కొన్ని విషయములు..

 ఒకరోజు రాత్రి నాకు ఒక కల వచ్చింది. ఆ కలలో  శ్రీ సత్యనారాయణ స్వామివారి వ్రతం పూజ జరుగుతున్నట్లు కలలో కనిపించింది . అక్కడ శిరిడీసాయిబాబా విగ్రహం కూడా కనిపించింది.


అయితే ఈ కల అర్ధం నాకు తెలియలేదు. నేను ఏమనుకున్నానంటే, ఇదేమిటి ? కలలో సత్యనారాయణవ్రతం దగ్గర సాయిబాబా విగ్రహం కూడా కనిపించారు అనుకున్నాను .

ఆ కల అర్ధం కాక సరే ఏమైనా దేవునికి సంబంధించిన కల రావటం మంచిదే కదా ! అని సంతోషించాను .


తరువాత కొంతకాలానికి మేము శిరిడి వెళ్ళాము . అక్కడ  మేము సాయిసత్యవ్రతం ఆచరించుకున్నాము.

***************
అంతా భగవంతుని దయ ...

మనము దైవభక్తిని కలిగి ఉండటంతోపాటు దైవానికి ఇష్టమయిన మంచిపనులు చేస్తేనే మనకు మంచి జరుగుతుంది.


మనము దైవభక్తి , సత్ప్రవర్తన కలిగిఉన్నప్పుడు , మన కష్టాలు తీరే మార్గాన్ని దైవం చూపిస్తారు. నేను ఇలా ఉన్నప్పుడు నాకు గొప్ప ఆలోచనలు రావటం, మంచి జరగటం జరుగుతోంది ...అదే ఎప్పుడయినా నేను అనవసరంగా ఆవేశపడితే అప్పుడు నా ఆలోచనలలో పొరపాట్లు రావటం, నాకు ఏదైనా ఇబ్బంది కలగటం నేను గ్రహించానండి.


అందుకే ఇవన్నీ చూశాక నాకు ఏమని అనిపించిందంటేనండి, మనము ఇతరులకు మంచి చేస్తే మనకూ మంచి జరుగుతుంది.........చెడు చేస్తే మనకూ ఇబ్బందులు వస్తాయని ....


క్రితం జన్మలో చెడు చేసినా ...ఇప్పుడు మంచిగా ప్రవర్తించటం ద్వారా ఆ చెడు ఫలితాలను గణనీయంగా తగ్గించుకోవచ్చని పెద్దలు చెబుతున్నారు కదండి. .......


నాకు మా ఇంటి ఫోన్ నంబరే ఒకోసారి గుర్తు రాదండి. అలాంటి నేను ఈ మాత్రం తోచిన విషయాలు రాస్తున్నానంటే అంతా భగవంతుని దయయే . నేను వ్రాస్తున్న వాటిల్లో మంచి ఆలోచనలను భగవంతుని దయగానూ , పొరపాట్లను నా తప్పులుగానూ భావిస్తున్నాను...

 *****

ఈ క్రింద వ్రాసిన విషయములు పైన పోస్ట్ వ్రాసిన కొంతకాలం తరువాత వ్రాసినవి...

 కొత్తకొత్త పూజలు పెంచుకుంటూ ..ఎక్కువపూజలు చేయటం ఎందుకనుకుంటే, పాతకాలం నుంచి చేస్తున్న శ్రీసత్యనారాయణస్వామివారి వ్రతమునే సులభంగా కూడా చేసుకోవచ్చు.