వివేకానందుల వారి గురువైన రామకృష్ణ పరమహంస గురించి.....

శ్రీ రామకృష్ణ  పరమహంస,  శ్రీ  శారద  మాత ,  
  శ్రీ వివేకానందుల వారికి  అనేక  నమస్కారములు,

 శ్రీ  వివేకానందుల  వారి    గురువైన  రామకృష్ణ  పరమహంస జీవితంలో   జరిగిన  ఒక  సంఘటన  ఇది.  

ఒక  తల్లి  తన  చిన్న  కొడుకును  తీసుకుని  రామకృష్ణ పరమహంస  వద్దకు  వస్తుంది. 

ఆ  బాబు  తీపి   పదార్ధాలను  అతిగా  తింటుంటాడు.  అది   అనారోగ్యం  కాబట్టి,  ఆ    అలవాటును   ఎలా  మానిపించాలో  సలహా  చెప్పమని  ఆ  తల్లి   రామకృష్ణుల  వారిని  అడుగుతుంది.

 అప్పుడు  రామకృష్ణులు ,  వారిని    మరునాడు  రమ్మని  చెబుతారు.   ఈ  విధంగా    కొద్దిరోజులు  గడిచిన  తరువాత  ,  ఒక  రోజు  రామకృష్ణుల  వారు  ఆ  బాబుతో .... తీపి  అతిగా  తినవద్దని  చెబుతారు.  


  ఈ    విషయం  చెప్పటానికి  ఇన్నిరోజులు  ఎందుకు  ?  ముందు రోజే  చెప్పవచ్చు  కదా  !  అని  ఆ  తల్లికి  సందేహం  వచ్చి అడిగితే,

  రామకృష్ణుల  వారు  ., ..తల్లీ  నాకూ  తీపి  అతిగా  తినే  అలవాటుంది.  ఆ  అలవాటును  నేను  తగ్గించుకోకుండా  ఇతరులకు  ఎలా  సలహా  ఇవ్వగలను  ?  ఆ  అలవాటును  తగ్గించుకోవటానికి  నాకు  ఇన్ని  రోజుల  సమయం  పట్టింది  .  అని  చెబుతారు.