వ్యాధుల వల్ల ...

వాజపేయి గారు  గొప్పవ్యక్తి . వారు మరణించారని  తెలిసింది. 

వారికి   ఉత్తమగతులు  కలగాలని   కోరుకుంటున్నాను. 

**************

వారు  కిడ్నీ వ్యాధితో  బాధ పడ్డారని వార్తల ద్వారా తెలుస్తోంది. 

ఈ మధ్య కిడ్నీ వ్యాధి చాలామందిలో వస్తోంది.

ఈ వ్యాధి రావటానికి అనేక కారణాలుంటాయట.

కొన్ని కారణాలు.... కలుషితమైన నీరు, ఆహారం తీసుకోవటం.

 బీపీ, సుగర్ వంటి వ్యాధుల వల్ల,

ఎక్కువగా మందుల  వాడకం..

 ****************

కొందరు పేదలు,  కలుషితమైన ఆహారం, నీరు తీసుకునే అవకాశం ఉంది.

 మరి..  మంచి ఆహారం, శుద్ధిచేసిన నీరు అందుబాటులో ఉన్నవారు కూడా వ్యాధుల బారిన పడటం ఆశ్చర్యం.


బహుశా ,రసాయన పురుగుమందులతో  పండించిన ఆహారపదార్ధాలు, రసాయనాలతో శుద్ధి చేసిన నీరు కూడా హానికరమా ? అనే సందేహం కలుగుతోంది.


జీవితంలో ఒత్తిడి పెరగటం వలన బీపీ వంటి వ్యాధులు వస్తాయి.

 సూర్యరశ్మి అంతగా తగలకుండా గదుల్లో గడపటం వంటి కారణాల వల్ల కూడా సుగర్ వ్యాధి వచ్చే అవకాశముందంటున్నారు.


 చిన్నాచితకా అనారోగ్యాల కారణంగా ఎక్కువగా మందులు వాడటం వల్ల  కూడా కిడ్నీ వ్యాధి వచ్చే అవకాశం ఉందట.

****************

ఎవరైనా, వయస్సు మీదపడిన  తరువాత మరణించటం సహజం. 

 అంతేకాని,  వ్యాధుల వల్ల వ్యక్తులు చనిపోవటం బాధాకరం.

 వ్యాధి రాకుంటే వాజపేయి గారు రాజకీయాల్లో చాలాకాలం చురుగ్గా పాల్గొనేవారు.


ఇకనుంచయినా, దేశంలో  వ్యాధులు పెరగకుండా   అందరూ జాగ్రత్తలు తీసుకుంటే అనారోగ్యాలు తగ్గుతాయి.