మహిళలు నెలసరి రోజులలో వాడే శానిటరీ నాప్కిన్స్ విషయంలో చాలా సమస్యలు ఉన్నాయి. పాతకాలంలో కాటన్ క్లాత్ వాడి ఉతకటం చేసేవారు.
కొన్నినెలల తరువాత వాటిని బకెట్లో వేసి కాల్చివేసి, కొత్త క్లాత్ వాడే పద్ధతి కూడా కొందరు అనుసరించేవారు. (వాడకంలో లేని పాత.. స్టీల్ లేక అల్యూమినియం బకెట్ లో ..)
********
ఇప్పుడు కొత్తవి రకరకాలు అందుబాటులోకి వచ్చాయి.
ఎప్పటికప్పుడు వాడి పడేసే శానిటరీ నాప్కిన్స్ లో కొంత ప్లాస్టిక్ కూడా కలుస్తుందట.
చాలామంది మహిళలు వీటిని శుభ్రం చేయకుండానే ఎక్కడపడితే అక్కడ పారవేయటం వల్ల అనేక సమస్యలు వస్తున్నాయి.
***********
ఈ మధ్య కొత్త శానిటరీ నాప్కిన్స్ కొన్ని రకాలు మార్కెట్లోకి వచ్చాయి.
ఇవి ఒకసారి కొంటే, ప్రతినెలా వాడి పడేయకుండా ... ఎప్పటికప్పుడు శుభ్రం చేసుకుని సుమారు ఒక సంవత్సరం వరకూ వాడుకోవచ్చట.
అలాగని పాతకాలంలోలా పెద్ద వస్త్రం ఉండదు. చిన్న సైజు నాప్కిన్ ఉంటుంది. వీటివల్ల పర్యావరణం సమస్యలు ఉండవట.
ఖరీదుకూడా ఎక్కువేమీ కాదు. నెలనెలా వాడిపడేసేవి నెలకు సుమారు 60 నుంచి 150 వరకు ఖరీదు అవ్వచ్చు.
కొత్తరకం నాప్కిన్లు సంవత్సరానికి ఒక్కసారి 499 రూపాయలు ధరకు కొంటే సుమారు ఒక సంవత్సరం వరకూ వాడుకోచ్చంటున్నారు.
వీటిని గదిలో ఫాన్ క్రింద వేసినా ఆరిపోతాయి.
ఎప్పుడయినా బయట ఎండలో కుర్చీ పైన వేసి.. కొంతసేపు ఎండిన తరువాత తీసుకోవచ్చు.******
వివరాలను క్రింద లింక్ వద్ద చూడగలరు..
PEESAFE Brand.. Reusable Sanitary Pads ..12 + Months ..ZeroWaste.. Cost..499 Rupees .
100% Organic Cotton | Pee Safe Biodegradable Sanitary Pads
*********
అరటినార వంటి వాటితో కూడా శానిటరీ నాప్కిన్స్ తయారుచేస్తున్నారు, వీటిని వాడి ఎప్పటికప్పుడు బయటపడేయవచ్చు. ఇవి త్వరగా మట్టిలో కలిసిపోతాయట.
మెన్స్ట్రువల్ కప్స్ కూడా వచ్చాయట.
******************
నెలసరి గురించి కొన్ని విషయాలు..కొన్ని పోస్టులు..
కొందరి ఇళ్ళలో మగవారు వంట చేయరు. బయట హోటల్స్లో వాళ్ళు మాత్రం ఎంతవరకు శుభ్రంగా చేస్తారో? చెప్పలేము. బయట తింటే అనారోగ్యాలు రావచ్చు. ఇలాంటి పరిస్థితుల వల్ల కొందరు స్త్రీలు నెలసరిలో తప్పనిసరిగా ఇంట్లో వంట చేస్తారు.
కొందరు, వాళ్ల కుటుంబంలోని స్త్రీలు నెలసరిలో ఉద్యోగాలకు బైటకు వెళ్తే ఏమీ అనలేరు. ఈ రోజుల్లో బయటకు వెళ్ళక తప్పదుకదా..అని సర్దిచెప్పుకుంటారు. తప్పనిపరిస్థితిలో స్త్రీలు ఇంట్లో వంటచేస్తే మాత్రం , అలా చేయకూడదు..కష్టాలొస్తాయని గట్టిగా వాదిస్తారు.
బయట దేవాలయాలకు వెళ్లేవారు ఉంటారు. పూజ చేసుకుని ఆఫీసులకు వచ్చేవారుంటారు. మరి, నెలసరి వాళ్ళు బయటకు వెళ్లి వాళ్ళందరికి కలిపేయటం దోషమే కదా..
అయితే, కొందరు స్త్రీలు తప్పనిపరిస్థితిలో బయట ఉద్యోగాలకు వెళ్తారు. భర్త కుటుంబాన్ని పట్టించుకోకపోతే , ఇల్లు గడవటానికి ఉద్యోగాలకు వెళ్లే స్త్రీలు కూడా ఉంటారు. అలాంటప్పుడు కూడా బయటకు వెళ్ళక తప్పదు.
ఈ రోజుల్లో నెలసరిలో ఎన్నో సమస్యలు వస్తున్నాయి. నెల మధ్యలో కొద్దిగా కనబడటం వంటి.. ఎన్నో సమస్యలు ఉన్నాయి. పాతకాలంలో స్త్రీలు చదువులు, ఉద్యోగాలకు బయటకు వెళ్లేవారు కాదు కాబట్టి, ఇంట్లో పక్కన కూర్చునేవారు. వాళ్ళను కూడా విసుక్కుంటూ చూడకూడదు. మంచిగా చూసుకోవాలి. నెలసరి విషయంలో ఎందరో స్త్రీలు ఎన్నో చీత్కారాలు, బాధలు అనుభవించారు. ఇప్పటికీ కొందరు అనుభవిస్తున్నారు.
ఆచారం ఖచ్చితంగా పాటించాలంటే నెలసరిలో ఎవ్వరూ బయటకు వెళ్లకూడదు. ఇలా చెపితే ఎందరు వింటారు? వినరు కాబట్టి, కుదిరినంతలో పాటించటం తప్ప, ఏం చేయలేని పరిస్థితులున్నాయి.
కొందరు తమకు తోచినట్లు కొత్తకొత్త ఆచారాలు చెబుతున్నారు. అవన్నీ పాటించటం గురించి ఇళ్ళలో గొడవలు కూడా జరుగుతున్నాయి. వ్యక్తులు, కుటుంబవ్యవస్థ, సమాజము బాగుండాలని ప్రాచీనులు చక్కని ఆచారవ్యవహారాలను ఏర్పరిచారు.
కాలక్రమేణా కొందరు తెలిసితెలియనివారివల్లా, కొందరు స్వార్ధపరుల వల్లా గ్రంధాలలో కొన్ని ప్రక్షిప్తాలు ప్రవేశించాయి. మూఢాచారాలు పెరిగాయి. మూఢాచారాలవల్ల కుటుంబాల్లో గొడవలు జరిగితే, ఆ ఉసురు మూఢాచారాలను చెప్పిన వారికి తగలదా? అందువల్ల జాగ్రత్తగా చెప్పాలి.
ప్రాచీనులు ఎన్నో ధర్మసూక్ష్మాలను కూడా తెలియజేసారు. ఉదా..అబద్ధం చెప్పటం దోషమేకానీ, మనం చెప్పే నిజం వల్ల అన్యాయంగా ఎవరికైనా హాని, సమాజంలో హింస వంటివి..జరిగే పరిస్థితి ఉంటే, అప్పుడు సందర్భాన్ని బట్టి విచక్షణతో,వివేకంగా మాట్లాడి హింస జరగకుండా ప్రవర్తించటం న్యాయం.
మనం సాధ్యమయినంతలో ఎవరినీ ఇబ్బంది పెట్టకుండదు, మనమూ ఇబ్బందులు పడకూడదు. కొన్ని ఆచారవ్యవహారాలను పాటించటం విషయాల్లో పరిస్థితిని బట్టి కొంత పట్టువిడుపుతో ప్రవర్తించాలని అనిపించి వ్రాసాను.. తప్పుగా అర్ధం చేసుకోవద్దండి.
Friday, December 15, 2023
ఈ ఆచారం ఎక్కడవరకు వెళ్ళిందంటే..
Friday, October 5, 2018 చేతనైతే ఈ సమస్యలను.....
Monday, April 18, 2016 ఇది వివక్ష కాదా ?
Wednesday, April 20, 2016 కొన్ని ఆచారాలు..
Wednesday, January 3, 2018 కొన్ని పద్ధతులు..కొన్ని సంగతులు..
Sunday, August 27, 2023 అంటుముట్టు ..
Monday, June 13, 2022
జీవితంలో ఒక్కసారి వచ్చే సొంత సోదరుని వివాహంలో పాల్గొన....
