ఓం.. ఒక్క స్త్రీగానీ ఒక్క పురుషుడు గాని సంతానాన్ని పొందే అవకాశమూ ఉంది..

దయచేసి  ఈ  పోస్టును  చివరివరకూ  చదవండి.

సంతానాన్ని  పొందాలంటే , స్త్రీ పాత్ర  పురుష పాత్ర  ఉంటుందన్నది  అందరికీ  తెలిసిన  విషయమే.  అయితే , కొన్ని  ప్రత్యేక  పరిస్థితులలో  ఇద్దరి  పాత్ర  లేకుండానే అంటే  కేవలం  ఒక్క  స్త్రీగానీ  ఒక్క  పురుషుడు  గాని   తనకు  తానే   సంతానాన్ని  పొందే  అవకాశమూ  ఉంది. 

దేవతలు  విషయంలో  చాలా  మహిమలు  ఉంటాయి  కాబట్టి,  వారి  విషయంలో  ఇలాంటివి  సాధ్యమే. తపస్సు  ద్వారా  మహిమలను  పొందిన  మహర్షుల  విషయంలోనూ  ఇలాంటివి  సాధ్యమే. 

అయితే  ఈ  మధ్య  కొందరు  ఇలా  జరగటం  అబద్ధం  అంటూ వాదిస్తూ , స్త్రీ పురుష పాత్ర  లేకుండా  సంతానాన్ని  ఎలా  పొందుతారు ? అని  ప్రశ్నిస్తూ  అలాంటివి  జరగటం  అసంభవం  కాబట్టి,  కొందరు ప్రాచీనులు  అక్రమపద్ధతిలో  సంతానాన్ని  పొందారని  వ్రాయటం   ఎంతో  బాధాకరం.

ప్రపంచంలో  మనకు  తెలియని  విషయాలు  అనేకం  ఉన్నాయి.  మనకు  తెలిసిన  అతికొద్ది  విషయాలను  పట్టుకుని  ప్రాచీనులను  అవమానించటం  ఎంతో  ఘోరం. 
............................. 

ప్రపంచంలో  ఫలదీకరణం  లేకుండానే  తమ  జాతిని  వృద్ధి  చేసుకునే  లక్షణాలు  కలిగిన  జీవులు  ఎన్నో  ఉన్నాయి. 

 ఉదా.. పువ్వు పండుగా  మారటం,  పండులోని  విత్తనం  మొక్కగా   మారటం  వంటి   పద్ధతితో  సంబంధం  లేకుండా ,  కేవలం  ఒక  మొక్క  నుంచి  ఆకును  త్రుంచి  నేలలో  పాతితే  ఆ  ఆకు  ఇంకో  మ్రొక్కగా  ఎదిగే  విధానమూ  మనకు  తెలుసు.

 ఇలాగే  మనుషులలో  కూడా  ఒక  మనిషి   తనకు  తానే  సంతానాన్ని  పొందే  విధానమూ  ఉందంటున్నారు. 
............................. 
 ఆధునికవిజ్ఞానం  చెబుతున్న  విధానాలను  చూస్తే ...  

భవిష్యత్తులో  మానవులు  సంతానాన్ని  పొందాలంటే, ఒక  స్త్రీ లేక  పురుషుడు  సంతానాన్ని  పొందాలని  అనుకుంటే  తన  శరీరంలోని కణములలో కొన్ని  మార్పులుచేర్పులు  చేయటం  ద్వారా  రెండవవారి  సహకారం  లేకుండానే  సంతానాన్ని  పొందవచ్చట.

 మూలకణముల   (స్టెంసెల్స్ ) ద్వారా  ఇలాంటివి  సంభవమేనంటున్నారు.

ఈ  ప్రయోగం  కోసం వ్యక్తి  యొక్క  శరీరంలోని  చేయి,  కాలు  లేక  ఏ  భాగం  నుంచి  అయినా  మూలకణాలను  సేకరించవచ్చట.

ఉదా..  ఒక  పురుషుని  స్పెర్ం   మరియు  అతని   శరీరం  నుండి  సేకరించిన కొన్ని  కణములను  అండముగా  మార్చటం  ద్వారా  అతనికి   సంతానాన్ని  కలిగించే  అవకాశాలు  ఉన్నాయి. 

స్త్రీ  అయితే,   ఆమె  అండం   మరియు ఆమె  శరీరం  నుండి  సేకరించిన కొన్ని  కణములను  స్పెర్ం లా  మార్చటం  ద్వారా  ఆమెకు సంతానాన్ని  కలిగించే  అవకాశాలు  ఉన్నాయి . 

ఇవన్నీ  గమనిస్తే,   మనకు  ఏమి  తెలుస్తోందంటే,  ప్రాచీనులు  తెలియజేసిన  విషయాలు  అసత్యాలు  కావని చక్కగా  తెలుస్తోంది. 

ఆధునిక  భౌతిక  శాస్త్రజ్ఞులే  ఇవన్నీ  సాధ్యం  అంటున్నప్పుడు  దేవతలకు,  మహర్షులకు  మరెన్నో  శక్తులు  ఉంటాయి .
........................... 

  ఈ  విషయాల  గురించి  ఇప్పటి  వాళ్ళం  తెలుసుకోవాలంటే  ఆధునిక  విజ్ఞానపరిశోధనల  గురించి  చెబితే  బాగా  అర్ధమవుతుందని  వ్రాసాను . అంతేకానీ  ప్రాచీనుల  విజ్ఞానానికి ,  ఆధునికుల  విజ్ఞానానికి  పోలిక  చెప్పటం  నా  అభిప్రాయం  కాదు. 

 ప్రాచీనులది  దైవభక్తితో  కూడిన  తపశ్శక్తితో సాధించిన  శక్తి  అయితే ,  ఆధునికులది  భౌతికశక్తితో  తెలుసుకున్న  విషయపరిజ్ఞానం. 

 

 ప్రాచీనవిజ్ఞానాన్ని సరిగ్గా అర్ధం చేసుకునే స్థాయికి ఆధునిక విజ్ఞానం ఇంకా ఎదగలేదు. 
...................................
ఒకయోగి  ఆత్మ  కధలో  ఎన్నో  విషయాలు  చెప్పబడ్డాయి. 

 సంకల్పమాత్రం  చేత  వస్తువులను  సృష్టించటం  గురించి,  ఒక  వస్తువును  ఇంకో  వస్తువుగా  మార్చటం  మొదలైన  ఎన్నో  విషయాల  గురించి  తెలియజేశారు.  ఇవన్నీ  అభూతకల్పనలు  కాదు. అద్భుతమైన  విజ్ఞానం. 

వైశేషిక , న్యాయదర్శనాలనే  ప్రాచీన  భారతీయ  గ్రంధాల్లో , పదార్ధ అణునిర్మాణ సిద్ధాంతాన్ని  వివరించడం  జరిగింది. 

ప్రతి అణుగర్భంలోనూ, సూర్యకిరణంలోని అసంఖ్యాకమైన రజోకణాల  మాదిరిగా  విశాలజగత్తులు  ఇమిడి ఉన్నాయి- యోగవాశిష్ఠం.

ఒకయోగి  ఆత్మ  కధలో...హిమాలయాల్లో  మహాభవన సృష్టి ... అనే  అధ్యాయంలో  కొన్ని  విషయాలు....

  బాబాజీ  ఈ  సుందర సౌధాన్ని  తన  మనస్సులోంచి  సృష్టించారు;  దాని  పరమాణువుల్ని తమ  సంకల్పశక్తి  చేత  సుసంఘటితంగా  నిలిపి  ఉంచుతున్నారు- దేవుడి  ఆలోచన  ఈ  భూమిని సృష్టించినట్టూ, ఆయన  సంకల్పం  దీన్ని  నిలిపి  ఉంచినట్టు...ఇలా  అనేక   విషయాలను తెలియజేసారు .  ...........................

మూలకణాల  పరిశోధనల  గురించి  నేను  కొంత కాలం  క్రిందట   ఒక  తెలుగు  దినపత్రికలో  చదివాను.  

ఇంగ్లీష్లో  ఈ  విషయాల  గురించి కొంతవరకు తెలుసుకోవాలంటే  క్రింది  లింక్  ద్వారా  తెలుసుకోవచ్చు.

Stem Cell Research and Same-Sex Reproduction | Tom ...

ప్రపంచంలో  ఫలదీకరణం  లేకుండా  జాతిని  వృద్ధి  చేసుకునే  కొన్ని జీవుల  గురించి...
 

Parthenogenesis - Wikipedia, the free encyclopedia.. 

ఓం,

 వినాయకచవితి పూజలో ఉపయోగించే పత్రి ఎన్నో ఔషధవిలువలు గలిగిన పత్రి. 


ఇప్పుడంటే  పత్రిని  బజారులో  కొంటున్నారు  గానీ, ఇంతకుముందు రోజుల్లో అయితే ఈ పత్రిని  సేకరించటంలో  పెద్దవాళ్ళతో  పాటు పిల్లలు  కూడా పాల్గొనేవారట. అందువల్ల  పిల్లలకు  రకరకాల  మొక్కల  గురించిన వివరాలు, వాటికి  గల  ఔషధగుణాలు   తెలిసేవి . 


  పూజ  తరువాత  , పూజలో  వాడిన  పత్రిని  కూడా  నీటిలో  కలుపటం  ద్వారా  పత్రిలోని  ఔషధ  గుణాలు  నీటిలో  కలిసి  నీరు  బాగుంటుంది.


మట్టితో  తయారుచేసిన   విగ్రహాల   వల్ల     కలిగే  మంచి  గురించి   ఎందరో  ప్రచారం  చేస్తున్నారు.  అందువల్ల  ప్రజలలోనూ  క్రమంగా   చక్కటి  చైతన్యం  పెరుగుతోంది.  


  పర్యావరణానికి  హానిని    కలిగించని   విగ్రహాలను  వాడటానికి  ముందుకొచ్చే  ప్రజల  సంఖ్య  పెరగటం   మంచి  పరిణామం.

.వరుణ పూజలు...

 

వర్షాలు  సరిగ్గా  పడటంలేదని  వరుణపూజలు  చేసారు. వరుణపూజలు  ఫలించి    వానలు కురిసి  నదులలోకి  నీరు  వచ్చింది. 


ఉత్తరభారతంలో  విస్తారంగా  వానలు  కురిసాయి. కర్ణాటక  ఎగువన  కురిసిన  వానల వల్ల   దక్షిణాదిన  కూడా నదులలోకి  నీరు  వచ్చింది.  రెండుమూడునెలల  క్రిందట  కన్నా  పరిస్థితి  చాలా  వరకు  చక్కబడింది. 


  అయితే  వర్షాకాలం  లాగా ఎక్కడికక్కడ  బాగా  వానలు  పడకపోవటంవల్ల   ఉష్ణోగ్రతలు  పెరుగుతున్నాయని  అంటున్నారు.  ఇలా  సకాలంలో  వానలు  పడని  పరిస్థితికి  మనుషుల  స్వయంకృతాపరాధాలే  కారణం.  


అభివృద్ధి  పేరుతో మనుషులు  సాగిస్తున్న  విచ్చలవిడి  పర్యావరణ కాలుష్యం  వల్ల  ఉష్ణోగ్రతలు  క్రమంగా  పెరుగుతున్నాయి. ఒక దగ్గర  వరదలు, ఒక దగ్గర విపరీతమైన ఎండలు ఉంటూ  వాతావరణం  అస్తవ్యస్థంగా  మారుతోంది. 


వానలు  కురవకపోతే  పూజలు  చేయటం  మంచిదే  కానీ, వాతావరణ విధ్వంసాన్ని  మానుకోవాలి. 


.మనుషులు  తమ అంతులేని  కోరికలతో  పర్యావరణాన్ని  విధ్వంసం చేస్తుంటే ,  దైవం  మాత్రం  మనుషులు  చేసే  పూజలకు  మురిసిపోయి  సకాలంలో చక్కగా   వర్షాలు  కురిపించాలని  ఆశపడుతున్నాము.


 దైవం  దయామయులు  కనుక , మనుషులు  ఎన్ని  తప్పులు  చేస్తూన్నా  ఇంకా   వానలు  కురిపిస్తూనే  ఉన్నారు. 


మనుషులు  చేస్తున్న  విధ్వంసం  వల్ల  పర్యావరణం  పాడయ్యి  ఎన్నో  జీవజాతులు  ఇబ్బందులు  పడుతున్నాయి.   ఇంతకుముందు  కొండల  పైన  వృక్షాలు  దట్టంగా  పెరిగేవి. అందువల్ల  ఆ  ప్రాంతములో  వానలు  పడేవి.  ఇప్పుడు  రాళ్ళకోసం  కొండలనూ  పిండిచేసి  మాయం  చేసేస్తున్నారు. 


 మరికొందరు  జనాలు  నేలమీద  స్థలం  దొరకటం  లేదంటూ  కొండలపైకి  ఎక్కి  ఇళ్లు  కట్టేస్తున్నారు.  ఇక  కొండలపైన  చెట్లకు  స్థానం  ఎక్కడిది  ? 


ఇంతకు ముందు  సిమెంట్  రోడ్  లేక  తారు  రోడ్  ఉన్నా ,  కనీసం  రోడ్డుకు  ఇళ్ళకు  మధ్య  మట్టినేల  ఉండేది. 


ఇప్పుడు  నగరాల్లో  మట్టి అనేది   కనబడకుండా  సిమెంట్ తో నేలను  కప్పేస్తున్నారు.   కొందరు , తమ  ఇంటికి  రోడ్ కు  మధ్య  కూడా  మట్టి  కనబడకుండా  సిమెంట్  వేసి,  అదే  గొప్ప  అనుకుంటున్నారు.


మట్టి  నేలంటూ  లేకపోతే  వానలు  కురిసినప్పుడు  పడే  వాననీరు  నేలలో  ఇంకేదెలా  ?  నీరు  నేలలో  ఇంకితేనే  కదా  భూగర్భజలాలు  పెరుగుతాయి. 


 ఇక, కొందరు  పరిశ్రమల  వారు  తమకు  వేలకొలది  ఎకరాల  స్థలం  కావాలంటున్నారు. ఎక్కువగా  యంత్రాలతో  పనులు  చేయించుకుంటూ  కొద్దిమందికి  మాత్రమే  ఉద్యోగాలు  ఇస్తారు. వాళ్ళు  ఇచ్చే  వందల  ఉద్యోగాలకు  స్థలం  మాత్రం  వేల  ఎకరాలు  కావాలంటారు. 


కొన్ని  పరిశ్రమల  భూమి  కోసం  అడవులను  కూడా  కొట్టివేస్తారు.

మనుషులకు  ఎక్కడి  స్థలమూ  చాలటం  లేదు.  భూమి  అంతటా  కాంక్రీట్  కట్టడాల మయం  అయిపోయి,  పర్యావరణం  అంతటా  కాలుష్యంతో  నిండి, ఉష్ణోగ్రతలు  పెరుగుతుంటే  సకాలంలో  వానలు  ఎలాపడతాయి  ?


 మనుషులు తాము  పర్యావరణానికి   కలగజేస్తున్న  విధ్వంసాన్ని  గ్రహించాలి. లేకపోతే  ముందుముందు  ఏం  జరుగుతుందో  ఊహించటం  కష్టమే.

కొన్ని విషయాలు... రెండవ భాగము..సమాజంలో వ్యవస్థలు..పరిస్థితులు...

 

 

ఈ క్రింద విషయాలను ఈ పోస్ట్ వేసిన చాలాకాలానికి వ్రాసి ఇక్కడ వేయటం జరిగింది.

 
కొన్ని విషయాలు... సమాజంలో వ్యవస్థలు..పరిస్థితులు.రెండవ భాగము..

 
ప్రాచీన సిద్ధాంతం ప్రకారం, పునర్జన్మలు ఉంటాయి.అలాంటప్పుడు ఏ జీవి అయినా పశుపక్ష్యాదులుగా జన్మించాలా? మనిషిగా జన్మించాలా? మనిషి అయితే ఎక్కడ?ఎలా జన్మించాలి? అనే విషయాలను ఏ విధంగా నిర్ణయిస్తారు? అనే సందేహాలు కలుగుతాయి. 

 

జీవులు గత జన్మలో చేసిన కర్మల ప్రకారం అవన్నీ నిర్ణయించబడతాయని ప్రాచీనులు తెలియజేసారు. అర్హతను బట్టి జన్మను నిర్ణయించటం సరైనదే . గతకర్మల ఫలితాలను స్వర్గంలో, నరకంలో కొంత అనుభవించి, మిగతా కర్మతో మరుజన్మను పొందుతారని తెలుస్తుంది.

ఆధునిక విజ్ఞానం కూడా మరణమే జీవులకు ఆఖరిగమ్యం కాదని కనుగొన్నారు.

 

ఆధునికవిజ్ఞానం"Matter and energy cannot be created or destroyed "అని  వివరించటం జరిగింది. ఈ  సూత్రం ప్రకారం చూసినా  జన్మలు, పునర్జన్మలు ఉండే మాట వాస్తవమే  అనిపిస్తుంది. రూపాన్ని మార్చుకోవటం తప్ప, ఏదీ కొత్తగా రాదు..అంతరించదని తెలుస్తుంది.

కొన్ని జీవులు మోక్షానికి వెళ్ళటం జరుగుతుంది.  మోక్షానికి వెళ్లినాకూడా,  కొందరు కొన్నిసార్లు లోకహితం కొరకు జన్మను ధరించటమూ జరుగుతుందనిపిస్తుంది.

మహాప్రళయంలో చాలా జీవులు సూక్షంగా ఉండి,సృష్టి ఆరంభం తర్వాత మరల జన్మలను ధరిస్తాయని తెలుస్తోంది. విత్తనంలో దాగిఉన్న చెట్టు మహావృక్షం అయినట్లు కాబోలు..

జీవులకర్మల ప్రకారం  జన్మ వస్తుందనేది నిర్ణయమవుతుంది. మంచిపనులు చేస్తే మంచిజన్మ, చెడుకర్మలు చేస్తే దానికితగ్గ జన్మ వస్తుందంటారు. 

 

కష్టాలతో ఉన్న జన్మ వచ్చినాకూడా, మంచిబుద్ధి కలిగి మంచిగా ఉంటే, పాపకర్మ కరిగి మంచిజరిగే అవకాశం ఉంటుంది. 

 

ఈ జన్మలో మనిషిగా జన్మిస్తే, ఇంతకుముందు జన్మలో ఎలాంటి జన్మనో? ఎవరికి తెలుసు?

 

ఎవరైనా చదువులో పరీక్ష పాసవ్వాలంటే అందుకుతగ్గ మార్కులు రావాలి. ఉద్యోగంలోకి తీసుకోవాలంటే ఆ వ్యక్తి యొక్క విద్యను, నైపుణ్యాన్ని పరిశీలిస్తారు. మరి ఎటువంటి జన్మను ఇవ్వాలి ..అనే విషయానికి కూడా అందుకు తగ్గ పద్ధతులుంటాయి కదా..
...............................

సమాజంలో అందరి పరిస్థితి ఒకేలా ఉండదు. ఒకే కుటుంబంలోని వారికి కూడా ఒకేలా పరిస్థితులు ఉండవు. ఒకే కుటుంబంలో కూడా కొందరికి ఆరోగ్యం బాగుంటుంది, కొందరికి బాగోదు. కొందరికి డబ్బు బాగా ఉంటుంది, కొందరికి ఎక్కువడబ్బు ఉండదు.

వారి గతకర్మల ప్రకారం మరియు ప్రస్తుత జీవనవిధానం ప్రకారం జీవితం ఉంటుంది.

  సమాజంలో ఒకే విధంగా పనులు ఉండవు..ఎన్నో పనులు, ఎన్నో వ్యక్తిత్వాలు ఉంటాయి. 

 ఆఫీసులు నడవాలంటే చైర్మన్ ఒక్కరే ఉంటే జరగదు, ఆఫీసర్లు, క్లర్కులు..అందరూ అవసరం. ఏదైనా పని చేయాలంటే, దానికి తగ్గ విద్య తెలియాలి. వారు నేర్చుకున్న విద్యకు తగినట్లు ఉద్యోగాలు వస్తాయి. 

మనకే సొంత ఆఫీసు ఉంటే అక్కడ ఉద్యోగాల్లో తగిననైపుణ్యం, చదువు ఉన్నవారినే నియమిస్తాము. తగినంత అర్హత లేనివారిని నియమించముకదా..పెద్ద ఉద్యోగం రావాలంటే కష్టపడి చదవాలి.

ఉద్యోగాన్ని బట్టి జీతాలుంటాయి. వ్యక్తులు చదివిన చదువును బట్టి, శ్రమను బట్టి, సమాజంలో దానికి ఉన్న విలువను బట్టి జీతాలుంటాయి. ఈ విషయాల్లో కొందరికి అభిప్రాయభేదాలుంటాయి.

స్త్రీలు తాము ఇంట్లో కష్టపడి చాలాపనులు చేస్తారు కాబట్టి, తమ పనులు ఎంతో విలువైనవని భావిస్తారు. పురుషులు తాము బయట కష్టపడి చాలాపనులు చేస్తారు కాబట్టి, తమ పనులు ఎంతో విలువైనవని భావిస్తారు.  సమాజం సవ్యంగా సాగాలంటే ఎందరో ఎన్నో పనులు చేయవలసి ఉంటుంది.
....................................................
ఒక మహారాజు.. ఒక సేవకవృత్తిలో ఉన్న వ్యక్తి..ఇద్దరూ గౌరవనీయులే. 

 

 మహారాజుకు కొంత ప్రత్యేక గౌరవాన్ని ఇవ్వటం జరుగుతుంది. సేవకవృత్తిలో ఉన్నవారిని  మహారాజులా గౌరవించకపోయినా, గౌరవించాలి.

చులకనచేయకూడదు. 

 

ఏ వృత్తిలో ఉన్నవారికైనా నిత్యావసరాలకు తగినంత డబ్బు ఉండాలి. ఏ వృత్తిలో ఉన్నవారినైనా అగౌరవించకూడదు.మంచిగా ఉండాలి.  ఏ వృత్తి తక్కువది కాదు.

 పారిశుధ్యకార్మికులు కొన్నాళ్ళు చెత్త తీయకపోతే చాలా కష్టం.అప్పుడువారి విలువ తెలుస్తుంది. పారిశుధ్యకార్మికులకు కూడా సరైన జీతభత్యాలుంటే, వారిని ఎవరూ తక్కువగా చూడకపోతే వారు ఆ పనిని చేయడానికి బాధపడకపోవచ్చు.
..........................................

నియమాలతో వేదములు నేర్చుకోవటం, యుద్ధవిద్యలు నేర్చుకోవటం, వ్యవసాయం, చేతివృత్తులు..వీటన్నింటికన్నా వ్యాపారం కొంత బాగుంటుందని ఎక్కువమంది వ్యాపారం చేయడం మొదలుపెడితే, మిగతా పనులు చేసేవాళ్లు లేక సమాజం సరిగ్గా జరగదు. 

 

వ్యవసాయం, వృత్తివిద్యలు చేయకపోతే, అమ్మటానికి సరుకులు లేక వ్యాపారం కూడా చేయలేరు. సమాజంలో అన్ని పనులు చేసేవాళ్లు అవసరమే.
........................................

 

కొందరు మనుషులకు డబ్బు ఎక్కువలేకున్నా, మంచి వ్యక్తిత్వాన్ని కలిగి ఉంటారు. కొందరికి డబ్బు బాగా ఉన్నా, చెడు ఆలోచనలు, పాపాలు చేసేవారిగా ఉంటారు. ఇలాంటప్పుడు డబ్బుఎక్కువ లేకున్నా కూడా,  మంచివ్యక్తులే గౌరవనీయులు.

.............................. .................

 

 మరికొన్ని విషయములు...

  నాకు సంస్కృతము తెలియదు.  

 

  సంస్కృతములో కొన్నిచోట్ల (కొన్నిసార్లు)  ఒకే పదానికి కూడా ఒకే అర్ధము అని కాకుండా,  మరికొన్నిఅర్ధాలుంటాయట,  ఒక్క అక్షరం మారినా, పలకటంలో తేడా వచ్చినా..అర్ధం మారే పరిస్థితి ఉంటుందట. 

 

ఉదా..వంద్యా అంటే ఒకవిధమైన అర్ధం, వంధ్యా అని వత్తి పలికితే వేరే విధమైన అర్ధం అని తెలిసింది. అందువల్ల జాగ్రత్త తీసుకోవాలి. 

 ..............................

 వర్ణసంకరము అంటే అర్ధము ఏమిటోనని నాకు సందేహాలు కలిగాయి. 

 

సంస్కృతములో వర్ణము అంటే కొన్ని అర్ధములు ఉండవచ్చు. సాంకర్యము అంటే  కొన్ని అర్ధములు ఉండవచ్చు. వర్ణసాంకర్యము అంటే కొన్ని అర్ధములు ఉండవచ్చు. 

 

 వర్ణసాంకర్యము అంటే ఏమిటో దైవానికే తెలుస్తుంది.

 ......................................
 నాకు తోచిన ఆలోచనలు...

  

  వర్ణసాంకర్యము తప్పు, వర్ణసంకరం జరగకూడదని అంటారు...అంటే ఎవరూ తమ వృత్తిని మార్చుకోకూడదని అర్ధం అయితే,  

ప్రాచీనకాలంలో కూడా కొందరి విషయంలో వృత్తులు మారటం, ఒకే కుటుంబంలో వివిధవృత్తులు చేయటం జరిగిందట. ఉదా..పాండవులు కొంతకాలం విరాటరాజుకొలువులో వివిధ వృత్తులను చేసారు.

మనుషులలో గుణాలు, స్వభావము మారటం అనేది కూడా ఉంటుంది.ఎవరైనా చెడుగా మారకూడదుకాని, మంచిగా మారటం మంచిదే. 

 

 ఉదా..అరణ్యాలలో సామాన్యంగా జీవించే వ్యక్తి తన స్వభావాన్ని మార్చుకుని వాల్మీకి మహర్షిగా మారారు.  

.................................................

 

 వర్ణము అంటే వృత్తులు అని కూడా అనుకుంటే, వర్ణసాంకర్యము చేస్తే తప్పు.. అని అంటే, 

 

స్త్రీలైనా, పురుషులైనా, ఎవరైనా.. వారి పనిని మంచిగా చేయాలి, పనిలో చెడును కలపకుండా మంచిగా పద్ధతిగా  పని చేయాలి అని ( తమ వృత్తిలో మోసం, పాపాలు..వంటివి చేయకూడదని ..). 

 
వర్ణసంకరం కాకూడదు.. అంటే,  ఈ అర్ధాన్నికూడా భావించవచ్చని నాకు అనిపించింది. 

 ......................................................

 

అత్యంత ప్రాచీనకాలంలో వర్ణవ్యవస్థ, పుట్టుకతో వచ్చేదిగా ఉండి, క్రమంగా వృత్తులతో వచ్చే కుల వ్యవస్థగా మారి ఉండవచ్చని కొందరి అభిప్రాయం.

అత్యంత ప్రాచీనకాలంలో వర్ణవ్యవస్థ, వ్యక్తుల స్వభావము మరియు పనిని బట్టి ఉండేదని, క్రమంగా పుట్టుకతో వచ్చే కుల వ్యవస్థగా మారి ఉండవచ్చని కొందరి అభిప్రాయం. 

అయితే, అగ్రవర్ణాలుగా ఉన్నవారిలో..ఉపనయనం  జరగకుండా వారికి ద్విజత్వం రాదు, అందాకా వీళ్ళు శూద్రుల కిందనే  లెక్క..అని కూడా అంటారు.

వర్ణము  లేక  కులము..అనేది పుట్టుకతోను ఉండవచ్చు, వృత్తిని(పని..)బట్టి కూడా ఉండవచ్చని కొందరి అభిప్రాయం.
  
స్త్రీకి వివాహానికి ముందు తండ్రి యొక్క వర్ణము(కులము..), వివాహానికి తరువాత భర్త యొక్క వర్ణము(కులము..) ఉండి ఉండవచ్చని కొందరి అభిప్రాయం.

 

 అప్పట్లో చాలామంది స్త్రీలు ఇంటిపట్టున ఉండి ఆహారం వండటం, ఇల్లు చక్కదిద్దుకోవటం, చంటిపిల్లల సంరక్షణ, పిల్లలను చక్కగా పెంచటం..చేసేవారు. మరల బయటకొచ్చి ఉద్యోగాలు అని బోలెడుపని చేసేవారు కాదు.

.........................................

ఈ రోజుల్లో.. ఎవరైనా  వేరేవేరే కులాల వాళ్లు వివాహం చేసుకుంటే  జన్మించిన పిల్లలకు తండ్రి యొక్క కులాన్ని చెప్పే పద్ధతి పాటిస్తున్నారు.  తల్లి తండ్రి విడిపోయినా లేక కొన్ని సందర్భాలలో...తల్లి లేక తండ్రిలో ఎవరి కులం పిల్లలకు రావాలనేది.. ఎంచుకునే అవకాశం కూడా ఉందట.

విజ్ఞాన సూత్రాల సహాయంతో..ఒక్క స్త్రీ మాత్రమే లేక ఒక్క పురుషుడు మాత్రమే సంతానాన్ని పొందితే, ఆ పిల్లలకు ఆ ఒక్క పేరెంట్ కులమే వస్తుంది కావచ్చు.

................................................

 

 విషయాలను గమనిస్తే ఏమనిపిస్తుందంటే, సమాజంలో పనివిభజన, వృత్తులు ఏర్పడ్దాయి.

పిల్లలకు తండ్రి చేసే వృత్తి కాకుండా, వేరే వృత్తి నేర్పించాలంటే ఉన్న ఊరిలో అవకాశాలు లేక,  వేరే ఊరికి పంపటం ఇష్టం లేని పరిస్థితిలో కూడా వంశపారంపర్య వృత్తులు కొనసాగిఉండవచ్చు.   ఇలా కూడా పుట్టుకతో ఒకకులం అనేది కొనసాగుతుంది. 

 కులాలు ఏర్పడి, ఎవరివృత్తులు వారికి ఉన్నాకూడా, కొన్నిసార్లు ఇతరవృత్తులను కూడా చేసినట్లు తెలుస్తోంది.

 ప్రపంచంలో వివక్ష అనేది అనేక   విషయాలలో ఉంది. ప్రాచీనకాలంలో ఏం జరిగిందో కాని, ఇప్పటినుంచి ప్రపంచంలో వివక్ష అనేది లేకుండా అందరూ  ప్రయత్నించితే మంచిది.

........................................

 

గ్రంధాలలో ఉన్న ప్రాచీనకాలం నాటి విషయాలలో, కధలలో ఎన్నో విషయాలుంటాయి. ఎన్నో అంతరార్ధాలుంటాయి. ఎన్నో కోణాలుంటాయి. ఎన్నో విధాలుగా విశ్లేషించి తెలుసుకోవాలి. పైపైనచూసి గబుక్కున నిర్ణయానికి రాకూడదు.వారి పూర్వజన్మకర్మలను బట్టి కూడా కధలలో విషయాలుంటాయి. 

 

గ్రంధాలలో కొన్ని ప్రక్షిప్తాలు (మార్పులుచేర్పులు) జరిగాయని తెలుస్తుంది.ఏది ప్రక్షిప్తమో సరిగ్గా తెలియకపోవచ్చు.

గ్రంధాలలో  ప్రాచీనకాలపు కధలలో చెప్పబడిన వాళ్లు ఇతర లోకాల్లోనివాళ్లు కావచ్చు.   కొందరు, ఇతరగ్రహాలవాళ్లు కూడా ఉంటారు. భూమిపైన రాజ్యాలవాళ్లు, దేశాలవాళ్లు, రాష్ట్రాలవాళ్లు కూడా ఉంటారు.

ప్రాచీనకాలంలో భూమిపై వివిధఖండాలు కాకుండా, ఒకే ఖండముగా ఉండేదంటున్నారు.
.............................................

 విశ్వంలో ఎన్నో డైమెన్షన్లున్నాయంటారు. సృష్టిలో అపారమైన విజ్ఞానం ఉంది.  ఎన్నో రహస్యాలుంటాయి. అన్నీ దైవానికి మాత్రమే తెలుస్తాయి.

 

మనుషులు సృష్టిలోఉన్న ప్రతి విషయాన్ని తెలుసుకోలేరు. కొన్ని విషయాలను, సందేహాలను తెలుసుకోవచ్చు.

 

ఇంకా సందేహాలు ఉన్నాకూడా, వాటిగురించి అదేపనిగా ఆలోచించటం కన్నా, అవసరమైనంతలో కొన్ని తెలుసుకుని, అన్నింటికి మూలమైన దైవాన్ని నమ్ముకుంటే సరిపోతుంది.   

 

 ప్రాచీన గ్రంధాలలో ఎంతో విజ్ఞానం ఉంది..గ్రంధాలలోని ఆయుర్వేదాన్ని కాని, ఇంకా ఏదైనా విద్యనుకాని నేర్చుకోవాలంటే నేర్చుకోవచ్చు. అయితే, గ్రంధాలలోని విజ్ఞానాన్ని అంతా తెలుసుకోవాలని, ఎప్పుడూ సందేహాలతో సతమతమవుతూ ఉంటే చాలాకష్టం.
 
జీవితంలో ప్రతి సందేహాన్ని తీర్చుకోవటమే మన జీవితలక్ష్యం కాదుకదా, దైవకృపను పొందటం..ముఖ్యము. దైవముదయ ఉంటే అన్నీ ఉంటాయి.

సృష్టిలో ఎన్నో విషయాలుంటాయి. ఎన్నో రహస్యాలుంటాయి. దైవానికే అన్నీ సరిగ్గా తెలుస్తాయి.
.................................

  వ్రాసినవాటిలో ఏమైనా తప్పులు ఉంటే దయచేసి క్షమించమని దైవాన్ని ప్రార్ధిస్తున్నాను.

 ....................................

 

భారతీయ విజ్ఞానం గురించి కొన్ని లింక్స్..

 

 ప్రాచీనులు అందించిన అద్భుతమైన విజ్ఞానం... ..

 

 ఓం.. ఒక్క స్త్రీగానీ ఒక్క పురుషుడు గాని సంతా...

 

. వేదం ఒప్పుకున్నదే సద్ధర్మం.......

 

ఓం,
నారాయణ  మహర్షి  నారద  మహర్షికి  ఎన్నో  విషయములను  తెలియజేసారు. వాటిలోని  కొన్ని  విషయములు..

 (శ్రీ  దేవీ  భాగవతము  నుంచి  తెలుసుకున్నవి...)

. జీవికి  కడదాకా  నిలిచేది  ధర్మమొక్కటే. తల్లిదండ్రులు గానీ భార్యాపుత్రులు గానీ జ్ఞాతి  మిత్రులు గానీ ఎవ్వరూ నిలవరు. తాను ఆచరించిన ధర్మమే తనకు  సహాయకారి...

శాస్త్రీయమనీ  లౌకికమనీ ఈ ఆచారం రెండు విధాలు.రెండూ అనుష్టింపదగినవే. దేనినీ  పరిత్యజించటానికి  వీలులేదు. గ్రామ జాతి దేశ కుల ధర్మాలుంటాయి. వాటిని  పాటించాలి. ఉల్లంఘించకూడదు.

దురాచారుణ్ణి  లోకం  నిందిస్తుంది.వాడు దుఃఖభాజనుడవుతాడు.వ్యాధిపీడితుడవుతాడు. ధర్మవిరుద్ధమైన అర్ధకామాలను  పరిత్యజించాలి.అలాగే లోకవిరుద్ధమైన ధర్మాన్నీ పరిత్యజించాలి. అది సుఖప్రదం కాదు కనక.

నారాయణమహర్షీ ! మనకు శాస్త్రాలు అనేకం ఉన్నాయి.ధర్మమార్గాన్ని  నిర్ణయించడంలో  దేన్ని  ప్రమాణంగా  తీసుకోవాలి  అనేది  పెద్ద  సందేహం.

నారదా ! సందేహం  ఏమీ  లేదు. శ్రుతిస్మృతులు  రెండూ  రెండు  కళ్ళు. పురాణమే  హృదయం. ఇవి  మూడూ  చెప్పినదే  ధర్మం. మరోటి  కాదు. ఈ మూడింటిలోనూ పరస్పర  విరోధం  కనిపిస్తే  అక్కడ  వేదానిదే  తుదితీర్పు. 

స్మృతిపురాణాల  కన్నా  వేదం  చెప్పినదే  ప్రమాణం. వేదంలోనే  ద్వైధీభావం  కనిపిస్తే  అప్పుడు అవి రెండూ  ధర్మాలుగానే  పరిగణించాలి.స్మృతులలో ద్వైధీభావం  కనిపించినా  ఇంతే. వేదంతో  సరిచూసుకోవాలి. ..


.కొన్నిచోట్ల  పురాణాలలోనూ  తంత్రగ్రంధాలలోనూ  కనిపించేవాటిని  కూడా  యధాతథంగా  ధర్మాలుగా  స్వీకరించాలని  కొందరు  అంటున్నారు.కానీ అది సరి కాదు. వేద  విరుద్ధం  కానంత  వరకే  పురాణాలుగానీ  తంత్ర గ్రంధాలు గానీ  ప్రామాణికాలు. ప్రత్యక్షంగా శ్రుతి  విరుద్ధమైన  ధర్మం ఎవరు  చెప్పినా  అప్రామాణికమే. 


ధర్మమార్గ  నిర్ణయంలో సర్వదాసర్వధా వేదమొక్కటే పరమప్రమాణం. దానికి  అవిరుద్ధంగా  ఉంటే స్మృతులూ  పురాణాలూ  తంత్రగ్రంధాలూ  చెప్పినవి  కూడా  కొండొకచో ప్రామాణికాలు అవుతాయి.మరింకేమీ ప్రామాణికం కానే కాదు.


వేదధర్మాన్ని  కాదని  ఇతర ప్రమాణాలను  పట్టుకుని  ఆ మార్గాల్లో  నడిచే  వారికోసం  యమలోకంలో  నరకకుండాలు  సిద్ధంగా  ఉన్నాయి. అందుచేత  వేదోక్తమే  ధర్మం. దానినే  ప్రయత్నపూర్వకంగా  ఆచరించాలి. స్మృతులూ  పురాణాలూ  తంత్రాలూ  శాస్త్రాలూ  ఏది  చెప్పినా  వేదమూలమైనంతవరకే  ప్రామాణికం.


కొందరు ఏవేవో కుశాస్త్రాలను  ప్రమాణాలుగా  చూపించి ప్రజలను  తప్పుదోవ  పట్టిస్తుంటారు. అటువంటివారు  నరకానికి  పోతారు....అందుచేత  వేదం  ఒప్పుకున్నదే  సద్ధర్మం.  దానినే  ఆచరించాలి.. .  అంటూ  ఎన్నో  విషయాలను  తెలియజేసారు.
.......................

వేదంలోనే  ద్వైధీభావం  కనిపిస్తే  అప్పుడు అవి రెండూ  ధర్మాలుగానే  పరిగణించాలి. అనే  విషయం గురించి .. కొన్ని  అభిప్రాయాలను  వ్రాయటం  జరిగింది. . నాకు ఏమనిపించిందంటే,

 

ఆలస్యం అమృతం విషం ..అని చెప్పిన పెద్దలే నిదానమే ప్రధానం.. అనీ తెలియజేసారు. ఇదేమిటి ? ఇలా పరస్పర విరుద్ధంగా చెప్పారు ? అనుకోకూడదు. రెండూ సరైనవే.

ఉదా..ఎక్కడైనా అగ్నిప్రమాదం జరిగినప్పుడు, నిదానమే ప్రధానం .. అనే సూత్రాన్ని పాటించకూడదు. ఇలాంటి పరిస్థితిలో ఆలస్యం అమృతం విషం ..అనే సామెత ప్రకారం నడుచుకోవాలి.వీలైనంత త్వరగా వెళ్ళి మంటలను ఆర్పాలి.


ఉదా..ఎక్కడైనా భార్యాభర్తల మధ్య గొడవలు వచ్చినప్పుడు, ఆలస్యం అమృతం విషం.. అనుకుంటూ వెంటనే వెళ్ళి విడాకులు ఇప్పించకుండా , కొంతకాలం వేచి చూస్తే , భార్యాభర్త తమ పట్టుదలలను విడిచిపెట్టి సర్దుకుపోయే అవకాశం ఉంది. ఇక్కడ నిదానమే ప్రధానం.. అనే సూత్రం బాగానే ఉంటుంది.

వ్రాసిన అభిప్రాయాలలో  ఏమైనా  పొరపాట్లు  ఉంటే  దయచేసి  క్షమించాలని  దైవాన్ని  ప్రార్ధిస్తున్నాను. 

యమధర్మరాజు సావిత్రికి తెలియజేసిన కొన్ని విషయములు.. మరియు..

కొందరు  ప్రజలు తమకు  నచ్చినదే  ధర్మం  అంటారు . 

నాకు నచ్చినదే  ధర్మం , నాకు  తోచినట్లే  నేను  ప్రవర్తిస్తాను.. అంటూ  ప్రతి  ఒక్కరూ సమాజానికి  హాని  కలిగించే  విధంగా  ప్రవర్తిస్తే  సమాజం  అల్లకల్లోలం  అయిపోతుంది. అలా   ప్రవర్తిస్తే  ఏ చట్టమూ , ఏ  న్యాయస్థానమూ  ఒప్పుకోవు కదా !

  సమాజక్షేమం  కోరి  పెద్దలు  కొన్ని  కట్టుబాట్లను  ఏర్పరిచారు.  సమాజం  సజావుగా  సాగటానికి  ఏర్పరుచుకున్న  ధర్మాలను  సరిగ్గా  పాటించినప్పుడే  సమాజం సజావుగా  సాగుతుంది.
............
  
అయితే, ఏది  ధర్మం  ? ఏది  అధర్మం  ? అనే విషయంలో  ప్రజలకు  అనేక  సందేహాలు  వస్తూంటాయి. 

ఈ  విషయములను ప్రజలకు  మరింత  వివరంగా  తెలియజేయాలని  భావించి , ఆ  వివరాలను  పెద్దలు  పురాణేతిహాసాల  కధల  ద్వారా  లోకానికి   తెలియజేశారు. 

ఎన్నో  కధలు,  ఎన్నో  పాత్రలు, చిత్ర  విచిత్రమైన మలుపులు, ఎన్నో   విభిన్నమైన కోణాలు..ఇలా  ఎన్నో అద్భుతమైన విషయాలను  తెలియజేసారు.

...................

ఎంతటి  గొప్పవాళ్ళైనా  సరే  పొరపాటుగా  ప్రవర్తిస్తే....
  
ఒకసారి  ఇంద్రుడు, దుర్వాస  మునీంద్రుడు ఒకరికొకరు  ఎదురుపడ్డారు.తనకు  విష్ణుమూర్తి  ఇచ్చిన  పారిజాత పుష్పాన్ని  దుర్వాసుడు ప్రేమగా  ఇంద్రునికి  కానుక చేశాడు. 

దాన్ని  స్వీకరించి  దేవేంద్రుడు కళ్ళకు  అద్దుకుని శిరస్సు  మీద  పెట్టుకోవలసింది  పోయి నిర్లక్షంగా  తన  ఐరావతం  శిరస్సు  మీదకు  విసిరాడు. ఈ సంఘటనలో  దుర్వాసుడికి  మహాకోపం  వచ్చి ఇంద్రుని  శపిస్తాడు.

ఇంద్రుడు  గజగజలాడుతూ  దుర్వాసుని  పాదాలపై  పడి ప్రాధేయపడగా,  మునీశ్వరుడు  కాస్త  మెత్తబడి  ఎన్నో విషయములను  ఉపదేశిస్తారు.

జరిగిన విషయములను ఇంద్రుడు బృహస్పతికి తెలియజేయగా ..

. ఒకరి  శాపం  గానీ  ఒకరి  ఆశీస్సు  గానీ  మన  కర్మఫలాలే. మహాలక్ష్మి వరించినా మహాదైన్యం  లభించినా  కర్మఫలమే..అంటూ  వారు  ఎన్నో  విషయములను  వివరిస్తారు. 

తరువాత  కొన్ని  ప్రయత్నముల  తరువాత  ఇంద్రుడు  తన  ఐశ్వర్యాన్ని  తిరిగి  పొందుతారు.

ఎంతటి  గొప్పవాళ్ళైనా  సరే , పొరపాటుగా  ప్రవర్తిస్తే  దానికి  తగ్గ  ఫలితాన్ని  అనుభవిస్తారని ఈ  సంఘటన ద్వారా  తెలుసుకోవచ్చు.

..................

సంధ్యావందనము  యొక్క  ప్రాముఖ్యత..

ఒకప్పుడు  పరాశర మహర్షి  అశ్వపతికి ఉపదేశించిన విషయములలో  కొన్ని  విషయములు..

.సంధ్యావందన  పరిపూతుడైన  బ్రాహ్మణుడి  పాదధూళితో  భూదేవి  పవిత్రురాలవుతుంది. అతని  స్పర్శతో  నదీజలాలు  పావనమవుతాయి. గరుత్మంతుణ్ణి  చూసిన  పాములలాగా  పాపాలు  పారిపోతాయి.  
సంధ్యావందనం  చెయ్యనివాడు  అందించే  పిండతర్పణాలను  పితృదేవతలు  స్వీకరించరు.  పూజానైవేద్యాలను  దేవతలు  అంగీకరించరు. 
..................

యమధర్మరాజు  సావిత్రికి  తెలియజేసిన  విషయములలో  కొన్ని  విషయములు..

ఏ  రకమైన  ద్రవ్యాన్ని  ఎవరి  నుంచి  కాజేసినా  చోరుడు  నక్రముఖి  కుండములో  నలిగిపోవలసిందే.  మూడు  శతాబ్దములు  యమభటుల  దండతాడనలు  తినవలసిందే.  

ఆ పైని  రోగిష్టి  ఎద్దుగా  ఏడు  జన్మలు   దుఃఖించి  మానవుడై  మహారోగిగా అందరితోనూ  ఏవగింపబడి  కడపటికి  పరిశుద్ధి  పొందుతాడు. 


ఏనుగుల్నీ  గుర్రాల్నీ  పశువులను  చంపినవాడు గజదంశకూపంలో  మూడుయుగాలపాటు  యాతనలు  అనుభవిస్తాడు. నాగదంతాలతో  యమభటులు  కుళ్ళబొడుస్తుంటే  కుయ్యోం మొర్రో మని  పెడబొబ్బలు  పెడతాడు. అటుపైని  ఆయాజంతువులుగా  మూడేసి  జన్మలు ఎత్తుతాడు. నరుడై  శుచి అవుతాడు.
....

బ్రహ్మహత్యా  సమానాలు...

బ్రహ్మహత్య  అంటే  బ్రాహ్మణుడిని  చంపటం  అనేకాదు.  ఇంకా  చాలా  రకాలున్నాయి. 

శ్రీకృష్ణాది  దేవతల  పట్ల  భేదభావాన్ని  పాటించి  ఆదరానాదరాలు  చూపిస్తే  అది బ్రహ్మహత్యా  సదృశం. ..

గురు మాతాపితృ భార్యాపుత్రుల్ని  పోషించకపోయినా  అవివాహితుడిగా  సంతానం  పొందినా  బ్రహ్మహత్య  చేసినట్టే. ఇదే  ఆతిదేశిక  బ్రహ్మహత్య. 

...........

పురుషుడికి  పరిణయమాడిన  స్త్రీ  మాత్రమే  గమ్య. తక్కిన  వనితలందరూ  అగమ్యలు.  అంటే  పొందుకోరరానివారు. అగమ్యాగమనం  నూరు  బ్రహ్మహత్యలతో  సమానం. కుంభీపాక  నరకమే  శిక్ష. 
..........

దేహస్వరూపాన్ని  వివరిస్తూ...

స్థూల  శరీరం  పంచభూతాత్మకం.  అది  కృత్రిమ  దేహం  కనక  నశ్వరం - బూడిద  అయిపోతుంది.మట్టిలో  కలిసిపోతుంది. పంచభూతాలూ  పంచభూతాలలో  కలిసిపోతాయి.  అటుపైని అంగుష్ఠప్రమాణంతో  జీవుడు  మిగులుతాడు.  ఇది  సూక్ష్మదేహం.  దీనితోనే  శుభాశుభకర్మఫలాలు  అనుభవిస్తాడు. ఇది నశించదు.  శిధిలం  కాదు. అగ్ని  దగ్ధం  కాదు. శస్త్రాస్త్రాలకు  లొంగదు. తప్తద్రవ  తప్తతైల  తప్తపాషాణాది  కూపాల్లో  ఎంతకాలం  ఎన్ని  శిక్షలు  వేసినా  చెక్కుచెదరదు.  దుఃఖాలను  మాత్రం అనుభవిస్తూంటుంది...ఇలా  అనేక  విషయాలను  తెలియజేసారు.
................................... 

పై  విషయాలను గమనిస్తే  మనకు  అనేక  విషయాలు  తెలుస్తాయి.

అయితే,  తెలిసో తెలియకో  పాపాలు  చేసి  కష్టాలను అనుభవించే  జీవుల  పట్ల  కరుణను  కలిగి  ఉన్నవాళ్ళకు   పుణ్యం  వస్తుంది .

ధర్మం...

 నేడు  స్వాతంత్ర్యదినోత్సవం  . 

స్వాతంత్ర్యం  వచ్చి  ఎన్నో  సంవత్సరాలు  గడిచినా  ఇంకా  దేశంలో  ఎన్నో  సమస్యలు  ఉన్నందుకు , అనేక  విషయాలలో   సహాయం    కోసం  విదేశాల  వైపు  చేతులు  చాపుతున్నందుకు  మనం  సిగ్గుతో  తలదించుకోవాలి.  

 ఆకలితో  అల్లాడుతున్న  అభాగ్యులు  కొందరు,   ఆత్మహత్యలు  చేసుకుంటున్న  అన్నదాతలు  కొందరు,

  దేశం  నుంచి  దోచుకున్న  వేలకోట్ల  సొమ్మును  విదేశాలకు  తరలిస్తూన్న  దేశద్రోహులు  కొందరు,  అనేక  సమస్యలతో  ఉన్న  దేశంలో  ఆడంబరాలతో , వినోదాలతో  ఎంతో  సమయాన్ని వృధా  చేస్తున్న   ప్రజలు  కొందరు  ,

ఇక  , దేశానికి    స్వాతంత్ర్యం  వచ్చిందని   ఏ  విధంగా  సంతోషించాలో  అర్ధం  కావటం  లేదు.

సరే,  అయిపోయిందేదో  అయిపోయింది, ఇప్పటికైనా  కొందరు  నేతలు  దేశాన్ని  అభివృద్ధిపధంలో నడిపిస్తామని  గట్టిగా  ఆశ  పెడుతున్నారు. ఆ  ఆశ  వమ్ముకాకూడదని  ఆశిద్దాము.

  నేతలతో  పాటు,  అధికారులు,  ప్రజలు,  కలిసి  ఎవరి  ధర్మాన్ని  వారు   నిజాయితీగా   ఆచరించినప్పుడు  సమాజం  తప్పక  అభివృద్ధి  చెందుతుంది. 

..........................

సత్యయుగంలో  ధర్మం  నాలుగుపాదాలతో  నడుస్తుంది.    కలియుగానికి  వచ్చేసరికి  ఒంటిపాదంతో  నడుస్తుందని  అంటారు. 

అంటే క్రమంగా ధర్మాన్ని పాటించే వారు   తగ్గుతారని  అర్ధం.  అంతే   కానీ ,  ధర్మం  మారుతుందని అర్ధం  కాదు . 

సత్య  యుగంలోనైనా  కలియుగంలోనైనా ... పాపాలు చేసేవారికి  నరకం...  పుణ్యాలు  చేసేవారికి  స్వర్గం  ప్రాప్తిస్తాయి. 

ఏ  యుగంలోనైనా  మూలధర్మాలు  మారవు. .మూలధర్మాలు  అంటే.... 

ఉదా.. ఇతరులను బాధపెట్టేలా ప్రవర్తించటం ఏ  యుగంలోనైనా  తప్పే,

ఇతరుల సొమ్మును కాజేయటం  ఏ  యుగంలోనైనా  తప్పే,

స్త్రీలు పురుషులు మనసును అదుపులో ఉంచుకోకుండా ప్రవర్తించటం ఏ  యుగంలోనైనా  తప్పే.... 

ధర్మం అంటే ... ఇతరులు నీకు ఏమి చేస్తే నీవు బాధపడతావో నీవు దానిని ఇతరులకు చేయవద్దు. అని నిర్వచిస్తారు .

ఏ  కాలంలోనైనా  ధర్మానికి నిర్వచనం ఇదే కదా !

............................. 

అయితే ,  ఆచార  వ్యవహారాలను  పాటించటంలో  కులధర్మాలు, దేశ ధర్మాలలో  కొద్దిగా  తేడాలు  ఉంటే  ఉండవచ్చు.  అయినా  కూడా మూల  ధర్మం  యొక్క  ప్రాముఖ్యత  అలాగే  ఉంటుంది.


 ఆపద్ధర్మం అని  ఉంటుంది. ఆపదలో  ఆపద్ధర్మాన్ని  ఆచరించి ,  ఆనక  ప్రాయశ్చిత్తం  చేసుకునే  అవకాశం  ఉందంటారు.  అంతేకానీ  మూల  ధర్మం  ఎప్పటికైనా  మూల  ధర్మమే.

ఉదా..ఆపత్కాలంలో అసత్యం  పలికి   తప్పించుకోవటం  ధర్మమే  అంటారు.

అంతమాత్రాన,    అసత్యం  పలకటం  తప్పు..  అనే  మూల  ధర్మం  ప్రాముఖ్యత    అలాగే  ఉంటుంది.

.............................
అయితే  , కలియుగంలో  ఎక్కువమంది  మానవులు  శారీరికంగా,   మానసికంగా  బలహీనులు  కాబట్టి  కొన్ని  సడలింపులను  ఇచ్చారు. 

 ఉదా..సత్య  యుగంలో  ఎక్కువ  పుణ్యం  ఆచరిస్తే  వచ్చే  పుణ్యఫలం,  కలియుగంలో  కొద్దిమాత్రం పుణ్యం  ఆచరించినంత  మాత్రానే  లభిస్తుంది.

 ఇతర  యుగాలలో  యజ్ఞయాగాదిక్రతువులు  చేస్తే  వచ్చే  పుణ్యఫలం  కలియుగంలో  దైవనామస్మరణ  చేసినంతనే   లభిస్తుంది.

ప్రజలు  పాపాలను  చేయకుండా  పుణ్యాలే  చేయాలన్నది  పెద్దల  అభిప్రాయం. 

ప్రజల  దృష్టి  పాపకర్మల  వైపు  మళ్ళకుండా ,వారికి   పుణ్యకర్మల  పట్ల  ఆసక్తి  కలగజేయటానికి  పెద్దలు  ప్రయత్నించారు . 

ఏ యుగంలోనైనా  పాపకర్మలు  ఆచరిస్తే  లభించే  ఫలితం  నరకమే....

కలియుగంలోనైనా  పాపపు పనులు   ఆచరిస్తే  లభించే  ఫలితం  పాపఫలితమే  తప్ప  పుణ్య  ఫలితం  కాదు.

........................

పెద్దలు  సమాజానికి  కొన్ని  కట్టుబాట్లను  ఏర్పరిచారు. ఉదా..ఇంద్రియనిగ్రహం  వంటివి.

 అయితే  కొందరు  ప్రజలు  పెద్దలు  చెప్పిన  నీతులను  ప్రక్కకు  పెట్టి  తమకు  తోచినట్లు  ధర్మాలను  నిర్వచించుకుంటూ  తప్పులను  చేస్తున్నారు. ఇలాంటి  వారు  ఆ  కాలంలోనూ  ఉన్నారు.  ఈ  కాలంలోనూ  ఉన్నారు.

........................ 

 పెద్దలు  తెలియజేసిన  ధర్మాలకు ,  కొందరు   పొరపాటు  నిర్వచనాలను   ఇచ్చారు,  ఇస్తున్నారు.  ఇలాంటి వారిలో   కొందరు    బాగా  చదువుకున్న వారు  కూడా ఉన్నారు . 

ఉదా..శివకేశవుల  మధ్య  భేదాన్ని  చూపటం  తప్పు.  అని  పెద్దలు   వేదాలు ,  పురాణేతిహాసాల  ద్వారా   తెలియజేసారు . 

  శివకేశవ  భేదాలతో  వాదులాడుకుంటూ  సమాజంలో  భేదభావాలను వ్యాపింపజేసిన  వారిలో  కొందరు పండితుల  పాత్ర  కూడా  ఉండటం  బాధాకరం . .........................

 వేదాలలోనూ,  పురాణేతిహాసాలలోనూ  చెప్పబడిన  విషయాలను  సరిగ్గా  అర్ధం  చేసుకోని  కొందరు  వ్యక్తుల  వల్ల  ...   మరియు...   స్వార్ధపరులైన  కొందరు  వ్యక్తుల  వల్ల   సమాజంలో  కొన్ని  దురాచారాలు  వ్యాప్తిచెందాయి. 

 వేదాలలోనూ,  పురాణేతిహాసాలలోనూ  చెప్పబడిన  విషయాలను సరిగ్గా  అర్ధం  చేసుకుంటే  అంతా  మంచే  జరుగుతుంది.