పాపాలు చేస్తున్న వారికి సద్బుద్ధి .......

ఈ  బ్లాగ్ ను ప్రోత్సహిస్తున్న  అందరికి  అనేక  కృతజ్నతలండి .  
......................... 

 ఈ  రోజుల్లో    సమాజం   అయోమయంగా  తయారయింది.   డబ్బు  సంపాదన  కోసం  వెంపర్లాడుతూ ..   తరతరాల  సంస్కృతి,  నైతికవిలువలు   నాశనమవుతున్నా  పట్టించుకోవటం  లేదు.   ఎన్నో  నేరాలు,  ఘోరాలు  జరుగుతున్నాయి . 
 
  నేరాలను  చేసిన  వారిపట్ల  కఠినమైన  శిక్షలు  ఉండటం  ఎంతో  అవసరం  . అయితే  నేరాలను  తగ్గించాలంటే,  చట్టంతో  పాటు  ప్రజల  బాధ్యత  కూడా  ఎంతో  ఉంటుంది.


ఒక    వ్యక్తి  నేరం  చేస్తే  అందుకు  ఎన్నో  కారణాలుంటాయి.  చిన్నతనం  నుండి  తల్లితండ్రుల  పెంపకం,  పరిసరాల  ప్రభావం,       ఆర్ధిక  అసమానతలు,  స్నేహసంబంధాలు  ,  మీడియా  ప్రభావం,  వ్యక్తులలో   మద్యపానం  అలవాట్లు   ..........ఇలా   ఎన్నో  కారణాలుంటాయి.


మద్యపానం  వల్ల  సమాజంలో  ఎన్నో  సమస్యలు  వస్తాయి.   కొంతకాలం  క్రిందట  మద్యపానం  వంటి  అలవాట్లున్న  వాళ్ళను  సరిగ్గా  గౌరవించేవారు  కాదు.  వాళ్ళను  చాటుగా  అయినా   జనం   తిట్టుకునేవారు. 


ఈ  రోజుల్లో  అయితే , తాగితే  తప్పేమిటి  ?  మద్యాన్ని  అమ్మితే  తప్పేమిటి  ? అని  ఎదురు  ప్రశ్నించే  స్థాయికి  సమాజంలో  మార్పులు  కనిపిస్తున్నాయి.


 హింసతో  కూడిన  వీడియో గేంస్  ఆడితే పిల్లలలో  హింసాప్రవృత్తి  పెరుగుతుందని   పరిశోధకులు  చెబుతున్నారు.

    మద్యపానం, అసభ్యకర  దృశ్యాలను  చూడటం  వంటి  వాటివల్ల  మనుషులు  తమ  విజ్ఞతను,  వివేకాన్ని   కోల్పోయే  అవకాశం  ఉందని   అందరికే  తెలిసిందే. 

మద్యపానం,  అసభ్యకర చిత్రాలను  చూసి  విచక్షణ  కోల్పోయిన  వాళ్ళ  వల్ల  సమాజంలో  అనేక  నేరాలు  జరిగే  అవకాశం  ఉంది.   ఈ రోజుల్లో  జరుగుతున్న  నేరాలను   చూస్తుంటే  సమాజం  ఎటు  పోతుందో  అర్ధం  కావటం  లేదు. 

 ఈ  రోజుల్లో   సెల్ ఫోన్స్,  ఇంటర్నెట్  వంటి  వాటి  ద్వారా  హింసా దృశ్యాలను  ,  శృంగారదృశ్యాలను  ఎప్పుడుపడితే  అప్పుడు  చూసే  అవకాశం  కలిగింది.   వాటి  ప్రభావం  సమాజంపై  ఎంతో  ఉందని  తెలుస్తోంది. 

  మద్యపానం,  అసభ్యకర  దృశ్యాలు   ప్రదర్శించటం  తప్పని  అందరికీ  తెలుసు.  దురదృష్టకరమైన   విషయమేమిటంటే ,  మంచి  చెడు  తెలిసి  కూడా ....... ఎలాగైనా  సరే  డబ్బు  సంపాదించటమే  జీవితధ్యేయం  . అని  భావించే వారి  సంఖ్య  పెరిగిపోయింది.

 మనుషుల  బలహీనతలను  ఆసరాగా  చేసుకుని  డబ్బు  సంపాదించే  వాళ్ళను  దైవం  చూస్తూ  ఊరుకోరు. 

మద్యపానం  వల్ల  చితికిపోయిన  కుటుంబసభ్యుల  ఉసురు  ఊరికేపోతుందా  ? అసభ్యకరమైన    దృశ్యాలతో  సమాజాన్ని  కలుషితం  చేస్తున్న  వారి  పాపం  ఎప్పుడు  పండుతుందో  ?  ఇతరుల  సంపదను  అన్యాయంగా  కొల్లగొట్టి  కోట్లాది  రూపాయలను  కూడబెడుతున్న వారి  పాపం  ఎప్పుడు  పండుతుందో  ?  ఇవన్నీ   భగవంతునికే  తెలియాలి. 

 పాపాలు  చేస్తున్న  వారికి   సద్బుద్ధి  కలగాలని   దైవాన్ని  కోరుకుంటూ .................

మనుషులకు ఆహారం కోసం ఎన్నో మొక్కలు ప్రాణత్యాగం చేస్తాయి.

 

కొంతకాలం  క్రిందట మేము శ్రీ రంగనాథస్వామిగోదాదేవి వార్ల  దర్శనంకొరకు మధురై నుంచి  శ్రీవిల్లిపుత్తూరు బస్సులో వెళ్తుంటే ఎండ  ఎక్కువగా ఉంది.  దాహం  అనిపించింది. 

 బస్సు  వెళ్తుంటే   ప్రక్కనుంచి   పొలాలు,  ఖాళీ స్థలాలు   ఎన్నో  కనిపిస్తుంటాయి. దారి  ప్రక్కన  ఎన్నో  మొక్కలు  ఎండకు  వడిలిపోయి  ఉన్నాయి. 

 అప్పుడు  ఏమనిపించిందంటే ,  మనుషులకు  దాహం   వేస్తే  నీటిని  త్రాగటానికి  ఎన్నో  సదుపాయాలు  ఉంటాయి.  

ఉన్నచోటనుంచి  కదలలేని  మొక్కలకు  దాహం  వేస్తే  పాపం  అవి   ఏం  చేయగలవు  ? అనిపించింది.  దాహంగా  ఉందని  నోటితో  చెప్పుకోలేవు.  నడిచి  వెళ్ళి  నీళ్ళను  త్రాగలేవు  కదా !

 అందుకే  వేసవిలో  కూడా  అప్పుడప్పుడు  వానలు  పడాలి.   వాననీటి  వల్ల  మొక్కలు  మళ్ళీ  వర్షాకాలం  వరకు  బ్రతకటానికి  అవకాశం  ఉంటుంది. 

పెద్ద  వృక్షాల వేర్లు  భూమిలో  లోతు వరకూ  చొచ్చుకుపోయి  నీటిని  పీల్చుకుంటాయి. చిన్న మొక్కలకు   వేర్లు  భూమిలోపలి  వరకూ  వెళ్ళవు. 

  తమ  బాధలను  చెప్పుకోలేని  మొక్కలు,  పశుపక్ష్యాదులతో  పోల్చుకుంటే  మానవ  జన్మ  ఎంతో  గొప్పది.  ఎంతో  పుణ్యం  చేసుకుంటే  మానవజన్మ  లభిస్తుంది  అంటారు. 

 కానీ  ఈ  రోజుల్లో  చాలామంది  మనుషులు  మానవజన్మను  దుర్వినియోగం  చేసుకుంటున్నారు.  అంతులేని  కోరికలతో  పర్యావరణాన్ని  పాడుచేస్తున్నారు. మానవుల  వల్ల  ఎన్నో  మూగజీవులు  బాధలు  పడుతున్నాయి. 

పూర్వకాలంలో  సంవత్సరం  పొడుగూతా  పంటలను  పండించేవారు  కాదు.  సంవత్సరానికి  రెండు  పంటలను  మాత్రమే  వేసేవారట.  

ఇప్పుడు  సంవత్సరం  పొడుగునా   పంటలను  పండిస్తూ  భూమికి  రెస్ట్  ఇవ్వటం  లేదు.  ఇందువల్ల  భూమిలోని సారం  తగ్గిపోతోంది.   అయినా  ఎరువులను  వేసి  బలవంతంగా  పంటలను  పండిస్తున్నారు.  

వేసవికి  ముందు  పుచ్చకాయ, తర్బుజా ..   వంటి  తేలికపాటి  పంటలు  వేస్తారు  కానీ  వరి  వంటి  ఎక్కువ  మొక్కలు  ఉండి, నీరు  ఎక్కువ  అవసరమయ్యే   పంటలను  వేసేవారు  కాదట.ఇప్పుడు  సంవత్సరం  అంతా  వరి   వంటి  పంటలను  వేస్తున్నారు. 
 
 పోనీ  ఇన్ని  పంటలను  పండిస్తున్నా  ఆకలి  తీరుతోందా  ?  అంటే   ఆకలి  తీరనివాళ్ళెందరో  కనిపిస్తున్నారు. పండిన  పంటలను  జాగ్రత్తగా  నిల్వ  చేయకుండా  కుళ్ళబెడుతున్నారు. 

  కొందరు  ధనవంతులు  పెళ్ళిళ్ళు  వంటి  సందర్భాల్లో  ఆహారాన్ని  వృధాగా  పారవేస్తుంటే ,   కొందరు  పేదవాళ్ళకు  ఆహారాన్ని  కొనుక్కోవటానికి   డబ్బు   సరిపోవటం లేదు. 


 ఈ రోజుల్లో  అందరికి  ఆహారాన్ని  అందించే  రైతు  పరిస్థితి  దయనీయంగా  ఉంది.   రైతు  వద్ద  పంటలను  చవకగా  కొని  వాటితో  ఆహారపదార్ధాలను  తయారుచేసి  విపరీతమైన  లాభాలను  సంపాదిస్తున్నారు  కొందరు  వ్యాపారస్తులు. ప్రభుత్వం,  అధికారులు   గట్టిగా  తలచుకుంటే  రైతుల  యొక్క  సమస్యలను  పరిష్కరించటం  పెద్ద  కష్టమేమీ  కాదు.


 ఈ  రోజుల్లో  మనుషులకే  ఆహారం  సరిపోక  బాధలు  పడుతుంటే  వాహనాలకు   ఇంధనంగా  నూనె  గింజలనుంచి  తీసిన  నూనెలను  వాడుతున్నారు. 

ఇవన్నీ  చూస్తుంటే  భవిష్యత్తులో  ఆహారకొరత  తీవ్రంగా  ఉండే  అవకాశం  ఉందేమో  ?   అనిపిస్తోంది. అభివృద్ది  పేరుతో  మనుషులు  తమ  జీవితాలను  క్లిష్టతరం  చేసుకుంటున్నారనిపిస్తోంది. 

 అన్నం  పరబ్రహ్మ  స్వరూపం .  అని  చెప్పారు  పెద్దలు.  మనుషుల   ఆహారం  కోసం   ఎన్నో  మొక్కలు  ప్రాణత్యాగం  చేస్తాయి.  అందుకని  పంటలను   అవసరమైనంతవరకే  పండించుకుని  ఆహారాన్ని  పొదుపుగా  వాడుకోవాలి.

ఓం మణిద్వీప వర్ణన మరియు...

 ఓం మణిద్వీప వర్ణన మరియు...

ఓం
మణిద్వీప  వర్ణన.

1. మహాశక్తి  మణిద్వీప నివాసిని ముల్లోకాలకు  మూల  ప్రకాశిని
మణిద్వీపములో  మంత్రరూపిణి  మన మనస్సులలో కొలువైయింది

2.సుగంధ పుష్పాలెన్నో వేలు  అనంత సుందర  సువర్ణపూలు
అచంచలంబగు  మనో సుఖాలు మణిద్వీపానికి  మహానిధులు

3.లక్షల  లక్షల  లావణ్యాలు  అక్షరలక్షల  వాక్  సంపదలు
లక్షల లక్షల  లక్ష్మీపతులు  మణిద్వీపానికి  మహానిధులు

4. పారిజాత  వన  సౌగంధాలు  సురాధినాధుల  సత్సంగాలౌ
గంధర్వాదుల  గానస్వరాలు   మణిద్వీపానికి  మహానిధులు
భువనేశ్వరీ  సంకల్పమే  జనియించే  మణిద్వీపం
దేవదేవుల  నివాసము  అదియే  కైవల్యం

5. పద్మరాగములు  సువర్ణమణులు  పది  ఆమడల  పొడవున  గలవు
మధురమధురమగు  చందనసుధలు  మణిద్వీపానికి  మహానిధులు

6. అరువదినాలుగు  కళామతల్లులు  వరాలనొసగే  పదారుశక్తులు
పరివారముతో  పంచబ్రహ్మలు  మణిద్వీపానికి  మహానిధులు

7. అష్టసిద్ధులు  నవనవ నిధులు  అష్టదిక్కులూ  దిక్పాలకులు
సృష్టికర్తలు  సురలోకాలౌ మణిద్వీపానికి  మహానిధులు

8. కోటి సూర్యులు  ప్రపంచకాంతులు  కోటి చంద్రుల  చల్లని  వెలుగులు
కోటితారకల  వెలుగుజిలుగులు  మణిద్వీపానికి  మహానిధులు

9. కంచుగోడల  ప్రాకారాలు  రాగిగోడల  చతురస్రాలు
ఏడామడల  రత్నరాసులు  మణిద్వీపానికి  మహానిధులు

10. పంచామృతమయ  సరోవరాలు  పంచలోహమయ  ప్రాకారాలు
ప్రపంచమేలే  ప్రజాధిపతులు   మణిద్వీపానికి  మహానిధులు

11. ఇంద్రనీలమణి  ఆభరణాలు వజ్రపు  కోటలు  వైఢూర్యాలు
పుష్యరాగ మణిప్రాకారాలు  మణిద్వీపానికి  మహానిధులు

12. సప్తకోటి  ఘనమంత్రవిద్యలు సర్వశుభప్రద  ఇచ్ఛాశక్తులు
శ్రీ  గాయత్రీ  జ్ఞానశక్తులు  మణిద్వీపానికి  మహానిధులు  ..భువ...

13. మిలమిలలాడే  రత్నపు రాసులు  తళతళలాడే  చంద్రకాంతములు
విద్యుల్లతలు  మరకతమణులు  మణిద్వీపానికి  మహానిధులు

14. కుబేర  ఇంద్ర  వరుణదేవులు  శుభాలనొసగే   అగ్నివాయువులు
భూమిగణపతి పరివారములు  మణిద్వీపానికి  మహానిధులు

15.  భక్తిజ్ఞానవైరాగ్య సిద్ధులు  పంచభూతములు  పంచశక్తులు
సప్తఋషులు  నవగ్రహాలు  మణిద్వీపానికి  మహానిధులు

16. కస్తూరి  మల్లిక  కుందవనాలు సూర్యకాంతి  శిలమహాగ్రహాలు
ఆరు ఋతువులు  చతుర్వేదాలు  మణిద్వీపానికి  మహానిధులు

17. మంత్రిణి  దండిణి  శక్తిసేనలు  కాళి కరాళి  సేనాపతులు
ముప్పదిరెండు  మహాశక్తులు మణిద్వీపానికి  మహానిధులు

18.సువర్ణరజిత సుందరగిరులు  అనంతదేవి  పరిచారికలు
గోమేధికమణి  నిర్మిత  గుహలు  మణిద్వీపానికి  మహానిధులు

19. సప్తసముద్రములనంత నిధులు   యక్షకిన్నెర కింపురుషాదులు
నానాజగములు  నదీనదములు మణిద్వీపానికి  మహానిధులు

20.మానవ మాధవ దేవగణములు కామధేనువు  కల్పతరువులు
సృష్టిస్థితిలయా కారణమూర్తులు మణిద్వీపానికి  మహానిధులు

21.కోటి ప్రకృతుల  సౌందర్యాలు  సకలవేదములు  ఉపనిషత్తులు
పదారురేకల  పద్మశక్తులు  మణిద్వీపానికి  మహానిధులు

22. దివ్యఫలముల  దివ్యాస్త్రములు  దివ్యపురుషులు  ధీరమాతలు
దివ్యజగములు  దివ్యశక్తులు మణిద్వీపానికి  మహానిధులు

23. శ్రీ  విఘ్నేశ్వర  కుమారస్వాములు జ్ఞానముక్తి  ఏకాంతభవనములు
మణినిర్మితమగు  మండపాలు  మణిద్వీపానికి  మహానిధులు

24. పంచభూతములు  యాజమాన్యాలు  వ్యాళసాలం  అనేకశక్తులు
సంతాన  వృక్షసముదాయాలు  మణిద్వీపానికి  మహానిధులు

25. చింతామణులు నవరత్నాలు నూరామడల  వజ్రరాసులు
వసంత  వనములు  గరుడపచ్చలు మణిద్వీపానికి  మహానిధులు

26. దుఃఖము  తెలియని  దేవీసేవలు  నటనాట్యాలు  సంగీతాలు
ధనకనకాలు  పురుషార్ధాలు మణిద్వీపానికి  మహానిధులు

27. పదునాల్గు , లోకాలన్నిటిపైనా సర్వలోకమను  లోకము  గలదు
సర్వలోకమే  ఈ  మణిద్వీపము సర్వేశ్వరికది  శాశ్వత స్థానం

28. చింతామణుల మందిరమందు పంచబ్రహ్మల  మంచముపైన
మహాదేవుడు  భువనేశ్వరితో  నివసిస్తాడు మణిద్వీపములో

29.మణిగణ ఖచిత  ఆభరణాలు చింతామణి  పరమేశ్వరి  దాల్చి
సౌందర్యానికి  సౌందర్యముగా  అగుపడుతుంది  మణిద్వీపములో

30. పరదేవతను  నిత్యము  కొలిచి  మనసర్పించి  అర్చించినచో
అపారధనము  సంపదలిచ్చి  మణిద్వీపేశ్వరి  దీవిస్తుంది....2...

31. నూతనగృహములు  కట్టినవారు మణిద్వీపవర్ణన  తొమ్మిదిసార్లు
చదివిన  చాలు  అంతా  శుభమే అష్టసంపదల  తులతూగేరు ....2...

32.  శివ కవితేశ్వరి  శ్రీ చక్రేశ్వరి మణిద్వీపవర్ణన  చదివిన చోట
తిష్టవేసుకొని  కూర్చొనునంటా  కోటి శుభాలను  సమకూర్చుకొనుటకై
దేవదేవల  నివాసము అదియే  కైవల్యం...భు.....

మంగళహారతి

శ్రీ  త్రిపురసుందరికి  మణిద్వీపవాసినికి !
మంగళమ్  జయమంగళమ్  నిత్య  శుభమంగళమ్   !!
ఓంకార  రూపిణికి  హ్రీంకార వాసినికి  శ్రీం ,బీజవాహినికి
మంగళమ్  జయమంగళమ్  నిత్య శుభమంగళమ్  !!
ఆపదలు  బాపేటి  సంపదలనొసగేటి  శ్రీనగరవాసినికి  !
మంగళమ్  జయమంగళమ్  నిత్య  శుభమంగళమ్ !!
వేదాలు  నాదాలు  శిరసొంచి  మొక్కేటి శ్రీ రత్నసింహాసినికి !
మంగళమ్ జయమంగళమ్ నిత్య  శుభమంగళమ్ !!
................

వ్రాసిన  విషయాలలో  అచ్చుతప్పులు  వంటి  పొరపాట్లు  ఉన్నచో  దయచేసి  క్షమించాలని  దైవాన్ని  ప్రార్ధిస్తున్నాను.
...........................................

మణిద్వీప  వర్ణన  గురించి  అంతర్జాలంలో  వెతుకుతుంటే  ఈ  క్రింది  లింక్స్  కనిపించాయి. ఆసక్తి  ఉన్నవారు  చూడవచ్చు.


1.  Manidweepam varnana by Gummuduru Umarani
Manidweepam varnana by Gummuduru Umarani
 
2.  Mani Dweepa Varnana in Telugu - Scribd
 

Mani Dweepa Varnana in Telugu - Scribd
...............................................................

Mani Dweepa Varnana in Telugu - Scribd ...ను  నేను  పూర్తిగా  చదవలేదు. కొంచెం  చదివి  బాగుందని  ఇక్కడ  ఇస్తున్నాను.

ఇలా   అంతర్జాలంలోని   లింక్స్ ను  బ్లాగ్  లో  సూచించవచ్చో  లేదో  నాకు  తెలియదు.  ఎవరికైనా  అభ్యంతరం  ఉంటే  చెప్పగలరు.

అచ్చుతప్పులు....

దైవ స్తోత్రాలు , మంత్రాలు  వంటివాటిని   పుస్తకాల్లో  ముద్రించేటప్పుడు  కొన్నిసార్లు   అచ్చుతప్పులు  వస్తున్నాయి. 

 కొన్ని  పాత  పుస్తకాల్లో   అయితే   తప్పుగా  ముద్రించిన  అక్షరాలను  గుర్తించి  పుస్తకానికి  చివరిలో  సూచించేవారు. 

  ఇలా  సూచన  ద్వారా  తెలియజేస్తే  పాఠకులకు  తప్పులను  సరిదిద్దుకోవటానికి  అవకాశం  ఉంటుంది.  

ఒకే శ్లోకం ఒక పుస్తకంలో ఒక రకంగా ఉంటే , ఇంకో పుస్తకంలో ఇంకో రకంగా ఉంటోంది.

ఇలాంటప్పుడు  ఏ  పుస్తకంలోని  శ్లోకం   సరైనదో  సామాన్య పాఠకులకు   అర్ధం కాదు. అందువల్ల  భక్తులు  శ్లోకాలను  తప్పుగా  చదివే  అవకాశం  ఉంది. 

మంత్రములు  మొదలగునవి   తప్పులు  లేకుండా  చదవాలంటారు.   అందువల్ల  పుస్తకాలను  ముద్రించేటప్పుడు  తప్పులు  రాకుండా   జాగ్రత్తలు  తీసుకోవాలి. 

 ఎవరైనా  తప్పులను  వ్రాసినప్పుడు  తెలిసినవారు  సరైన  విషయాన్ని   సూచిస్తే    తప్పులను  సరిదిద్దుకోవచ్చు. 

చిన్న  అక్షరం  తప్పు  ఉంటే  ఏమవుతుందిలే  అనుకుంటారు  కొందరు. 

అంతర్జాలంలో  ఏదైనా  వెబ్ సైట్  సెర్చ్  చేయాలంటే   వెబ్ సైట్  పేరును  ఒక్క  అక్షరం  తప్పుగా  వ్రాసినా  సైట్  ఓపెన్  కాకపోవచ్చు.

 మంత్రములు,  మొదలగునవి  వీలైనంతవరకు  తప్పులు లేకుండా  నేర్చుకోవటం  వల్ల  చక్కటి  ఫలితాన్ని  పొందే  అవకాశం  ఉంటుంది.

అయితే  మనస్పూర్తిగా  దైవం  మీదే  భారం  వేసి  జీవించేవారికి  దైవమే  దారి  చూపిస్తారు.  

ఒక  భక్తుడు  ఎంతో  భక్తితో  దైవపూజ  చేస్తూ  ఆ  భక్తిపారవశ్యంలో  పండ్లకు  బదులు  పండ్లతొక్కలను  నివేదించాడట. 

భగవంతుడు  ఆ  పండ్ల  తొక్కలను  స్వీకరించారట.

అయితే  భక్తుడు    తన  తప్పును  తెలుసుకుని  అయ్యో  !  పండ్ల  తొక్కలను  నివేదించానే .... అనుకుని    మళ్ళీ  పూజ  చేసి  పండ్లను  నివేదించాడట. 

 అయితే   భగవంతుడు  పండ్లను  స్వీకరించలేదట. 

ఎందుకంటే  ఈసారి  చేసిన  పూజలో  భక్తుడు  భక్తి  కన్నా  పూజ  యొక్క  విధివిధానాల  మీదే  ఎక్కువ  శ్రద్దను  చూపించాడట. 

  భగవంతుని  పట్ల  స్వచ్చమైన  ప్రేమ భక్తిని  కలిగి ఉండటం  ముఖ్యం. 

  భక్తిలేని   పూజ  ఎంత  గొప్ప  విధివిధానాలతో  చేసినా  భగవంతుని  అంతగా మెప్పించదేమో .... అనిపిస్తుంది.

 అంతగా  పాండిత్యం  లేనివారు  శ్లోకాలను  తప్పుగా  చదువుతున్నామేమోనని  భయపడనవసరం  లేదు.   ప్రేమభక్తితో   భగవంతుని  మీద  భారం  వేసి  ఆరాధిస్తే    దైవమే  సరైన  దారిని  చూపిస్తారు.

ఓం... శ్రీ రామనవమి.

 ఓం.
శ్రీరామరామరామేతి  రమేరామే  మనోరమే
సహస్రనామ తత్ తుల్యం రామనామ  వరాననే .
...........................

సీతారాముల వార్లకు అనేక నమస్కారములు.
ఊర్మిళాలక్ష్మణుల వార్లకు అనేక నమస్కారములు.
..........................

 శ్రీ  సీతారామ  స్తోత్రము.

అయోధ్యాపుర నేతారం మిధిలాపుర నాయికాం
రాఘవాణా మలంకారం వై దేహానా  మలంక్రియాం      1

రఘూణాం  కులదీపం చ నిమీనాం  కులదీపికాం
సూర్యవంశసముద్భూతం  సోమవంశసముద్భవాం    2

పుత్రందశరధస్యాపి  పుత్రీంజనకభూపతేః
వశిష్టానుమతాచారం శతానంద మతానుగాం            3

కౌసల్య గర్భసంభూతం  వేదగర్భోదితాం స్వయం
పుండరీక  విశాలాక్షం  స్ఫురది  దీవరేక్షణాం              4

మత్తమాతంగ గమనం మత్తసారసగామినీం
చందనార్ద్రభుజామధ్యం కుంకుమాంక భుజాంతరాం    5

చాపాలంకృత హస్తాబ్జాం పద్మాలంకృత పాణికాం
సర్వలోక విధాతారం సర్వలోక విధాయినీం                6

లోకాభిరామం శ్రీరామ మభిరామాం చ మైధిలీం
దివ్యసింహాసనారూఢం  దివ్యస్రగ్వస్త్ర భూషణాం           7

అనుక్షణం కటాక్షాభ్యాం  అన్యోన్యేక్షణ కాంక్షిణౌ
అన్యోన్య సదృశావేతౌ  త్రైలోక్య  గృహాదంపతీం             8

ఇమౌ యువాం  ప్రణమామ్యహం భజామ్యతికృతార్ధ తాం
అనయాస్తౌతియ స్తుత్యా రామం సీతాం చ భక్తితః          9

తస్యతౌ తను తాం  ప్రీతౌ సంపద స్సకలా  అపి
ఇతీదం రామచంద్రస్య జానక్యాశ్చ విశేషితః                 10

కృతం  హనుమతాం  పుణ్యం  స్తోత్రం  సద్యోవిముక్తిదం
యః పఠేత్ప్రాతరుత్ధాయ సర్వాన్ కామానవాప్నుయాత్ 11

య ఇదం పఠతిస్తోత్రమ్  మైధిలీ  రామచంద్రయోః
శ్రీ వైకుంఠమవాప్నోతి న నరో హతకిల్బిషః                  12

 ఇతి  శ్రీమత్  హనుమద్విరచితం  సీతారామస్తోత్రమ్
 ఫలం : శ్రీ సీతారామాంజనేయుల సంరక్షణ.
 ......................

ఆంజనేయ  స్తుతి.

ఆంజనేయ  మతిపాటలాననం
కాంచనాద్రి  కమనీయ విగ్రహమ్
పారిజాత  తరుమూలవాసినం
భావయామి  పవమాననందనమ్ .

మనోజవం  మారుతతుల్య  వేగం
జితేంద్రియం  బుద్ధిమతాం వరిష్ఠమ్
 వాతాత్మజం  వానరయూధముఖ్యం
శ్రీరామదూతం శిరసా నమామి.

సువర్చలాదేవి ఆంజనేయస్వామి వార్లకు  అనేక నమస్కారములు.
.............................................

* పైన  వ్రాసిన విషయాలలో  అచ్చుతప్పుల  వంటి  పొరపాట్లు ఉన్నచో,  దయచేసి  క్షమించమని  దైవాన్ని  ప్రార్ధిస్తున్నాను.

ఏకశ్లోకి మహాభారతము, ఏకశ్లోకి భగవద్గీత..

ఓం

ఏకశ్లోకి  మహాభారతము.

ఆదౌ  పాండవ  ధార్తరాష్ట్ర  జననం..లాక్షాగృహేదాహనం

ద్యూత స్త్రీ హరణం..వనేవిహరణం..మాత్స్యాలయేవర్తనం

లీలాగోగ్రహణం..రణేచేవిజయం..సంధిక్రియా  జృంభణం

పశ్చాద్భీష్మసుయోదది నాది హననం  యేతన్మహాభారతమ్ 

.................. 

ఏకశ్లోకి  భగవద్గీత

ఓం  యత్రయోగేశ్వరః కృష్ణో యత్ర పార్ధో ధనుర్ధరః
తత్ర  శ్రీర్విజయో భూతిర్ధ్రువా  నీతిర్మతిర్మమ. 
.........................

పార్ధాయ ప్రతి  బోధితాం....భగవతా నారాయణేనస్వయమ్ 
వ్యాసేన  గ్రధితాం  పురాణమునినా  మధ్యేమహాభారతమ్ 
అద్వైతామృత వర్షిణీం భగవతీమష్ఠాదశాధ్యాయినీ
మంబ త్వా మనుసందధామి భగవద్గీతే భవద్వేషిణీమ్ (భవద్దేషిణీమ్)
......................................

నాకు వ్యాకరణం గురించి అంతగా తెలియదు.  


 వ్రాసిన  దానిలో  అచ్చు తప్పులు ..   వంటివి   ఉంటే  తెలిసిన  వారు  చెప్పగలరు. (   మీకు  అభ్యంతరం  లేకపోతే ...) 

  అచ్చుతప్పుల  వంటివి  ఉన్నచో  దయచేసి  క్షమించమని  దైవాన్ని  ప్రార్ధిస్తున్నాను.

..............................

అంతర్జాలంలో వెతికితే  కొన్ని లింకులు ఉన్నాయి. ఈ  లింక్ లో  కూడా చూడవచ్చు.  

My corner for my kids: Eka sloka collection - Ramayanam . 

 

 

ఏకశ్లోకి భాగవతము.

ఓం

ఏకశ్లోకి  భాగవతము.

ఆదౌ దేవకి దేవి  గర్భ  జననం .... గోపీగృహే  వర్ధనం

మాయాపూతన  జీవితాపహరణం....గోవర్ధనోద్ధారణం

కంసచ్చేదన  కౌరవాదిహననం....కుంతీసుతాన్   పాలనం

యేతత్భాగవతం  పురాణకధితం  శ్రీకృష్ణలీలామృతం.
.................


మా ఇంట్లో ఉన్న ఒక పుస్తకంలో వ్రాసి ఉన్నదాన్ని బట్టి ఇక్కడ వ్రాసాను.
 ..............

 నాకు వ్యాకరణం గురించి అంతగా తెలియదు. 


అచ్చుతప్పుల  వంటివి  ఉన్నచో  దయచేసి  క్షమించమని  దైవాన్ని  ప్రార్ధిస్తున్నాను.

..............................

అంతర్జాలంలో వెతికితే  కొన్ని లింకులు ఉన్నాయి. ఈ  లింక్ లో  కూడా చూడవచ్చు. 

 

  Lord Krishna, His Lilas and Teachings - The Divine Life Society.  

 

 

ఏకశ్లోకి రామాయణము.

ఓం

ఏకశ్లోకి  రామాయణము.

ఆదౌరామ తపోవనాది గమనం.....హత్వామృగంకాంచనం

వైదేహీహరణం...జటాయుమరణం....సుగ్రీవసంభాషణం

వాలీనిగ్రహణం.....సముద్రతరణం....లంకాపురీదాహనం

పశ్చాద్రావణ  కుంభకర్ణహననం....యేతద్దిరామాయణమ్.

.............. 

చివరి పాదం లో "చైతద్ధి రామాయణమ్" అని ఒక పాఠము... 

అని ఒక  అజ్ఞాత  సూచించారు .

.........................................

 అచ్చుతప్పుల  వంటివి  ఉన్నచో  దయచేసి  క్షమించమని  దైవాన్ని  ప్రార్ధిస్తున్నాను.
...................

అంతర్జాలంలో వెతికితే  కొన్ని లింకులు ఉన్నాయి. 

1.    EKA SLOKI RAMAYANAM IN TELUGU - YouTube

    
   

   ॐ Hindu Slokas Blog ॐ: Eka Sloki Ramayanam 

    

    

ఓం.

ఓం.

 శ్రీ విజయ నామ సంవత్సరపు  ఆగమనము సందర్భముగా  అందరికి    శుభాకాంక్షలండి.

 వసంత  కాలంలో   వసంత  నవరాత్రి ఉత్సవాలను  నిర్వహిస్తారు . 


శ్రీ  అనఘాదేవీ శ్రీ  దత్తాత్రేయస్వామి  వార్లకు  నమస్కారములు.

శ్రీపాద  శ్రీవల్లభస్వామివారికి  నమస్కారములు.

    దిగంబర  !  దిగంబర !!  శ్రీ  పాదవల్లభ  దిగంబర !!!

               శ్రీ  పాదరాజం  శరణం  ప్రపద్యే .

        శ్రీపాద శ్రీ వల్లభస్వామివారి  దివ్య  సిద్ధమంగళ  స్తోత్రము  ఎంతో  శక్తివంతమైనది. 

 శ్రీపాద శ్రీ వల్లభ సంపూర్ణ  చరితామృతము  గ్రంధములో  ఎన్నో  వివరములున్నవి.

     ఈ  సిద్ధమంగళ  స్తోత్రమును ..ఈ  క్రింద  ఇచ్చిన  లింక్   ద్వారా  తెలుసుకోవచ్చు....

Sripada Sri Vallabha Siddha Mangala Stotram.wmv - YouTube

అంతా దైవం దయ.
అందరికీ  ఉగాది  పండుగ  శుభాకాంక్షలు.

సమస్యల సమాజంలో............

ఇప్పుడు  సమాజంలో  ఎన్నో  సమస్యలు  ఉన్నాయి...వాటిలో  కొన్నింటిని  గమనిస్తే,

ఫ్లోరైడ్   నీటివాడకం  వల్ల  ఎందరో  ప్రజలు  విపరీతమైన  అనారోగ్య  సమస్యలతో  బాధలు  పడుతున్నారు. ఫ్లోరైడ్  నీటితో   పెరిగే  మొక్కల  ద్వారా  లభించే  ఆహారాన్ని  తిన్నా  వ్యాధులు  వస్తాయని  కొందరు  అంటున్నారు. 

   త్రాగేనీరు,  వంటకు  వాడే  నీటిలో   ఫ్లోరైడ్  లేకుండా   జాగ్రత్తలు  తీసుకుంటే  ఈ  అనారోగ్యాన్ని  చాలావరకు   నివారించవచ్చు. 

ఒక్కో  కుటుంబానికి  త్రాగటానికి,  వంటకు  రోజుకు  రెండు  బిందెల   శుద్ధ  జలాన్ని  అందిస్తే    ఫ్లోరైడ్ తో  వచ్చే  సమస్యలు  చాలావరకూ  తగ్గుతాయి.

 ఒక్కొక్క  ఊరికి   నీటిని శుద్ధి  చేసే  ప్లాంట్ ను  ఏర్పాటు  చేసి  ఒక్కో  కుటుంబానికి  రోజుకు  రెండుబిందెల  నీళ్ళను  అందించాలి. 

  ఆవులు,  గేదెలు , మేకలు,  గొర్రెలు, మొదలైన  జీవులకు   చెరువులలో  ఫ్లోరైడ్  నీరు  త్రాగటం  వల్ల    అనారోగ్యం  వస్తుందో  లేదో  నాకు  తెలియదు.  

 ఇంటివద్ద  పశుపక్షాదులను   పెంచుకునేవారైతే  వాటికి  కూడా  త్రాగటానికి  శుద్ధజలాన్ని  అందించటం   మంచిది.
...........................

  ఇప్పుడు  కిలో  బియ్యం  45  రూపాయల  వరకు  అమ్ముతున్నారు.    విత్తనం  వేసి   పంట  చేతికి  వచ్చేవరకు  రైతులు  ఎంతో  కష్టపడతారు.  తీరా  పంట  చేతికి  వచ్చినా  తాను  పండించిన  పంటకు  ధరను  నిర్ణయించుకునే  అధికారం  రైతుకు  లేదు. 

అటు  రైతుకు  గిట్టుబాటు  ధర  లభించటం  లేదు.  ఇటు  వినియోగదారులకు  బోలెడు  ధర  పెట్టి  కొనవలసివస్తోంది.  మధ్యలో  జరిగే  మాయాజాలం  ఏమిటో  ?

 ప్రజల   ధోరణి  కూడా  చిత్రంగా ఉంటుంది . ప్రజల  ధోరణి  గురించి  ఒక  ఉదాహరణను  చూద్దాం.  రైతుబజారులో  కిలో   పొటాటోస్  కొనాలంటే  ఎంతో  బేరమాడతారు. 

 పెద్దషాపింగ్  మాల్  కెళ్ళి  ఎంతో  ఖర్చు  పెట్టి  ఒక  పాకెట్ పొటాటో  చిప్స్   కొని  కులాసాగా  తింటారు.   

చిప్స్  పాకెట్  వద్ద  బేరమాడటానికి  ప్రజలకు  అవకాశం  లేదు  కదా !  అయినా  ఎంత రేటైనా  బాధపడకుండా    కొనేస్తారు.

................................. 

ఈ  రోజుల్లో  అన్ని  వస్తువుల  రేట్ల  విపరీతంగా  పెరిగిపోయాయి.మరి  ఇంతలా   రేట్లు పెరిగితే    సామాన్యులు  ఎలా  జీవించాలి  ?

 ఉదా...  ఉదయం  నుంచి  రాత్రి  వరకు   రోడ్ల  ప్రక్కన  కూర్చుని  చెప్పులు  కుట్టేవారు  ఉంటారు. రోజుకు  ఎంతమంది  చెప్పులు  తెగుతాయి. 

చెప్పులు   కుట్టేవారికి  చాల  తక్కువ  ఆదాయం  వస్తుంది .   ఇలాంటి  వారు  కుటుంబాన్ని  ఎలా  పోషించాలి  ? 

వీళ్ళకు  జీతాలు  పెంచేవారు  ఎవరూ  ఉండరు  కదా  ! దేశంలో  ఇలాంటి  అల్పాదాయ  వర్గాల  వాళ్ళు  ఎందరో  ఉన్నారు.  

  పెద్దలు  చెప్పినట్లు...వ్యక్తి  స్వార్ధం  కొంచెం  తగ్గించుకుని  పొరుగువారి  క్షేమం  గురించి  కూడా  ఆలోచిస్తే  రేట్లు  విపరీతంగా  పెరగవు.

సమాజంలో  ఎన్నో  సమస్యలకు   ముఖ్య కారణం  వ్యక్తులలో  పెరిగిన  స్వార్ధం .

మన స్వార్ధాన్ని   కొంచెం  తగ్గించుకుని  పొరుగువారి  క్షేమం  గురించి  కూడా  ఆలోచిస్తే  సమాజంలో  ఎన్నో  సమస్యలు  ఉండవు.
...........................................

ఇప్పుడు  విద్యుత్  కొరత  బాగా  ఉంది.  మనుషుల  అవసరాలు  పెరుగుతుంటే  సహజవనరులు  తరుగుతుంటే  కొరత  ఉండకేం  చేస్తుంది.

విద్యుత్  కొరతతో  సతమతమవుతుంటే  విద్యుత్ ను  పొదుపుగా  వాడుకోవాలి  కదా  !  కాని  అలాంటిదేమీ  కనబడటం  లేదు. 

షాప్స్  వద్ద  లేక   ఫంక్షన్స్   వద్ద  చూస్తే,  అవసరానికి  మించి   దీపాలు  వెలుగుతూనే  ఉన్నాయి. 

   ఎన్నో  దేశాల  వాళ్ళు  సౌరశక్తిని  చక్కగా  ఉపయోగించుకుంటున్నారు.  సౌరశక్తి  పుష్కలంగా  లభ్యమయ్యే  మనదేశంలో   కూడా   సౌరశక్తితో  వీధిదీపాలను  వెలిగించవచ్చు.   

పెద్ద  అపార్ట్మెంట్స్  పైన,  ఆఫీసుల  పైనా  , పరిశ్రమలపైనా  సౌరపలకలను  అమర్చుకోవచ్చు    కదా  !

ఇంకో  సమస్య  ఏమిటంటే,  విద్యుత్  బాగా  దొరికితే  విచ్చలవిడిగా  వస్తువులను  తయారుచేస్తారు.  విపరీతంగా  వస్తువులను   తయారీ  చేస్తే   సహజవనరులు  అయిపోతాయి.

అన్నింటికన్నా  పెద్ద  సమస్య .......  వస్తువుల  తయారీ  ప్రక్రియ  వల్ల  పెరిగే   వాతావరణ  కాలుష్యం. 

ఇవన్నీ  ఆలోచిస్తే  విద్యుత్  కొరత  ఉంటేనే  మంచిదేమో ....  అని కూడా  అనిపిస్తోంది.
.......................................

పర్యావరణ  కాలుష్యం  వల్ల  ఎన్నో  జీవజాతుల  ఉనికి ప్రమాదంలో  ఉన్నదని  అంతర్జాతీయ  సభలలో  చర్చలు ? జరుగుతున్నాయి.   అయినా  కాలుష్యం  తగ్గించటం  గురించి   అంతగా  పట్టించుకోవటం  లేదు.

ముందుతరాలవాళ్ళు  కాలుష్యం  బారిన  పడితే  మనకేమిటి ?  ఇప్పుడు  ఉన్నవాళ్ళ   అవసరాలే  ముఖ్యం .   అన్నట్లు  కొందరు  విచిత్రంగా  మాట్లాడుతున్నారు. 

 తమ  స్వార్ధమే  ముఖ్యం  అంటూ  ప్రవర్తించేవారిని  దైవం  గమనిస్తూనే  ఉంటారు
......................................

ఈ  రోజుల్లో  సమాజంలో  ఎంతో  పేదరికం  కనిపిస్తోంది. 

సమాజంలోని  సమస్యలను  పరిష్కరించుకోవటం  కన్నా,   ఎలాగైనా  సరే   వీలైనంత  ఎక్కువ  డబ్బును  సంపాదించి  ఖరీదైన  వస్తువులను  కొనుక్కుని  ఎంజాయ్  చేయటం,   వినోదంగా  సినిమాలు  చూడటం,  క్రీడలను  చూడటం  గురించే  జనం  ఎక్కువ  శ్రద్ధను  చూపిస్తున్నారు.

 ఇలాంటి  వ్యక్తులు   ఎక్కువగా ఉన్న సమాజంలో  సమస్యలు  ఎలా  పరిష్కారమవుతాయి  ?
...........................................

మన  అంతులేని  కోరికల  కోసం   ఇష్టం  వచ్చినట్లు  పర్యావరణాన్ని  కలుషితం  చేస్తే  చాల  సమస్యలు  వస్తాయి. 

 ఇప్పటికే  వాతావరణం  కలుషితం  అయి  కొన్ని  దేశాల  వాళ్ళు  ముక్కుకు  ఆక్సిజన్  డబ్బాలను  కట్టుకు  తిరుగుతున్నారట. 

  విపరీతమైన  కాలుష్యం  వల్ల  ఈ  భూమికి  పెరుగుతున్న  ప్రమాదాన్ని ,  తద్వారా  మనకు,  మన  ముందుతరాలకు   రాబోయే    ముప్పులను  తప్పించటానికి    ఏం  చేస్తే  బాగుంటుందో   అందరూ  ..ఆలోచించవలసిన  అవసరం   ఎంతో   ఉంది.
......................

దైవపూజలు  చేసే  భక్తులు   తన  హితంతో  పాటు  సమాజ  హితాన్ని  కూడా  కోరుకోవాలి.     పాపాలు  చేస్తూ   పూజలు  చేయటం    మంచి  పద్ధతి  కాదు. 

రావణాసురుడంతటి  వాడే  ఎన్నో  పూజలు  చేసినా  కూడా  కొన్ని  పాపాలు  చేయటం  వల్ల  శిక్షకు   గురయ్యాడని   గ్రహించి   భక్తులు  జాగ్రత్తగా  ఉండటానికి  ప్రయత్నించాలి. 

పాపాలు  చేసిన  వ్యక్తులు  తాము  చేసిన   తప్పులను  తెలుసుకుని  పశ్చాత్తాపపడితే , అప్పుడు  వారు  చేసిన  పాపాలకు   పడే   శిక్ష  తగ్గే  అవకాశం  ఉంది . అంతా  దైవం దయ.

 

వైద్యం...కొన్ని సంగతులు .....రెండవ భాగం.

 

 ఆయుర్వేదం,  హోమియో,  అల్లోపతి  అన్ని  వైద్యాలు  గొప్పవే.  ఈ  మధ్య  అన్ని  రకాల వైద్య విధానాలు   ఒకే  ఆవరణలో  అందుబాటులో  ఉండేటట్లు  కొత్తరకం  హాస్పిటల్స్   ఏర్పాటుచేస్తున్నారు. ఇది  ఎంతో  మంచిపరిణామం. 

మాకు  అన్ని  రకాల  వైద్య  విధానాల  పట్ల   గౌరవం  ఉంది. మేము  అవసరాన్ని  బట్టి  అన్ని  రకాల  వైద్య  విధానాలను  వాడతాము. 
 .................... 

ప్రత్యక్షంగా   వైద్యాన్ని  చేసే  వైద్యులు  కొందరయితే,  మీడియా  ద్వారా  వైద్య  సలహాలను  అందించి  ప్రజలకు  సహాయం  చేస్తున్న  వైద్యులు  ఎందరో  ఉన్నారు.

  ఆయుర్వేదం,  అల్లోపతి  ,   హోమియో   వైద్యవిధానాల  గురించి  ఎందరో  వైద్యులు  ఎన్నో  చక్కటి  వైద్యసలహాలను  మీడియా  ద్వారా  అందిస్తున్నారు.  చాలా మంది  వాటిని  పాటించి  మంచి  ఫలితాలను  పొందుతున్నారు.
 ....................... 

ప్రతి  అనారోగ్యానికి  ప్రకృతిలో  మందు  ఉంటుందంటారు.

ఆహారవిహారాల్లో  చక్కటి  పద్ధతిని  పాటించటం  వల్ల  ఎన్నో  రోగాలు  రాకుండా  ఉంటాయని  పూర్వీకులు  తెలియజేసారు.  ఆయుర్వేదంలో  ఎన్నో  చక్కటి  మందులు  ఉన్నాయి. 

ఉదా.......నాకు  తెలిసిన  ఒకామె  ఏం  చెప్పారంటే , ఒకప్పుడు  ఆమెకు  చాలా  మందపాటి  కళ్ళద్దాలు  ఉండేవట.  ఆయుర్వేద  వైద్యులు  చెప్పినట్లు    గోపంచకాన్ని  ఒక  పద్ధతి  ప్రకారం  మందులా  తయారుచేసి  వాడటం  వల్ల  ఆమెకు  ఉన్న  దృష్టి దోషం  పోయి   కళ్ళజోడు  అవసరం  లేకుండానే  చక్కగా  పత్రికలు  చదవగలుగుతోందట. 

ఉదా.....పక్షవాతంతో  బాధపడే   ఒక  వ్యక్తికి   అల్లోపతి  వైద్యం  వల్ల   వ్యాధి   తగ్గలేదట,   ఆయుర్వేదమందులు  వాడుతూ  యోగాను  చేయటం  వల్ల  ఆయనకు  వచ్చిన  వ్యాధి  పూర్తిగా  తగ్గిపోయిందట.  అప్పటినుంచి  ఆయన   యోగాను  బాగా  నేర్చుకుని,   యోగా  యొక్క  గొప్పదనాన్ని  తెలియజేస్తూ   ఇతరులకూ  నేర్పుతున్నారట.

ఉదా......పదవతరగతి  పరీక్షలు  పూర్తయిన   తరువాత  నాకు  కామెర్లవ్యాధి  వచ్చింది. మా  ఊళ్ళోని  ఒక  ఆయుర్వేద  వైద్యుని  వద్ద  మందులు  వాడితే  తగ్గింది.

 ఆహారంలో  ఉసిరిని  వాడితే  మంచిది..  ఉసిరి  వల్ల  ఎన్నో  రోగాలు  రావట.  పూర్వీకులు    భోజనం  చేసేటప్పుడు  మొదటి  ముద్దలో   ఉసిరికాయ పచ్చడిని  కలుపుకుని  తినేవారట. 
............

హోమియో  వైద్యం  గురించి  ఇంతకుముందు    టపాలో  వ్రాసాను. స్త్రీలకు  వచ్చే  నెలసరి  సమస్యలను  ఆపరేషన్  అవసరం  లేకుండా  హోమియో  మందులతో  తగ్గించవచ్చు.
.......................................

 అల్లోపతి  వైద్యం  విషయనికొస్తే ,   కొన్నిసార్లు  అనారోగ్యం  బాగా  పెరగటం  వల్ల  రోగులు    నీరసంగా,  నిస్త్రాణగా   అయిపోయినప్పుడు  అప్పటికప్పుడు  సెలైన్  ఎక్కించి  ప్రాణాలను  కాపాడవచ్చు.   ఎవరికైనా  అత్యవసరంగా   ఆపరేషన్  చేయటం  వంటి  సమయాలలో  అల్లోపతి  వైద్యం  ఉపయోగపడుతుంది.

నాకు   చిన్నతనంలో  ఒకసారి   బాగా  అనారోగ్యం  వచ్చిందట..  అప్పుడు  మా  ఊరిలోని  అమెరికన్  మిషనరి  ఆసుపత్రిలో  వైద్యులు  నాకు  వైద్యం  చేసి   సెలైన్  ఇవ్వటం  వల్ల  కోలుకున్నానట.

ఆ  ఆసుపత్రి  గేట్  వద్ద  పెద్ద  ఏసుక్రీస్తు  విగ్రహం  ఉంటుంది.
....................................... 
 
కొందరు  హిందువులు, పిల్లలకు  అనారోగ్యం  వచ్చినప్పుడు  మందులు  వాడటంతో  పాటు    ద్రిష్టి  కూడా  తీస్తారు.  కొందరు  ముస్లిం మతస్తులు , కొందరు  హిందువులు  కూడా  పిల్లలకు  అనారోగ్యం  వచ్చినప్పుడు  మందులు  వాడటంతో  పాటు  మసీదుల  వద్ద  మహిమ కలిగిన తాయెత్తులు  తెచ్చుకుని  ధరిస్తారు.  మా  పెద్దవాళ్ళు  కూడా  మసీదు  వద్ద  తాయెత్తులు   తెచ్చి  పిల్లలకు  కట్టినట్లు  నాకు  గుర్తుంది.

ద్రిష్టితీయటం,  తాయెత్తులు   కట్టుకోవటం వలన , వ్యక్తులకు  ఉన్న  చెడు  దోషాలు  తొలగిపోతాయని   పెద్దలు  తెలియజేసారు.   ........

ఈ రోజుల్లో   ఎన్నో రకాల  వైద్యాలు  ఉన్నాయి.  పూర్వం  అయితే  మన  దేశంలో  ఆయుర్వేదమే  ఎక్కువ  ప్రాచుర్యంలో  ఉండేదట.  ఇన్నిరకాల  వైద్య  విధానాలు  కాకుండా  ఆయుర్వేదవైద్యచికిత్స   ద్వారానే  అన్ని  రోగాలు  తగ్గిపోయేవట.

 అప్పట్లోనే   చరకుడు,  సుశ్రుతుడు  వంటి  గొప్ప  వైద్యులు ఉండేవారని  గ్రంధాల  ద్వారా  తెలుస్తోంది. 

  అప్పట్లో  సర్జరీలు  కూడా  జరిగేవట.   అయితే,  ఇప్పుడు  ఆ  వివరాలన్నీ  మనకు  అందుబాటులో  లేకుండా  పోయాయి.

ఎన్నో  విలువైన  గ్రంధాలను  మనం  నిర్లక్ష్యం  చేశాము.  ఉన్నవాటినైనా  పరిరక్షించుకుని , వాటిలోని  వివరాలను  బట్టి  పరిశోధనలు  చేస్తే  ఎన్నో  విలువైన  విషయాలు  తెలిసే  అవకాశం  ఉంది.
........................................................

చాలామందితో  పోల్చితే    మాకు  అనారోగ్యం  చాలా  తక్కువగా  వచ్చింది.  అందుకు  భగవంతునికి  అనేక  కృతజ్ఞతలు.  అంతా  దైవం  దయ.

వైద్యం ...కొన్ని సంగతులు .......

నాకు  చిన్నప్పుడు  టాన్సిల్స్ వల్ల  చాలా  ఇబ్బందిగా  ఉండేది. టాన్సిల్స్ వల్ల  గొంతులో  చాలా  నొప్పి,   జ్వరం  వచ్చేవి. అల్లోపతి   మందులు  వాడాము  .  వాటివల్ల  తాత్కాలికంగా   రిలీఫ్ గా   అనిపించినా  మళ్ళీ  నొప్పి  వచ్చేది.   డాక్టర్ గారిని  అడిగితే    టాన్సిల్స్  ఆపరేషన్  చేయటం   ఒక్కటే  మార్గం .  అని  చెప్పారు.


 ఇక  చేసేదేమీ  లేక   ఏడవతరగతి  పరీక్షలు  అయిన  తరువాత  సెలవల్లో  ఆపరేషన్ చేయించుకుందామని   సిద్దమవుతుండగా  ఒక  హోమియో  డాక్టర్  మాకు  పరిచయమయ్యారు.  వారు  టాన్సిల్స్ కు  ఆపరేషన్  అవసరం  లేదని  చెప్పి  తాను  మందులు  ఇస్తాను  వాడమన్నారు.

 ఆ హోమియో  డాక్టర్  గారు  ఇచ్చిన  మందులను  వేసుకున్నాను.  అంతే  టాన్సిల్స్  బాధ  పూర్తిగా  తగ్గిపోయింది.  ఇప్పటివరకు  టాన్సిల్స్  వల్ల  ఎప్పుడూ  ఇబ్బంది  ఎదురవ్వలేదు.
...........................

 వివాహం   తరువాత  కొన్ని  సంవత్సరాలు  హైదరాబాద్ లో  ఉన్నాము.  

 నా  భర్త  స్నేహితుడు  ఒకతను ,  ప్రముఖ  హోమియో  వైద్యులయిన  జి. ఎల్. ఎన్  శాస్త్రి  గారి  గురించి   చెప్పారు. 

  మేము   అనారోగ్యం  వస్తే   శాస్త్రి  గారి  వద్దకు   వెళ్ళేవాళ్ళం.   వారు  ఎంతో  చక్కటి  మందులను  ఇచ్చేవారు. వారు  ఇచ్చిన  మందులు   ఎంతో  చక్కగా  పనిచేసేవి. 
.................................

 మా  అబ్బాయికి  చిన్నతనంలో  ఒకసారి  బాగా  విరేచనాల  వల్ల  అనారోగ్యం  వచ్చింది.  అప్పుడు  అల్లోపతి  డాక్టర్ గారి  వద్దకు  వెళ్తే  పరిస్థితి  కొంచెం  సీరియస్ గా   ఉందని  చెప్పి   మందులిచ్చారు.  

మాకు  భయం  వేసి  సికింద్రాబాద్  వినాయకుని   ప్రార్ధించుకున్నాము.  దైవం  దయవల్ల   అబ్బాయి  త్వరగా   కోలుకున్నాడు.
 (  అప్పటికి  శాస్త్రిగారి   గురించి  మాకు  తెలియదని  నాకు  గుర్తు. )

మాకు  జి.ఎల్.ఎన్ శాస్త్రి  గారి  గురించి  తెలిసిన  తరువాత  మాకు  తెలిసిన  వాళ్ళబ్బాయికి    విరేచనాల  వల్ల  బాగా  అనారోగ్యం  వచ్చింది.  అల్లోపతి  మందులకు  తగ్గలేదు. 

వాళ్ళు  మా  వద్దకు  వచ్చి   శాస్త్రి  గారి  అడ్రస్   తీసుకుని   వెళ్ళి  హోమియో  మందులు  వాడారు.   ఆ  అబ్బాయి  త్వరగా  కోలుకున్నాడు.

చిన్నపిల్లలకు  అనారోగ్యం  వస్తే  ఎంతో  కంగారుగా  ఉంటుంది.  వాళ్ళు  కోలుకున్న  తరువాత   పెద్దవాళ్ళకు  మనశ్శాంతిగా  ఉంటుంది.
............................. .......

  ఈ  రోజు  వార్తాపత్రిక   చదువుతుంటే    ప్రముఖ  హోమియో  వైద్యులయిన  డాక్టర్  జి.  ఎల్.  ఎన్  శాస్త్రి  గారు  నిన్న  పరమపదించారని  చదివాను.  చాలా  బాధనిపించింది.  మేము  వారి  వద్ద  ఎంతో  విలువైన  వైద్యసహాయాన్ని  పొందాము.

వారి  ఆత్మకు  శాంతి  కలగాలని  దైవాన్ని  ప్రార్ధిస్తున్నాను.