ఎంత బాగా మందులు వాడినా కొందరికి రోగాలెందుకు తగ్గటం లేదు ?.( వారి పూర్వ కర్మ వల్ల.)

అక్షయ తృతీయ శుభాకాంక్షలు....

 ప్రతి ఒక్కరికి మహిమలు చూపించి వారి కష్టాలు తీర్చటం, రోగాలు తగ్గించటం గొప్పవారి ఉద్దేశం కాదు,   ఆ విధంగా చేస్తే ప్రజలు సోమరులవుతారు. అది సృష్టి ఉద్దేశం కాదు.

మన ప్రయత్నం కూడా మనం చేయాలి. రోగం తగ్గాలంటే భగవంతుని కరుణ కావాలి. అలాగే మనం మందులు కూడా వాడుకోవాలి.

అదేమిటి ? మందులు వాడుకున్నప్పుడు ఇక భగవంతుని కరుణతో ఏం పని ? అని కొందరికి సందేహం రావచ్చు.

మందులు వాడితేనే రోగాలు తగ్గిపోయేటట్లయితే ఎంత జాగ్రత్తగా మందులు వాడినా... కొందరికి రోగాలు ఎందుకు తగ్గట్లేదు ? ..

కొందరు డాక్టర్లు కూడా జబ్బు చేసి ... తగ్గక ,.బాధపడుతున్నారు.

జబ్బులు ఎలా వస్తాయో తెలిసీ...వస్తే ఏ మందులు వాడాలో తెలిసీ కూడా..... కొందరు డాక్టర్లు కోలుకోవటం లేదెందుకని ?

ఇలాంటి వాటికే పూర్వ కర్మ, పాపం ..ఇలా ఆధ్యాత్మికత ద్వారా సమాధానం దొరుకుతుంది .

కొందరు మందులు సరిగ్గా వాడకపోయినా... జబ్బులు తగ్గినవారున్నారు... దైవం దయ కొందరిపై అలా అపారంగా ఎందుకు ఉంటుందంటే...వారి పూర్వ పుణ్యమే అందుకు కారణం.


.మామిడిచెట్ల వయిపు పూతపూసియున్నప్పుడు చూడుము.పువ్వులన్నియు పండ్లు అయినచో , నెంత మంచి పంట యగును ? కాని యట్లు జరుగునా ? పువ్వుగానే చాలమట్టుకు రాలిపోవును. గాలికి కొన్ని పిందెలు రాలిపోవును. కొన్ని మాత్రమే మిగులును.. అన్నారు షిర్డీ సాయిబాబా.


ఒకే తల్లిదండ్రులకు పుట్టిన పిల్లల మనస్తత్వాలు , ఒకేలా ఉండవు... పిల్లలలో ఎన్నో తేడాలుంటాయి. .... కొందరికి బాగా తెలివి ఉండి బాగా విద్య వస్తుంది. కొందరికి విద్య సరిగ్గా రాదు. .. కొందరికి మంచి ఆరోగ్యం ఉంటుంది. కొందరికి ఎప్పుడూ అనారోగ్యమే. ఇలా .. వారి అందరి జీవితాలు ఒకేలా ఉండవు. ఎందుకు ఉండవు. ? ( ఎవరి కర్మఫలం వారిదే..)

ఇలా ఎన్నో ప్రశ్నలకు ఆధ్యాత్మికత సమాధానాలు ఇస్తుంది.

ఇప్పటి జన్మలో మనిషి అవసరాల వరకూ మాత్రమే చెప్పటంతో.. భౌతిక శాస్త్రం ఆగిపోతుంది.

జీవుల పుట్టుకకు ముందు......మరణానికి తరువాత ఎలా ఉంటుందో ఆ విశేషాలు కూడా ఆధ్యాత్మిక గ్రంధాల ద్వారా చెప్పబడ్డాయి.

ఇంకా,ప్రాచీన గ్రంధాలలో .... విశ్వం గురించీ ,సృష్టిలో ఉన్న ఇతరలోకాలు, జీవుల గురించి ఎన్నో విషయాలు వివరించబడ్డాయి...అందుకే ఇదంతా ఆధ్యాత్మికశాస్త్రం అనటంలో కూడా తప్పు లేదనిపిస్తుంది...


శ్రీ రాముడు, శ్రీ కృష్ణుడు లాంటి గొప్పవారు........ వారి జీవితంలో ప్రతి చిన్నదానికి మహిమలను ఉపయోగించలేదు. . ......... వారిలా కష్టపడి అయినా ధర్మంగా జీవించాలని... వారి జీవితం ద్వారా సందేశాన్నిచ్చారు.

ప్రజలకు దైవం అంటే నమ్మకం కలిగించవలసి వచ్చినప్పుడో, ........ తప్పనిసరి పరిస్థితిలోనో, ఇతరులకు సహాయం చేయటానికి ........ వారు మహిమలు చూపిస్తారు..