పసిపిల్లల్ని చక్కగా చూసుకుంటే దైవానికి పూజ చేసినట్లే.... ఒకటవభాగం....

 

పెద్దవాళ్లు తమ సమస్యలను చెప్పగలరు. పిల్లల విషయం అలా ఉండదు కదా..పసిపిల్లలకు సరిగ్గా మాటలు రావు కాబట్టి తమ సమస్యలను చెప్పలేరు. కొంచెం పెద్దయిన పిల్లలు తమ సమస్యలను చెప్పినా, అర్ధంచేసుకునే పేరెంట్స్ ఎందరు?

ఉదా..పాతకాలంలో పసిపిల్లలకు పల్చటి నిక్కర్ వంటివి వేసేవారు. వాళ్ళు యూరిన్ పోసినప్పుడల్లా ఆ చెడ్డిలను మార్చి ఉతికి ఆరేసేవారు. యూరిన్ నేలమీదపడితే క్లాథ్ తో తుడిచేవారు. ఈ రోజుల్లో పెద్దవాళ్లు ఆ పనులన్నీ చేయలేక, సోఫాలు, మంచాలు పాడవుతున్నాయని చెప్పి, పసిపిల్లలకు రోజంతా పెద్ద నాప్కిన్స్ వేస్తున్నారు.

 ఆ నాప్కిన్స్ తో చాలా ఇబ్బందిగా ఉంటుంది. పిల్లల చర్మానికి రాషెస్ కూడా వచ్చే అవకాశముంది.. దురద, మంట వచ్చినా పిల్లలు చెప్పలేరు. గోక్కోటానికి నాప్కిన్  ఉండి గోక్కోలేరు. ఆ బాధతో పిల్లలు ఏడుస్తుంటే, పిల్లల్ని పెంచటం చాలా కష్టం అంటారు. 

పిల్లలు ఇబ్బంది పడినా ఏంకాదు కానీ, సోఫాలు, మంచాలు పాడవ్వకూడదని, తమకు అస్తమాను శుభ్రం చేసే పని ఉండకూడదని పెద్దవాళ్ల ఉద్దేశం కాబోలు.పిల్లలను అలా ఇబ్బంది పెట్టటం చాలా పాపం.

ఇక కొందరు పసిపిల్లలను డేకేర్ సెంటర్లలో వేస్తారు. కొన్ని విదేశాల్లో పసిపిల్లలకు ఎప్పుడూ షూస్ వేసి ఉంచుతారు. పిల్లలను డేకేర్ సెంటర్లలో మధ్యాహ్నం నిద్రపుచ్చుతారు. నిద్రపోయేటప్పుడు కూడా షూస్ తీయకూడదని అక్కడ రూల్స్ అట. 
 
ఇబ్బందిగా ఉండి పిల్లలు షూస్ తీయటానికి ప్రయత్నించినా కూడా, అక్కడిసిబ్బంది మళ్లీ షూస్ వేసేస్తారట. ఇంట్లో అయితే అలా ఉండదు కదా. పెద్దవాళ్లు నిద్రపోయేటప్పుడు షూస్ వేసుకుని పడుకోగలరా? 

...........................

 

పసిపిల్లలు సున్నితంగా ఉంటారు. కొందరు పెద్దవాళ్లు పసిపిల్లలకు ఎక్కువ ముద్దులు పెడతారు. అలా చేయకూడదు. 

 

నేను యూట్యూబ్లో ఒకదగ్గర చూసాను, చిన్న పాపను పెద్దామె ఎత్తుకుంది. వాళ్ల బంధువు ఒకతను ఆ పాప బుగ్గ పైన గట్టిగా తన మెహాన్ని ఆనించి ముద్దుపెట్టాడు, పాప ఏడ్చింది. మగవాళ్ల గరుకైన మొహం పిల్లల బుగ్గలకు గుచ్చుకుంటాయి. అది కూడా తెలియకుండా ఎలా బతుకుతున్నారో?

 

కొందరు ఆడవాళ్లు కూడా పసిపిల్లల బుగ్గలు నలిపి, వాళ్ళు ఏడుస్తుంటే సంతోషపడతారు. సున్నితత్వం లేకుండా  రాక్షస మనస్తత్వం ఉన్నవారే ఇలా చేస్తారు.ఇలాంటివారి బారినుంచి పిల్లలను కాపాడాలి.

..........................

  
పిల్లల్ని పెంచే సమయం, ఓపిక లేదనుకున్నప్పుడు, డబ్బు సంపాదన, కెరీరే ముఖ్యం.. అనుకున్నప్పుడు పిల్లల్ని కనవద్దు. వాళ్ళను కష్టపెట్టవద్దు. పిల్లల్ని పెంచటం చాలా కష్టం.. అని కొందరు పెద్దవాళ్లు విసుక్కోవటం నేను గమనించాను.

 చిన్నపిల్లల్ని పెంచటానికే ఓపిక లేనప్పుడు..ఏది తప్పో, ఏది ఒప్పో తెలిసి కూడా, ఎందరో పెద్దవాళ్ళు జీవహింస చేస్తూ, ఎన్నో పాపాలు చేస్తూ బతుకుతున్నారు. వీళ్లందరిని దైవము ఎందుకు భరించాలి? ఈ పెద్దవాళ్ళను ఏం చేయాలి.
.....................

 

చంటిపిల్లల్ని క్రెచ్లలో వేసి పెద్దవాళ్లు ఉద్యోగం కోసం వెళ్తున్నారు. పిల్లల కొరకు డబ్బు సంపాదించటం కోసమే అలా చేస్తున్నామంటున్నారు కొందరు. 

 

తల్లి వద్ద ఆప్యాయంగా పెరగవలసిన ....మాటలు కూడా సరిగ్గారాని చంటి పిల్లల్ని  పగలు ఎక్కడో బయట ఉంచుతున్నారు. అక్కడ వారిని మంచిగా చూస్తున్నారో ? లేదో? తెలియదు. చంటి పిల్లలు ఏమీ చెప్పలేరు. 

 

పిల్లల్ని కొట్టిన కొన్ని సంఘటనల గురించి వార్తల ద్వారా తెలిసింది. కనీసం పిల్లలకు బాగా మాటలు వచ్చి తమ గురించి చెప్పేవరకయినా వారిని తల్లి దగ్గరుండి చూసుకోవాలి. 

 

పిల్లలు కొంచెం పెద్దయ్యాక ఉద్యోగం రాకుంటే, సొంతంగా ఏదైనా చిన్న వ్యాపారం చేస్తూ అయినా ఉపాధి పొందవచ్చు. 

 

పిల్లల క్షేమం ముఖ్యం కదా.

 

link... 

* ఆధునిక కాలం కన్నా ఆటవిక కాలం నయమేమో.. అనిపిస్తోం... 

 పసిపిల్లల్ని చక్కగా చూసుకుంటే దైవానికి పూజ చేసినట్లే.రెండవ భాగము..లింక్ క్రింద..

 * పసిపిల్లల్ని చక్కగా చూసుకుంటే దైవానికి పూజ చేసినట్..రెండవభాగం...