక్క ముఖభాగం నుంచి బ్రాహ్మణులు, చేతుల నుంచి క్షత్రియులు, ఊరుభాగాలనుంచి వైశ్యులు, పాదాల నుంచి శూద్రులు వచ్చారంటారు. మనిషి జీవితం సజావుగా సాగాలంటే శరీరంలోని అన్ని భాగాలు ముఖ్యమే. (అవసరమే. )

పాదాలు కూడా ముఖ్యమైనవే. దేవుని పాదాలకు మనం మ్రొక్కటం లేదా ? అలాగే సమాజానికి అన్ని వర్గాల వాళ్ళూ ముఖ్యమే.

ఎవరి వృత్తిని వారు చేసుకుంటూ అందరూ గౌరవంగా , భోగభాగ్యాలతో జీవించాలని పెద్దల ఉద్దేశ్యం అని అనుకోవచ్చు కదా !
.................................................

ఒక ఊరి పాఠశాలలో ఒక నాటకం వేస్తున్నారు. అందులో నాలుగు పాత్రలున్నాయి.

రాజు., మంత్రి, కోశాధికారి, భటుడు..... ఇలా నాలుగు వేషాలున్నాయి.

నాటకంలో నటించటానికి విద్యార్ధులను పిలిచారు టీచర్లు.

రాజు పాత్ర, మంత్రిపాత్ర, కోశాధికారి పాత్రలకు పిల్లలు ఒప్పుకున్నారు. కానీ భటుడు పాత్ర వెయ్యటానికి మాత్రం ఏ పిల్లవాడు ఒప్పుకోలేదు.

కానీ భటుడు పాత్ర లేనిదే కధ నడవదు కదా !.

టీచర్లకు ఏం చెయ్యాలో తెలియలేదు. .

ఇదంతా చూస్తున్న చుట్టుప్రక్కల వారిలో ఒకాయన అన్నారు ...... నాలుగు వేషాలను నలుగురు పిల్లలు తప్పక వెయ్యాలని కఠినంగా ఆజ్ఞాపించండి. అన్నారు.

ఇంకొకాయ.. మంచి పనులు చేసిన పిల్లాడికి రాజు వేషము , తక్కువ మంచి పనులు చేసిన పిల్లలకి మంత్రి, తరువాత కోశాధికారి, తరువాత భటుడు ...ఇలా వేషాలు ఇయ్యండి అన్నారు,.

ఇంకొకాయన వచ్చి .. అందరికీ సమాన హోదా, జీతభత్యాలు ఇస్తే రాజు, బంటు అని తేడా ఉండదు కదా ! అప్పుడు పిల్లలు ఏ వేషం వెయ్యటానికైనా సంతోషంగా ఒప్పుకుంటారు అన్నారు.

ఇది విన్న కొందరు అందరికీ సమానహోదా, జీతభత్యాలు ఎలా ఇస్తాం ? ...సమానంగా .మనిషిగా గౌరవిస్తాం అంతే అన్నారు. 

ఇది విన్న ఇంకొకరు .... జీతభత్యాలు సరిపడా లేకుండా మనిషిగా గౌరవిస్తే కడుపు నిండుతుందా ? అన్నారు. .

ఇలా ఎవరికి తోచింది వారు చెబుతున్నారు. ...ఇక నాటకం సంగతి వదిలేసి చుట్టుప్రక్కల చేరిన జనం వాదులాడుకోవటం మొదలుపెట్టారు.

అంతా అంతులేని గందరగోళం. అదొక అంతులేని కధలా సా.....గిపోయింది. . ఎవరి వాదన వారిది.

ఈ సమస్యను మరి మీరైతే ఏం సలహా ఇస్తారు .? .

ఈ గొడవ ఇలా ఉంటే ... అందరూ రాజు అవ్వాలనే అనుకుంటే నాటకం నడిచేదెలా ? ఇప్పుడు భటుడి వేషం ఎవరు వేస్తారో ? అని బెంగపట్టుకుంది . టీచర్ కు.

. సమాజంలో కులాలు లేక వృత్తులు కూడా ఇలాంటివే. కొన్ని ఉద్యోగాలు చెయ్యటానికి ఎవరూ ముందుకు రారు మరి. .....
.............................................

పూర్వం అయితే మనుషుల్లో అడ్జస్ట్ మెంట్ అనే గుణం ఉండేది. ఇప్పుడు సమాజంలో సర్దుకుపోవటం అనే గుణం తగ్గిపోయి పోటీ పెరిగిపోయింది ! అదే అసలు సమస్య.

కులాల సంగతి అలా ఉంచితే అందరూ ఒకటే అనే విషయం ఆచరణలో సాధ్యమా ?

ఒక ఆఫీసులో చైర్మన్, మానేజర్, అటెండర్ అందరూ అవసరమే. అందరమూ చైర్మన్లమే అవుతాము ... అంటే ఆఫీసు నడిచేదెలా ?

ప్రతిభ అనేది చిన్న పెద్ద అని తేడా లేకుండా ప్రతి వృత్తికి ఉంటుంది. ఒక నర్స్ కు రోగులకు సేవ చేయటంలో ఎంత ప్రతిభ అవసరమో.. డాక్టరుకు వైద్యం చేయటంలో అంతే ప్రతిభ అవసరం.

ఒక సంస్థకు చైర్మన్, పై స్థాయి ఉద్యోగులు, క్రింది స్థాయి ఉద్యోగులు ఎంత అవసరమో సమాజానికి కూడా అన్ని రకాల వాళ్ళూ అవసరమే అనిపిస్తుంది.

  హోదా,  జీతాలలో విపరీతమైన  తేడాలు  లేనప్పుడే  ఈ అసమానతలు తొలగిపోతాయి. మరి ఇలా చేయటానికి ఎందరు ఒప్పుకుంటారు ?

ఎవరి ప్రతిభ, అర్హతను బట్టి వారికి హోదా, జీతాలు ఇవ్వటం అన్నది సరైనది అయినప్పుడు... ఎవరి పూర్వకర్మను ( పాపపుణ్యాలను ) బట్టి వారికి జన్మలు వస్తాయి అన్నది కూడా సరైనదే కదా ..