తిరుప్పావైలో...నంద గోకులం..

పూర్వం అన్ని కులాల వాళ్ళూ బాగానే ఉండేవారు. క్రమంగా సమాజంలో ఈ అసమానతలు చోటుచేసుకున్నాయి అనిపిస్తుంది. .

పూర్వపు భారతదేశంలో పేదరికం లేదని విదేశీ పర్యాటకులే తమ గ్రంధాలలో వ్రాయటం జరిగింది.

మన చరిత్రకారులు ఇలా వ్రాస్తే నమ్మము కానీ అలా వ్రాసినది విదేశీయులు. కాబట్టి నమ్మక తప్పదు.

ఇవన్నీ గమనించితే పూర్వం అన్ని వృత్తుల వారూ భోగభాగ్యాలతో చక్కగా జీవించి ఉంటారు అని మనం అనుకోవచ్చు కదా !

ఎందుకంటే . అప్పట్లో ఏ వస్తువు అవసరమైనా శూద్రులైన చేతివృత్తుల వాళ్ళ వద్దే కొనేవారు . అందువల్ల శూద్రులు కూడా సిరిసంపదలతో చక్కగానే జీవించిఉండవచ్చు కదా !

ఇప్పుడంటే వస్తువులను తయారు చేసే వ్యాపార సంస్థలు కొన్ని బడా కంపెనీల చేతుల్లో మాత్రమే ఉండి అందరూ వారి వద్దే ఉద్యోగలు చేస్తున్నారు. పూర్వం అలా కాదు మరి.
..........................................

పూర్వం నందగోకులంలోని యాదవులు క్షత్రియులా ? శూద్రులా ? అన్నది నాకు తెలియదు కానీ, ఆ గోకులంలో పశుపోషణ వృత్తిలో ఉన్నవాళ్ళు కూడా చక్కటి భోగభాగ్యాలతో జీవించారని తిరుప్పావై ద్వారా తెలుస్తోంది.

ద్వాపర యుగంలో గోపికలు కాత్యాయనీ వ్రతం చేసారు. అలాగే ఆండాళ్ మాత శ్రీవిల్లిపుత్తూరులో కాత్య్యాయనీ వ్రతాన్ని ఆచరించారు.

తన తోటి ఆడపిల్లలను గోపికలుగానూ ,శ్రీ విల్లిపుత్తూరును నందగోకులంగానూ భావించి ఆమె కాత్యాయనీ వ్రతాన్ని ఆచరించింది.

ఆ పాశురాలలో రామావతారం అప్పటి విషయాలు, శ్రీకృష్ణుడు ఉండే నందగోకులం యొక్క వైభోగం, అప్పటి చల్ల చిలుకుతున్న గొల్లభామల నగల చప్పుళ్ళు, ఇవన్నీ వర్ణించబడ్డాయి.

ఇప్పుడు కూడా మనం అయోధ్య నగరం గురించి చెప్పుకుంటున్నాము కదా ! తిరుప్పావైలో నంద గోకులం గురించి ఆండాళ్ మాత వర్ణించటం జరిగింది.

ఆండాళ్ మాత అందరు చూస్తూండగానే శ్రీరంగనాధుని అర్చామూర్తిలో లీనమవటం జరిగింది.
ఇవన్నీ కొందరు నమ్మరు. నమ్మనివారిని ఏం చేయగలం ?

తిరుప్పావై గురించి కొత్తావకాయ బ్లాగులో వారు కూడా చక్కగా వ్రాశారు.

తిరుప్పావై గురించి ఇంకా మరిన్ని వివరాలు తెలుసుకోవాలంటే.....చూడవచ్చు....

.తిరుప్పావై ప్రవచనం - జై శ్రీమన్నారాయణ
sites.google.com/site/jaisrimannaaraayana/tiruppavai-pravacanam.............

*************

కామెంట్స్ చదివిన తరువాత కొన్ని విషయాలను ఇక్కడ వ్రాయటం జరిగింది. అన్ని వృత్తుల వారికి ఎవరి కష్టసుఖాలు వారికి ఉన్నాయి. ఈ విషయాలను ఇంతకుముందు పోస్టులలో వ్రాసాను. 

 పూర్వపు భారతదేశంలో పేదరికం లేదని విదేశీ పర్యాటకులే తమ గ్రంధాలలో వ్రాయటం జరిగింది. మన చరిత్రకారులు ఇలా వ్రాస్తే నమ్మము ....కానీ అలా వ్రాసినది విదేశీయులు. కాబట్టి నమ్మక తప్పదు. ఇవన్నీ గమనించితే పూర్వం అన్ని వృత్తుల వారూ భోగభాగ్యాలతో చక్కగా జీవించి ఉంటారు అని మనం అనుకోవచ్చు కదా ! 

 

అంటరానితనం అనేది మాత్రం తప్పే. ప్రాచీనులు అంటరానితనాన్ని చెప్పలేదు. అది కొందరు స్వార్ధపరుల వల్ల వ్యవస్థలోకి వచ్చింది.  మనుషుల మనస్తత్వంలో మార్పు రానంతవరకూ వివక్ష, అసమానతలు ఏ వ్యవస్థలోనైనా ఉంటాయి. ఆధునికకాలంలో కూడా పేద,ధనిక అసమానతలున్నాయి. పేదల పట్ల  వివక్ష ఉంది. ఎంతో నిరుద్యోగ సమస్య కూడా ఉంది.  ఒకే కుటుంబంలో కూడా వివక్ష, అసమానతలు ఉంటాయి. గడుసు మనస్తత్వం ఉన్న వాళ్ళు మెతకగా ఉండేవారిపట్ల పెత్తనం చేస్తారు.  దేశాల మధ్య కూడా అంతే. అగ్రదేశాలు అనే దేశాలు మెతకగా(soft) ఉండే దేశాల పట్ల పెత్తనం చేస్తారు.

ఇంకా చెప్పాలంటే, మనుషులు తమకన్నా బలహీనమైన పశుపక్ష్యాదులను చంపి తినటం కూడా వివక్ష, అసమానతే అవుతుంది. వాటిని చంపి తినే హక్కు మనకు ఎక్కడిది? అవి మూగజీవులు..చంపుతుంటే ఎదురుతిరగలేక భయంతో, నొప్పితో, నిస్సహాయంగా చూస్తూ మరణిస్తాయి. ఇలా జీవహింస చేసేవాళ్లు కూడా మనుషుల మధ్య వివక్ష, అసమానతలు అంటూ మాట్లాడుతుంటారు.

 సాటి జీవులను ఇబ్బందిపెట్టటం, పర్యావరణాన్ని పాడుచేసి  జీవులకు హాని కలిగించటం వంటివి కూడా వివక్ష, అసమానతలే. ప్రపంచంలో మనుషులకు మాత్రమే హక్కులు ఉంటాయా? పశుపక్ష్యాదులకు హక్కులు ఉండవా? ప్రపంచం అన్ని జీవులదీ. కానీ, మనుషులు బలవంతులు కాబట్టి, ఇతర జీవులపట్ల పెత్తనం చేస్తున్నారు.

 మనుషులు తమ అతికోరికలను తగ్గించుకుని, స్వార్ధం లేకుండా దయతో జీవిస్తే సమాజంలో వివక్ష, అసమానతలు చాలా తగ్గుతాయి.