నాకు తెలిసినంతలో....ఉడుతా భక్తిగా...

ఓం..శ్రీ మహా విష్ణువుకు, భీష్ముల వారికి అనేక నమస్కారములు.

సమాజంలో అందరూ గౌరవంగా, సంతోషంగా జీవించాలని నేను కోరుకుంటున్నాను.

కొందరు పురాణేతిహాసాలలోని విషయాలను అపార్ధం చేసుకుంటున్నారని నాకు అనిపించింది. ఇంకా, కొంతకాలం క్రిందట ఇన్నయ్య గారి బ్లాగులో కొన్ని విషయాలను చదివాను. తెలకపల్లి రవి గారి బ్లాగులో శ్రీ రాముడు శంభుకుణ్ణి చంపిన విషయం చదివాను. , ఇవన్నీ నాకు బాధను కలిగించాయి. ఈ విషయాల గురించి నాకు అంతగా తెలియకపోయినా ఉడుతా భక్తిగా నాకు తెలిసినంతలో చెప్పటానికి ప్రయత్నిస్తున్నాను. అంతేనండి.
...............

శ్రీరాములవారు  శంభూకుని సంహరించటం అంటే...నాకు ఏమనిపిస్తోందంటే..

శంభుకుడి వ్యక్తిత్వం మనకు తెలియదు.

కొందరు మంచి కోరికలతో, ఉద్దేశ్యాలతో తపస్సులు చేస్తారు....... కొందరు మనసులో స్వార్ధపరమైన కోరికలతో, ఉద్దేశ్యాలతో తపస్సులు చేస్తారు.

ప్రహ్లాదుని వంటివారు రాక్షస జాతికి చెందినా దైవ భక్తులై దైవానుగ్రహాన్ని పొందారు. . కానీ కొందరు రాక్షసులు స్వర్గాన్ని , దేవతలను జయించాలని తపస్సులు చేసారు.

మరి శంభుకుడు ఎందుకు  తపస్సు మొదలుపెట్టాడో ఎవరికి తెలుసు ?

..................................
ఇంకా...

పెద్దలు అంటరానితనాన్ని ప్రొత్సహించేవారే అయితే మహాభారతంలో ధర్మవ్యాధుని కధ ఉంటుందా? ఉండదు కదా .

వర్ణవ్యవస్థ అనేది పుట్టుక ద్వారా మాత్రమేనా లేక వ్యక్తి యొక్క వృత్తి.... ప్రవృత్తి ద్వారా కూడా నిర్ణయించే అవకాశం ఉందా ?

భగవద్గీతలో ఇలాంటి విషయాలగురించి ఏమని చెప్పబడింది ?

ఇలాంటి ఆసక్తికరచర్చలు ఇంతకుముందు చాలామంది చేసారు.

భగవద్గీతలో భగవానుడు .. అందరినీ గౌరవించాలని చెప్పటం జరిగింది. అంటరానితనాన్ని పాటించమని ఎక్కడా చెప్పలేదు.

అంటరానితనం తప్పు అని పెద్దలు ఎందరో చెప్పటం జరిగింది. అయినా అంటరానితనం పాటిస్తున్నారంటే అది పెద్దల తప్పు కాదు. ప్రజల తప్పు.


ఈ విషయాలను గురించి మరింత స్పష్టంగా తెలుసుకోవాలనుకొనేవారు తప్పక శ్రీపాదశ్రీవల్లభ సంపూర్ణ చరితామృతము గ్రంధాన్ని చదవాలి. ( ఈ గ్రంధం ఇంగ్లీషులో ఉందో లేదో నాకు తెలియదండి. )

కులం లేక వృత్తిని బట్టి అంటరానితనాన్ని పెద్దలు ప్రోత్సహించలేదు అని నాకు అనిపిస్తుంది.

ఈ కులవివక్ష  సమాజంలో పెరిగిపోవటానికి కారణం పెద్దలు కాదు. స్వార్ధపరులైన ప్రజలే.

కులం అన్నది పుట్టుకతోనూ వస్తుంది. ఇంకా వ్యక్తి యొక్క వృత్తి, ప్రవృత్తిని బట్టి కూడా ఉండే అవకాశం ఉందని గ్రంధాలను నిశితంగా పరిశీలిస్తే తెలుస్తుంది.

(కులం అన్నదిపుట్టుకతోనూ వస్తుంది,. అయితే వ్యక్తి యొక్క వృత్తిని....... అతని కులాన్ని బట్టీ , ఇంకా ప్రవృత్తిని బట్టి కూడా .....వృత్తిని ఎంచుకునే అవకాశం ఉందని గ్రంధాలను నిశితంగా పరిశీలిస్తే తెలుస్తుంది.)

భగవధ్గీతలో .. జ్ఞానయోగం, మోక్షసన్యాస యోగంలో చాలా వివరాలు ఉన్నాయి. .

నేను అతిగా వ్రాస్తున్నానని కొందరు భావిస్తున్నారు. . కానీ అంతర్జాలంలో .... ఈ క్రింద వ్రాసినవి చదివితే..మనకంటే ముందే ఇలాంటి చర్చలు ఎందరో చేసారని మీకూ తెలుస్తుంది.

౧....Bhagavad Gita: Varna system misunderstanding - Hindu Dharma Forums


2..Vedic Literature Says Caste by Birth is Unjust

By Stephen Knapp (Sri Nandanandana dasa)..

 *************

 ఈ క్రింద వ్రాసిన విషయాలు ఈ పోస్ట్ వేసిన చాలా కాలం తరువాత వ్రాసి పోస్ట్ చేసాను.
..............
అప్పట్లో వేదములు మొదలైనవి నేర్పించటానికి కొన్ని గురుకులాలు ఉండేవి. ఇతర విద్యలు నేర్పించటానికి కూడా కొన్ని విద్యాలయాలు ఉండేవి. ఉదా.. నలందా విద్యాలయము వంటివి. అయితే, అవి అందరికి అందుబాటులో ప్రతి ఊరిలో ఉండటం కాకుండా, కొన్నే ఉండేవి కావచ్చు.

చాలామంది పెద్దవారికి అనేక కారణాలతో తమ పిల్లలను విద్యాభ్యాసం కొరకు వేరే ప్రాంతానికి పంపటం ఇష్టం ఉండదు. పాతకాలంలో చాలామంది పెద్దవాళ్లు తమకు చక్కగా వచ్చిన వృత్తి విద్యలను, అందులో మెలకువలను తమ పిల్లలకు నేర్పించి, వారిని ఆ విద్యలలో నిష్ణాతులుగా చేసేవారు కావచ్చు. 

ఇందువల్ల, పిల్లలకు కూడా విద్య కొరకు ఎక్కడికో వెళ్ళటం, అక్కడ ఆహారం, వసతి గురించి ఇబ్బందులు లేకుండా ఉండేది.పెద్దవాళ్ళకు.. దూరంగా ఉన్న పిల్లలు చక్కగా ఉన్నారో? లేక చెడు సావాసాలతో తిరుగుతున్నారో? అని భయాలూ లేకుందా ఉంటాయి.

అయితే, వంశానుచారం వచ్చే వృత్తులు నేర్చుకునే వారికి, వేరే వృత్తి నేర్చుకోవాలంటే అంత కుదరదు, మరల వేరే వాళ్ల దగ్గరకు వెళ్లి నేర్చుకోవాలి.

ఇలా కొన్ని కారణాల వల్ల కూడా వంశపారంపర్యంగా కొన్ని వృత్తివిద్యలు అలా కొనసాగిఉండవచ్చు.

***************

 ఎన్నో వృత్తివిద్యలుంటాయి. ఒక్కోదానికి కాలేజీలను ప్రతి ఊరిలోనూ ఏర్పాటుచేయాలంటే ఏ రోజుల్లో అయినా కష్టమే.

**************

ఈ రోజుల్లో కూడా కొందరికి అనేక కారణాల వల్ల తమకు ఇష్టమైన విద్య చదవటానికి సీట్ లభించక వేరే చదువు చదువుతారు.

ఇప్పటి వాళ్ళు కొందరు విద్యకొరకు వేరే ప్రాంతాలలో స్కూల్స్, కాలేజీలలో సీట్ల కొరకు ఎంతో కష్టపడి చదివి సీట్లు సంపాదించి హాస్టల్స్లో లేక బయట రూంస్ లో ఉండి చదువుతుంటారు.  కొందరు అక్కడ ఆహారం సరిగ్గా బాగుండక ఇబ్బందులు పడుతుంటారు.
  
ఈ రోజుల్లో మాత్రం అంతా సుఖంగా ఉందా? చిన్నప్పటినుంచి స్కూల్స్లో సీట్ల కొరకు పోటీలు, బోలెడు ఫీజులు, పెద్దయ్యాక.. ఉన్న ఊళ్ళో కాలేజీలో కోరుకున్న చదువులో సీట్ లభిస్తుందో? లేదో? అని టెన్షన్, తరువాత చదివిన చదువుకు ఉపాధి ఎప్పుడు లభిస్తుందో ? అనే టెన్షన్, ఉద్యోగం లభిస్తే పోకుండా ఎంతకాలం ఉంటుందో? అని భయాలు.

 పాతకాలంలో వాళ్ళు చాలామంది తమ పెద్దవాళ్ల ద్వారా వృత్తివిద్యలు నేర్చుకుని ఉపాధి పొందేవారు.

అదొక పరిస్థితి..ఇదొక పరిస్థితి. కొన్ని లాభాలు..కొన్ని నష్టాలు.రెండింటి లోను కొన్ని సంతృప్తులు..కొన్ని అసంతృప్తులు.