చిన్నపిల్లలు వాళ్ళకువాళ్ళు చేత్తో తీసుకుని సరిగ్గా తినలేరు. చిన్నపిల్లలు పెద్దవారిలా గబగబా నమిలి తినలేరు. నిదానంగా తింటారు. అలాగని పిల్లలకు ఆహారాన్ని కుక్కి అదేపనిగా బోలెడు తినిపించకూడదు.
వాళ్ళకు ఎంతకావాలో అలాగ తల్లి దగ్గరుండి ఓపికగా తినిపించాలి. అందుకు ఎక్కువ సమయమే పడుతుంది.
అయితే, ఈ రోజుల్లో చాలామంది తల్లులు ఉద్యోగాల కొరకు వెళ్ళటం వల్ల పిల్లలకు చక్కగా తినిపించటానికి కూడా సమయం ఉండటం లేదు.
అయితే, ఈ రోజుల్లో చాలామంది తల్లులు ఉద్యోగాల కొరకు వెళ్ళటం వల్ల పిల్లలకు చక్కగా తినిపించటానికి కూడా సమయం ఉండటం లేదు.
పిల్లలను డేకేర్ సెంటర్లలో
వేస్తున్నారు. లేదంటే చిన్నప్పుడే స్కూల్లో వేస్తున్నారు. పిల్లలను త్వరగా
అక్కడ దింపాలని ఉదయాన్నే వాళ్లకు హడావిడిగా ఏదో కుక్కి తినిపిస్తారు.
ఇంట్లో ఉండే తల్లులు కూడా కొందరు ఈ విషయంలో ఓపికగా చేయటం లేదు. చిన్నపిల్లలు ఏమీ చేయలేరు కదా..
ఇంట్లో ఉండే తల్లులు కూడా కొందరు ఈ విషయంలో ఓపికగా చేయటం లేదు. చిన్నపిల్లలు ఏమీ చేయలేరు కదా..
కొందరు పిల్లలు ఉదా..3 సంవత్సరాల చిన్నపిల్లలు నాకు
తినిపించమని పెద్దవాళ్ళను అడిగినా, నువ్వే తినాలంటూ తినిపించకుండా ఉండే
పెద్దవాళ్ళను నేను చూసాను..
పాపం చిన్నపిల్లలు తమకు తాము సరిగ్గా తినలేని
వయస్సు వాళ్ళది...అలా అర్ధాకలితో ఉంటే బాధ అనిపిస్తుంది. ఈ సమస్యలకు
పరిష్కారం ఎప్పుడో?
చాలామంది పిల్లలు తినటం విషయంలో విసిగిస్తారు. ఆ వయస్సు పిల్లలు చాలామంది అలాగే ఉంటారు.
చాలామంది పిల్లలు తినటం విషయంలో విసిగిస్తారు. ఆ వయస్సు పిల్లలు చాలామంది అలాగే ఉంటారు.
కొందరు తల్లులు మాత్రం ఓపికగా
మాటలు చెబుతూ తినిపిస్తారు. ఇలాంటి గొప్ప తల్లులు అభినందనీయులు.
.........................
పసిపిల్లల ముద్దుచేష్టలు ఎంతో ముద్దుగా ఉంటాయి. పిల్లలు పెద్దయితే ఆ ముద్దుచేష్టలు మిస్సవుతారు కదా..పసిపిల్లల బాగోగులు చక్కగా చూసుకుంటే దైవానికి సేవ చేసినట్లే. పసిపిల్లలను డేకేర్ సెంటర్లలో వేసి కెరీర్, డబ్బు అంటూ తిరిగేవారు దురదృష్టవంతులు.
ఇంట్లో పసిపిల్లలు ఉన్నప్పుడు బోల్డన్ని పూజలు చేయకపోయినా ఫరవాలేదు.. పసిపిల్లలే దైవస్వరూపంగా భావించవచ్చు.
పసిపిల్లలకు అన్నం తినిపిస్తూ దైవానికి తినిపిస్తున్నట్లు అనుకోవాలి. పిల్లలకు సమర్యలు చేస్తూ దైవానికి సేవ చేసినట్లు అనుకోవాలి. పిల్లలను నిద్రపుచ్చుతూ దైవాన్ని జోకొడుతున్నట్లు అనుకోవాలి. పిల్లలకు ఏ పనులు చేసినా దైవంలా వారిని భావించవచ్చు.
........................................
తల్లి వద్ద ఆప్యాయంగా పెరగవలసిన ....మాటలు కూడా సరిగ్గారాని చంటి పిల్లల్ని పగలు ఎక్కడో బయట ఉంచుతున్నారు. అక్కడ వారిని మంచిగా చూస్తున్నారో ? లేదో? తెలియదు. చంటి పిల్లలు ఏమీ చెప్పలేరు.
పిల్లల్ని కొట్టిన కొన్ని సంఘటనల గురించి వార్తల ద్వారా తెలిసింది. కనీసం పిల్లలకు బాగా మాటలు వచ్చి తమ గురించి చెప్పేవరకయినా వారిని తల్లి దగ్గరుండి చూసుకోవాలి.
పిల్లలు కొంచెం పెద్దయ్యాక ఉద్యోగం రాకుంటే, సొంతంగా ఏదైనా చిన్న వ్యాపారం చేస్తూ అయినా ఉపాధి పొందవచ్చు.
పిల్లల క్షేమం ముఖ్యం కదా.
No comments:
Post a Comment